الســلام عليـــكم ورحمــة الله وبركـــاته
وأخيـراً ومن بعد طــول غياب تمكن حضرتنا الكـريم من الوصول الى الاراضي الزكـرتيه
>>> الحمـدلله على السلامه
<<< لاهنت
<<< يسمـع بالذرابة
*** مـقــدمــة ***
طبعن كثيرين مننا وقت المسيان يتكي مع الشياب وقهوه محبوكه بالهيل
مع (قسبه) وحـلوى شـويطر الخضرا (وجه بتكسي بحريني في العزيزيه) طبعن المعروف عن الشايب داااااااااااااااااايم هو كان القوي اول
وهو اللي سافر تركيا عشان يشتغل وهو طالع سياحه في الاصل...
المهم ماعلينا ..
واحيانن العجيز الله يحفظها ويشفيها يارب
قولو امييين\\
قالت لنا مره جمله مدري مثل مدري حكمه الزبده كلمات مترابطة
أمـر الله شق القـربة
عاد انا فهيت لمدة عشرة من الدقائق الطويلات الين انصفقت بفنجال ابو حواف خضراء من الشايب يقول تقهو وانا ابوك لاحق على الزواج
^
^
^
^
^
تذكرون الخزانات المصغره اللي فيها ماء وتسحب خيط مدري عصا من فوق ويتدفق الماء؟؟؟
اسحبوووه هنا
مقدمة اوخرى
المكان\\شارع سيبه وحنا حنصلحوه
الزمان\\ قبل المغرب بشوي يعني حوالي الساعه ثنتين العشا
تجلت لي الاحاديث الشعرية في عدد من الفقرات المتجليه حينها يتساوى لدينا ناتج القسمه على هـ مطروح منه النسبة المئويه
يوم اني اجرب السيكل اول مره في الكورنيش
طبعن كان ابو كفرتين مساعدات من ورى ..
وعاد انا واخوي كاشخييييييين هو سيكل صتي مقاس 20 وانا 18 مدري 14
المهم ..
انا جايك متحمس مليووووووون واشوف قدامي عائلة مصري توهقت في الفرامل مادريت بنفسي الا صافق في المصريه
عاد يجيني حنفي مدري زنكلوني ايه ده ياواد مابتختشيش
قلت انا وبكل براءه لا والله خشيت بالغلط
ومن يومها الى يومك هذا وانا اسمع بحاجه اسمها سيكل
عاد بعدا ابوي دلعني واخذلي همبرجيني <<<من الصدق والله
عاد تعرفون بعدين وانت في الحاره انواع الدشاره في رمضان
الناس تصلي التراويح وانا الزق في ولد حارتنا اللي معه سيكل يردفني
لا ومن زين الطبايع كنا نشتري خل اسود ونحط معه شوية ماء وملح وبهارات وشطه ومافيه الا للللللللللللللللط
عاد الله والاخلاق اذا ابوي بييصلي معنا في نفس المسجد
كنا انا وواحد يعنني احافظ على الصلاة
وقت صلاة التراويح نتكي ورى الييييييييييين يخللص الامام من القراءه في الركعه الثانيه وقبل لايركع نلحق عشان نقضي ركعه وحده
وبعدين كنا اول مانطلع من صلاة الفجر في رمضان نروح نلعب كرة طائره
وتعال عاد شوف اللعب اللي ياكل رمل والثاني يحذف الحصى على الكورة اللي متعلقه من المباراه اللي راحت
عاد مره مسكت معي على واحد مصري في حارتنا
الله والاسم بعد أميـر كان دايمن الساعه ثنتين في الليل يمر من الشارع وهو يغني --حبيبي يانور العين ياساكن خيالي--ودك اول ماتسمع صوته انك في الجيش وصرحو لك سلاح
على طاري رمضان ...
مره كان المؤذن حق حارتنا مسافر للرياض من امس بالليل ووصى ابوي وعطاه المفتاح قالة خل رح اذن للفجر لاجا وقت الصلاة
عاد ابوي احس انه نكب كل الخلق ذاك اليوم
قام الظاهر جهران الساعه ثنتين في الليل مدري ثنتين ونص توضى وراح المسجد وشوي مانسمع الا (الله واكبر اللللللللللللللللله واكبر) انا توني مزبط لي جك فنتو
وناوي اني اختم ريزدنت ايفيل ذاك اليوم
الا واسمع الاذان .. اطلع في الساعه الاثنتين ونص
اروح عند امي احصلها جالسه عند الفرن ومفهيه كانت تسوي السحور
تذكرت ان المذن قال للشاي ب رح اذن للفجر مانيب فيه ذالليل
الزبده رحت المسجد للشايب لقيته تاكي على العمود وراقد يحتري الاقامه وفيه شايبن مسيكين جالس معه
رحت وصحيت ابوي قلت له يبه قم تسحر
ومن يومها وهو يصلي في المسجد اللي على الشارع العام
عاد مره جدي (الله يرحمه) كان هو المؤذن حق المسجد اللي في الديره
وكان فيه امام توه جايهم باقي صغير
المهم الامام قال بنجمع تبرعات للمسجد نشتري مكنسه واغراض للمسجد
عاد نقز واحد من الشيبان اللي هناك قال ان كنت تبغى مكنسه بخلي مرتي فاطمه تجي تكنس لك وتطلع مانيب دافع
وقال جدي الله يرحمه انا معي صندوق طماط في السوق ان كان انباع فابشر بعطيك وان كان ما انباع انسىىى
وبعدين عندنا خطيب ونااااسه من جد وقت الجمعه
مره كان يخطب يوم الجمعه <<< اجل بيخطب يوم السبت
المهم كان فيه واحد يماني مسكين من الصباح وهو يشتغل في سوق الخضار ويحمل وينزل
وهو في المسجد تكى راسه على الجدار ونام
عاد الخطيب مندمج مع الفتوحات والمعارك
نقز وقال:
خالد بن الوليد كان يجاهد في رمضان وهذا الثور نايم في المسجد
عاد دووووووورني فكيت امها ضحكه بقلب في المسجد
مايستفاد من المذكور اعلاه:
1\لاتحـاول انك تشتري خبز قبل الاذان بخمس دقايق في رمضان لان احتمالية رجعتك يومها 1.0098%
م\ اربط حزام السلامه وذلك لسلامتك
8\ ماعندي سالفه بس احب ازود الاستفادات
4\راجع الفقرة أ و ب
لآثسف ٌثلشقيس
فوتكووو بعافيه
مع السلامة,,,
وني وني وني وني وني وني