07-17-2006, 08:00 PM
|
#5 (permalink)
|
|
 آخر
مواضيعي |
|
|
|
مشاركة: أم القنبر في بلاد العجائب<-ادخل انت وياه قبل التشفير
 السلام عليكم
بصراحه موضووع خطيرررر,,
ياما كنت اتخيل نفسي مكان أليس 
اليس يا فتاه بعمر الزهور _ _ _ _ _ أكملي الفراغ مانيب حافظه الباقي 
اقتباس:
|
حسيت بشوية طفش وزهق الله يعلم وش كثره فقررت اني اطلع بحوش بيتنا
|
وراك ما طلعت السطح ترا يمدحوونه>>>>>> مجربه هاليومين 
اقتباس:
وفجأه وبدون اي مقدمات ما وعيت الا وانا خابطه على خشيشتي
وانواع الصعارير والدمل في جبهتي فتمالكت نفسي وقمت على حيلي
ابي اشوف وش الماضوع
|
تحمست ,,
اقتباس:
وعيوني متورمات وطالعات لبرى . .
ووجهي صاير مافيه خشم وجسمي لونه أحمر!!
|
شلوون ذي ما عندتس خشم ,,
ما تجي ذي 
اقتباس:
|
أثاريني تحولت الى نمله حمرا...!!!
|
إلا وش انواع النمل  أنا ما اعرف إلا الابيض و الاسود و الاحمر ,, ما فيه انوااع ثانيه <<<<<< لا يكثر بس 
اقتباس:
وبينما انا اترنح بقنازعي من شنق الى شنق آخر
ومن ميله الى ميلةٍ أخرى مادريت الا واحد من النمل يرمقني بنظرات اعجاب
ويراقبني من بعيد عاد انا مايحتاج خقيت وصرت اترقص زياده وماغير اقزقز فيه
|
ياهووووو يا مهمه يا وخيتي لو انتس ما بينتي له انتس خاقتن معه خليك ثقيله شوووي <<<<< أخس يا الثقيله 
اقتباس:
ويوم خلصت الاغنيه جا عندي وقال لي:وش اسمتس انتي يالنمله الحمرا؟
عاد انا حقرته مسويه ثقل وانا قلبي يقرقع
|
ايه كذا أزين
اقتباس:
المهم هو عداها وقال لي:انا اسمي ابو شنب وبصراحه اعجبتيني وقررت
اني اطلب القرب منتس وش قلتي؟؟
|
و الله الرجال ما عنده لف و دوران و شكله مؤدب..
اقتباس:
|
وتوني بجاوب الا يطمر لي واحد من النمل الأحمر مدري من وين طلع
|
وش كنتي بتقولين له بتوافقين 
اقتباس:
ويقولو وخر عن هالنمله عندنا يالنمل الأحمر البنت ما تتزوج الا ولد عمها
يعني انا اولى بها منك يلا رح دور لك نمله من نفس فصيلتك (من النمل الابيض)
|
أخس يا النمل الاحمر تعرفوون 
و الله ولد عمك حطم ابو شنب مسكين رحمته
اقتباس:
ومير انا استنانست وقعدت اسوي حركات بهلوانيه من شدة الفرح
أولاد يتهاوشون علي؟؟
هذا عز الطلب
|
تراني قاعده اتخيل شكلتس ,,
خخخخخخخخخخخخخخ
اقتباس:
وبينما كنت جالسه اتمايل واتأرجح من الفرح مادريت الا النمل قاموا يطلعون اسلحتهم
وبدت تطلع علوم القبايل ومير تجيني ام الركب واقعد افك بينهم ومحاوله مني لاستدراك
الماضوع
|
اقوول شبيتيها بينتهم و تقولين استدرك الموضووع
اقتباس:
قلت لهم تعوذوا من ابليس واحد يتزوجني اليوم والثاني بعد اسبوع
مايصير الا الخير ياجماعه<-وجه بن فهره
|
والله منتب صاحيه (وجه فاطس من الضحك)
اقتباس:
ماهقيت الا وهم منقلبين ضدي وقاموا يلاحقوني عاد انا خميت عفشي ونقزت من عندهم
بنقزه دبلوماسيه وقلت مافيه شي بيفكني من هالورطه الا جدتي فهرولت مسرعه لها
|
أيه عشان ما تصدقين عمرتس
اقتباس:
وقعدت اصوت لها وهي عمك اصمخ ما عندها فيني قاعده تغني
يا راسي يا مسباي
ان كديته وصل العلبا
وان خليته شمر فوق
عاد من الخوف قعدت اعضعض في عصاقيلها عل وعسى تنتبه لي ولكن مافيه امل
ماحولي الا عظامةٍ يابسه . .
|
خخخخخخخخخخخخخخخخخخخخخ
اقتباس:
|
وبعد تفكير عميق قررت اني اتسلق لين اوصل لراسها واعض خشمها اللي كبر قريح
|
اقتباس:
|
فهربت ودخلت بفتحة خشمها (اللهم صلي على محمد) تقولون مغارة علي بابا
|
أووو بخشمها عاد قويه ,, ما اقدر اتخيل المنظر,, و الله انك مرجوجه 
اقتباس:
وما امداني ادخل الا وانا اسمع صوت ريح قادمه من الشرق
فعرفت ان جدتي ناويه نيه قشرا فسلمت أمري لله واستقبلت القبله
|
اجل تبينها تسكت لك 
اقتباس:
وما حسيت فيها الا وهي تقرصني باذني وتقول قومي قمه تقوم من حيلتس
ماغير مشاخر لا شغل ولا مشغله
|
مدري احس كنها امي لما تهاوشني
ايووووا
اقتباس:
|
-يستخدم البخور للقضاء على النمل المتطفل في الزراعه
|
معلومه جديده ,, منكم نستفيد 
اقتباس:
|
-لا تتأمل بخشم جدتك كثير عشان ما يبلاك ربي ويذوقك اياه
|
الله يرحمها ماتت وانا ما تأملت بخشمها
اقتباس:
|
-ام القنبر+منتدى= نخبقه بلا حدود
|
ام القنبر+منتدى = رجه و صرقعه و هباال
ينطيتس العافيه على هالماضووع 
مع
حبـــــــــ بافي ـــــــــي ,,
__________________
ثمينة هي لحظاتنا,,
كل لحظة تمضي هي شيء فريد
لن يتكرر أبداً أبداً ..
فــ "أنــت" لن تكون قط
كما كنت في لحظة سابقة
ولا "أنـــا" ,,
كل لحظة هي بصمة إصبع ,,
لاتتكرر ,,
كل لحظة هي كائن نادر ..
وكالحياة
يستحيل استحضاره مرتين ..
|
|
|