الـزكـرتيه - عرض مشاركة واحدة - هل شخصيتكـ في المنتدى تمثل شخصيتكـ الحقيقية ؟

**ماشي الحال** · 06-25-2006, 04:02 AM

السلام عليكم

كيف حالك اخوي حبر وحرف

عندي تعليق بسيط على مجمل الموضوع

اقتباس:

هل شخصيتكـ في المنتدى تمثل شخصيتكـ الحقيقية ؟
طبعا لا ومن يقل غير ذلكـ فهو مضلل وانا اولكم

اتوقع انا بطلع مضلل على حسب حكمك المسبق

مدري انت قست كلامك على حسب قرائتك المنتديات الاخرى

ومقابلة اعضائها على الطبيعه

او عندنا هنا قريت وقابلت بعض الكتاب على ارض الواقع ؟

لان صعبه تربط بين الكاتب في المنتدى وبين شخصيته الحقيقية

وانت ما قابلته

يعني المقصد لاتعمم في حكمك ان اللي نكتبه يخالف شخصياتنا الحقيقية

بغض النظر عن الامثله اللي ذكرتها

ما دام الكلام عن المنتدى وهل هو نفس الشخصيه الحقيقيه او لا

هنا اقدر اجاوبك عن نفسي انا

كل ما كتبته في المنتدى يعبر عن جزء من شخصيتي الحقيقيه ولكن << لاحظ ولكن

ليست شخصيتي الكامله لان اكيد فيه مواضيع ما تطرقنا لها

بس الكلام على شخصياتنا في المنتدى اقولك عن نفسي

كل حرف كتبته يعتبر حقيقي وما فيه تصنع او ازدواجيه

او اظهار اشياء عكس الواقع

وفيه كذا شخص بالمنتدى هنا اعرفهم نفس شخصيتهم بالواقع

بس هم اولى بالرد مني

وبنظره سريعه على ما ذكرت من امثال

ولنفرض ان الاب يدخن اتوقع صعبه يقول لولده دخن

او يشوفه يدخن ويقوله عادي انا ادخن

ليش ؟

لان الاب ملزم انه يربي ولده بالطريقه اللي يشوف انها صح

حاله حال المعلم والطبيب ..

الشخص لما يكون ملزم يختلف اذا كان مخير

والمخير هو انا وانت مثل وضعنا في المنتدى ..

الدكتور اللي يدخن وينصح المرضى بالاقلاع عن التدخين

لا تاخذها من زاوية وحده اللي هي

( وشلون ينصحني اترك الدخان وهو يدخن )

خلاص نقول عنده ازدواج بالشخصيه او منافق اجتماعي ؟

اخذها من زاوية انه مجرب وعارف اضراره ويحاول يوضح لي

الاخطار المحتمله وينصحني

ويمكن تكون عزيمتي وارادتي اقوى من الطبيب في هذا الامر

الفرق اشوفه ان الاراده تختلف من شخص لشخص وهذا شي مؤمنين فيه

ارجع على وضع المنتدى اللي حنا داخلينه باختيارنا وما حنا ملزومين

بكل كلمه نقولها ..

الحين انت اخوي حبر وحرف

دخلت الموضوع وما سلمت

هل هذي فعلا هي شخصيتك على ارض الواقع انك تدخل

على ناس ما تسلم؟

بتقولي هنا غير والطبيعه غير

بقولك انت اجل اللي بتجاوب على الاسئله اللي في موضوعك

اجابه شافيه لان ينطبق عليك اختلاف الشخصيه في المنتدى والواقع

اما اذا كانت عادتك تدخل ما تسلم اتوقع انك راسم صورتك صح

تطرقت للسلام ليس كـ مآخذ عليك لانه اكيد شي راجعلك

بس تطرقت له كنقطه تحسب في صالح الموضوع وشي اشوفه قدامي

ختاما شكرا على طرحك

ويعطيك العافيه