الـزكـرتيه - عرض مشاركة واحدة

**بيـــــــــش** · 09-14-2006, 03:11 PM

وعليكم السلام ورحمة الله وبركاته

<<لاحظ اني رديت مرتين

بعد اسبوع ممل بين الكتاب والدفتر والمقلمة

وليالي كانت مؤلمة

قضى الاسبوع

وهاهي بيــــــــــــش قادمة

ياربي كل شي صار يحسسني اني في رمضان

الجو الروحاني يوم أسمع الصلاة في المساجد وخصوصاً هالأيام

وريحة ماأشمها إلا في رمضان

لاتقولون ريحة طبخ.. لا والله ماهيب طبخ

ريحة زينه بس مدري وش هي ومن وين

وفي المدرسة اذا طلعنا للفسحة أحس شكلي غلط وأنا أفطر

أتردد قبل أشرب من العصير وإلا الما

شي محير فعلا

ويجي بابا ستل جناحه طال عمره>> شوفيه نملة تراه بابا

ويقول رمضانية

اقتباس:

طبعن كثيرين مننا وقت المسيان يتكي مع الشياب وقهوه محبوكه بالهيل
مع (قسبه) وحـلوى شـويطر الخضرا

يازينها من قعده >> خاطرها تتقهوى مع شياب

بس الشين في العقده انهم راح يسوون منك مطراش

رح ياولد وحط وتعال ياولد وهات

وإلا السوالف عارفين ان مامحليها ومكثرها إلا التهيؤات >> ماتبي تقول انهم كذابين

وش القسبه؟

اقتباس:

هو كان القوي اول
وهو اللي سافر تركيا عشان يشتغل وهو طالع سياحه في الاصل

كلهم يسافرون علشان يكدون ويشتغلون

وماااااااايعرفون للشينه طريق

وهذا واحد راح للهند ونسى نفسه هناك سته شهور

علشان بس يعصر الشجرة ويجيب دهن العود >> على زوجته مو علينا

اقتباس:

واحيانن العجيز الله يحفظها ويشفيها يارب
قولو امييين\\

آآآمين وعجيزات الناس كلها

اقتباس:

أمـر الله شق القـربة

تهقى انها نفس معنى (اللي في القدر يطلعه الملاس)؟

اقتباس:

تذكرون الخزانات المصغره اللي فيها ماء وتسحب خيط مدري عصا من فوق ويتدفق الماء؟؟؟

وين يتدفق؟

المهم خلاص سحبناه

اقتباس:

مقدمة اوخرى

درست تعبير والسنة غيروا اسمه وسموه إنشاء

ويوم الاثنين جات أبله فاطمة وقالت اكتبوا موضوع أدبي

وأبيه الاثنين الجاي

الظاهر اني راح أستعين بهالسابقه اللي ماقد حدن سواها

مقدمتين لموضوع واحد

شي جميل

اقتباس:

المكان\\شارع سيبه وحنا حنصلحوه
الزمان\\ قبل المغرب بشوي يعني حوالي الساعه ثنتين العشا

كنت ناويه أسألك عن المكان وين هو به

بس يوم قريت الزمان عرفت ان مافي البر أحد

اقتباس:

تجلت لي الاحاديث الشعرية في عدد من الفقرات المتجليه حينها يتساوى لدينا ناتج القسمه على هـ مطروح منه النسبة المئويه

يفهم لك اللي خلقك

اقتباس:

انا واخوي كاشخييييييين هو سيكل صتي مقاس 20 وانا 18 مدري 14

أثاريها حتى السياكل لها مقاسات

أنا ماركبت إلا اللي له مساعدات من ورى

وجدايل في يدينه تقل بوليانا << ماتعرفها أدري

اقتباس:

كنا انا وواحد يعنني احافظ على الصلاة
وقت صلاة التراويح نتكي ورى الييييييييييين يخللص الامام من القراءه في الركعه الثانيه وقبل لايركع نلحق عشان نقضي ركعه وحده

يااكثر ما انجلدوا اخواني في ليالي رمضان بسبب هالسالفه

ومرة واحد من اخواني كان عمره 4 سنوات

طبعا مرت عليه رمضانات واااجد بس الولد توّه يركز

طلع أبوي وخذاه معه لصلاة العشاء كالعاده وماكان يروح للمسجد ويرجع إلا مع أبوي

وأعلنوا في المسجد ان هذيك الليلة ليلة صيام

طبعا صلوا الفرض وقام الامام يصلي التراويح

صلى ثنتين.. ثنتين.. ثنتين.......

قام أخوي الفطين ولبس نعيلاته ورجع للبيت

دخل لأمي وقال لها روحوا بس لأبوي قولوا له يجي

الامام كله ينسى ويرجع يعيدها

اقتباس:

عاد مره مسكت معي على واحد مصري في حارتنا
الله والاسم بعد أميـر كان دايمن الساعه ثنتين في الليل يمر من الشارع وهو يغني --حبيبي يانور العين ياساكن خيالي--ودك اول ماتسمع صوته انك في الجيش وصرحو لك سلاح

مدري تقرب له الصغيرة اللي في الحرم؟

لابسه حرامها وتمشي مع أهلها في المسعى

وتهز وسط وتغني بصوتها وماجاب أخاصمك آه أسيبك لآ

اقتباس:

مره كان المؤذن حق حارتنا مسافر للرياض من امس بالليل ووصى ابوي وعطاه المفتاح قالة خل رح اذن للفجر لاجا وقت الصلاة
عاد ابوي احس انه نكب كل الخلق ذاك اليوم

قام الظاهر جهران الساعه ثنتين في الليل مدري ثنتين ونص توضى وراح المسجد وشوي مانسمع الا (الله واكبر اللللللللللللللللله واكبر) انا توني مزبط لي جك فنتو
وناوي اني اختم ريزدنت ايفيل ذاك اليوم
الا واسمع الاذان .. اطلع في الساعه الاثنتين ونص

أمي دايم ترقع للمؤذن وتقول هذا الأذان الأول للفجر اكلوا ألين تسمعونه يأذن مرة ثانيه

ياااعاد مايحلا الأكل إلا في آخر اللحظات

واذا أمسكنا جلسنا نطالع في السفرة بنظرات بؤس

ونتمنى لو كلينا من هالجهة وإلا من ذيك القطيعه

اقتباس:

اروح عند امي احصلها جالسه عند الفرن ومفهيه كانت تسوي السحور
تذكرت ان المذن قال للشاي ب رح اذن للفجر مانيب فيه ذالليل
الزبده رحت المسجد للشايب لقيته تاكي على العمود وراقد يحتري الاقامه وفيه شايبن مسيكين جالس معه
رحت وصحيت ابوي قلت له يبه قم تسحر
ومن يومها وهو يصلي في المسجد اللي على الشارع العام

اللي صاموا هذاك اليوم من الساعة ثنتين ونص

ذنبهم لليوم في رقبة أبوك

تلقاهم ماأذن للمغرب إلا ناشفين ويتكسرون

وكله كوم والثور اللي نايم في المسجد لحاله كوم

وربي رحت المدرسه ذاك اليوم وأنا أضحك >> العاده قافله حواجبها ومضيعة المفتاح

بابي أبو جنحان

اقتباس:

طبعن كنت مسوي مجتهد وادرس بالكليه في ينبع

8
8
لاحظي يا نملة انه كتب كنت

يعني أنت اللي فضحت نفسك وبينت انك شايب

لقد أمتعتني بسواليفك اللي تجنن

ووسعت خاطري الضايق من ذا الاسبوع الغثيث

لاتبعد ترى الدراسة بابعد خلصت

يعني تراي كل يوم متضايقة وطفشانه ماعدا الخميس والجمعة

امسك كيبوردك وكل يوم نزل مويضيع لنا في غرفة السواق

تقر عيونا وتتوسع صدورنا بحضورك الكريم

ننتظرك بابا ستّل

لقد تعبت وأنا أتميصل هنا وهناك

وقد حان عندي وقت المقيال

اقتباس:

لآثسف ٌثلشقيس