وبينما كنت جالسه اتمايل واتأرجح من الفرح مادريت الا النمل قاموا يطلعون اسلحتهم

وبدت تطلع علوم القبايل ومير تجيني ام الركب واقعد افك بينهم ومحاوله مني لاستدراك

الماضوع قلت لهم تعوذوا من ابليس واحد يتزوجني اليوم والثاني بعد اسبوع

مايصير الا الخير ياجماعه<-وجه بن فهره

ماهقيت الا وهم منقلبين ضدي وقاموا يلاحقوني عاد انا خميت عفشي ونقزت من عندهم

بنقزه دبلوماسيه وقلت مافيه شي بيفكني من هالورطه الا جدتي فهرولت مسرعه لها

وقعدت اصوت لها وهي عمك اصمخ ما عندها فيني قاعده تغني

يا راسي يا مسباي

ان كديته وصل العلبا

وان خليته شمر فوق

عاد من الخوف قعدت اعضعض في عصاقيلها عل وعسى تنتبه لي ولكن مافيه امل

ماحولي الا عظامةٍ يابسه . .

وبعد تفكير عميق قررت اني اتسلق لين اوصل لراسها واعض خشمها اللي كبر قريح

كودها تحس فيني وفعلا تسلقت وتسلقت وللأمانه ساعدتني شعيرات ساقها كثير في

عملية التسلق ويوم وصلت لراسها قمت انطط فوق خشمها لين شافتني

مادريت الا وهي تقول:

نفــــــره!!

وش ذا اللي يطامر على خشمي ماهو هاقي الا وهو مخبوطن على وجهه

ومير انا يوم سمعتها تقول كذا خفت تخبطني والا تسوي فيني شي واروح فيها

فهربت ودخلت بفتحة خشمها (اللهم صلي على محمد) تقولون مغارة علي بابا

وما امداني ادخل الا وانا اسمع صوت ريح قادمه من الشرق

فعرفت ان جدتي ناويه نيه قشرا فسلمت أمري لله واستقبلت القبله

وتعطسني جدتي ذيك العطسه اللي ما وعيت منها الا وانا لاصقه بالكرسي

وجدتي تقترب مني رويداً وريداً..كراثاً كراثاً<-ماصله صح؟

وانا اقول ياويلي ويلاه يا ام القنبر عز الله جاك الموت يا تارك الصلاه

وما حسيت فيها الا وهي تقرصني باذني وتقول قومي قمه تقوم من حيلتس

ماغير مشاخر لا شغل ولا مشغله قومي امسكي يدي دخليني البيت

وقمت من النوم وحمدت ربي اني كنت احلم

.

.


ما يستفاد من القصه:

1-يستخدم البخور للقضاء على النمل المتطفل في الزراعه

2-لا تتأمل بخشم جدتك كثير عشان ما يبلاك ربي ويذوقك اياه

3-ام القنبر+منتدى= نخبقه بلا حدود