انا جلست مده لين ما استوعبت الوضع
وفجأه قاطعني صوت سامري وطقطقه من بعيد وانقز لكم ذيك النقزه نحو مصدر
الصوت ويوم وصلت لقيت جدتي صايره عملاقه ومدهره ماغير تبخر بهالزراعه
ومجموعه من النمل الأسود مسوين عرضه عند رجولها ويغنون. .
يا خالتي خافي من الله وارحمي حالي
جسمي برى يا خالتي وانتي تشوفينه
ورايحين فيها ماغير يترقصون وفجأه استنزل واحد منهم عاد انا احتراما لمشاعره
الجياشه ماحسيت بنفسي الا وانا اطامر معه واترقص بقنازعي<-على الريحه
وبينما انا اترنح بقنازعي من شنق الى شنق آخر
ومن ميله الى ميلةٍ أخرى مادريت الا واحد من النمل يرمقني بنظرات اعجاب
ويراقبني من بعيد عاد انا مايحتاج خقيت وصرت اترقص زياده وماغير اقزقز فيه
ويوم خلصت الاغنيه جا عندي وقال لي:وش اسمتس انتي يالنمله الحمرا؟
عاد انا حقرته مسويه ثقل وانا قلبي يقرقع
المهم هو عداها وقال لي:انا اسمي ابو شنب وبصراحه اعجبتيني وقررت
اني اطلب القرب منتس وش قلتي؟؟
وتوني بجاوب الا يطمر لي واحد من النمل الأحمر مدري من وين طلع
ويقولو وخر عن هالنمله عندنا يالنمل الأحمر البنت ما تتزوج الا ولد عمها
يعني انا اولى بها منك يلا رح دور لك نمله من نفس فصيلتك (من النمل الابيض)
ومير انا استنانست وقعدت اسوي حركات بهلوانيه من شدة الفرح
أولاد يتهاوشون علي؟؟
هذا عز الطلب
.
.
يتبع<-زودتها صح ههههههه