الله لايجزاك ياسوق بالخير = انشهد انه راح مالي خســـاره
عودت اجر الصوت عقب المخاسير = واقول انا مالي ومال التجاره
أصبحت عقب المال مديون للغير = وعقب ((الجيوب)) اصبحت راكب (غماره )
والراس شيب واشتعل بالتفاكير = والفقر في بيت الغنا شب نـــــاره
والراتب اقصاد وأجار وفواتير = لاعندي ارض ولا بملكي عمـــاره
رحنا ضحايا في يدين الهوامير = الحظ تاره والهوامير تـــــــاره
في سوقنا الغاشم تخيب المشاوير = سوق مع الهزه تطاير غباره
الشعب صارو في صفوفه طوابير = لكنه اعلن للجميع انهياره
هدي((زراعيه)) وديك(( تعمير)) = طاحت مثلماطاح برج التجاره
قلنا يبي له وقت ويصير تغيير = يرتد وضعه ويتعدل مســـــاره
لكن تعلقنا ... ويالله عسى خيـــر = مادام راسي حي مابه خســــاره