في أحدى الايام الخاليه واحدى الليالي السمرمديه الهادئه <-السمرمديه وليس السرمديه
حسيت بشوية طفش وزهق الله يعلم وش كثره فقررت اني اطلع بحوش بيتنا
أتأمل في مخلوقات الله واشم شوية هوا عل وعسى يروح الملل عني . .
و يوم طلعت لقيت جدتي جالسه على الكرسي وقاعده تبخر الزرع
عاد انا استغربت في البدايه وقلت في نفسي اكيد فيه سبب لهالشي
بس بعدين طنشت الموضوع وجلست على الكرسي وقعدت اتفرج عليها
وفجأه وبدون اي مقدمات ما وعيت الا وانا خابطه على خشيشتي
وانواع الصعارير والدمل في جبهتي فتمالكت نفسي وقمت على حيلي
ابي اشوف وش الماضوع ويوم وقفت لقيت كل شي من حولي متغير وصاير كبير
قنازعي شاقصات ومترززات على فوق كأنهن أريل
وعيوني متورمات وطالعات لبرى
. .
ووجهي صاير مافيه خشم وجسمي لونه أحمر!!
عاد انا يوم شفت السالفه كذا شهقت ذيك الشهقه وقمت اراكض واصيح
وكالعاده تحمست وطمرت طمره مثل طمرات راقصات الباليه وماهقيت الا
وانا خابطه مره اخرى في بركة ماي
عاد يوم قمت شفت صورتي معكوسه في الماي وفي هاللحظه فهمت السالفه كلها
أثاريني تحولت الى نمله حمرا...!!!
.
.
يتبع