الـزكـرتيه - عرض مشاركة واحدة - وسعوا ياولاد ابله شيخه وصلت --- سارعوا بالتهلل والتسهل

**ماشي الحال** · 05-18-2006, 09:00 AM

الصورة صورة سعاد حسني الفنانة الراحله اللي استانس اذا شفتها

الاسم شيخه ام محمد صديقي وندلعها الشوخي

الاسلوب يميل الى السخريه كثيرا مع اندماج في الخيال الهزلي

مع هذا وذاك تتصف بالعقلانية والنضج

لون الخط أسود وحجمه 4 وغليظ ويدل على ضعف النظر او بعد النظر كلاهما واحد في قاموسي

فيها عيب واحد بالنسبه لي ( حظرتكوا ) = ( حضرتكوا ) >> اخبارك يالعميد

تتسم بالعبقرية الممزوجة بالدهاء

سواد الليل بالنسبة لها يساوي كتلة من الدهر الغير حاضر ( جملة مدري وش تبي )

سنة أولى منتديات ولكنها تعادل خبرة اعوام كثيرة

تعشق الطرب الأصيل وخصوصاً المطربين والمطربات >> ونعم التوضيح يابيه

تخاف من الغد وتغدو من الخوف

إذا حضرت الكل يسكت وإذا غادرت الكل يسكت أيضاً >> الظاهر قالطه على طرمان

برقعها يدل على عبقريتها ولكن احرصوا من لدغة العقرب ( تقارب الكلمات يدعوها الى سطر واحد )

^
^

نبذه بسيطه عن العضوه شيخه

<< قل قسم

شيّوخ أو شيخون اختاري اللي يعجبتس

بس احس افضل نقولتس شيخه

على اي اساس ندلعتس ومن متى المعرفة اصلا؟

<< عسى ماشر يالحبيب

ترى لو تسأليني وش كتبت فوق بقولتس والله مدري

اقتباس:

الملحتس

لاهيب مصريه ولا سعودية ذا الكلمه

تقصدين الملحتز يعني نفس تزد ( قد )

فيه كلمات في اللغة العربيه مانعطيها وجه

مع انها تعطينا اختصارات في كلام واجد

امس قاعد ابرق في كلمة ( سدى )

يعني لو اقول لواحد ياخي حرام يروح تعبي سدى

احسن من اني اقول ياخي حرام تعبي يروح (على خالي بلاش) << احس مايقولها الا حنا

المهم كثر الكلام يجيب الكلام

والسكوت يجيب الكلام

والله ماعاد عرفنالكم ياذا الناس >> يكلم الناس كلهم

ان سكتنا قلتوا ليه مانتكلم

وان تكلمنا قلتوا لعنبو غيره ما يسكت ذا

وان تكلمنا وسكتنا قلتوا ليه مايسكت وليه مايتكلم

ماااش الصراحه التعامل معكم صعب ( وجه حاط ايدينه على خصره وينفخ نفخة الزهقان )

شيخه بسألتس سؤال واحد واذا جاوبتي اعتبرتس احسن وحده في العالم

السؤال يقول :

جواز المرور إلى أغلب الاشخاص يعتبر وثيقة وديّه قد يملكها شخص

ولا يمكلها شخص آخر ..

من خلال تعاملك مع البشر ومن خلال خبرتك في الحياة هل تعتبرين نفسك

تمتلكين هذا الجواز أم تجدين صعوبة في الجمارك من قبل الأطراف الآخرين ؟

وهذا يسحبنا إلى سؤال فرعي

مارأيك في ما يحصل الآن في العراق ؟ خخخخخخخخخخخخخ << الضحكه تمويه لو صار شي

جاوبي ياوجه الطابي

عضوتنا الجديده الاخت شيخة

طلتس تدل ان في راستس تنسيم بس يبي له مستند نص

وابشري بالذبيحه بس ما أضمن هي لحم أو لا

ليش اذا قلنا ذبيحه يجي في بالنا المدعو خروف أو تيس

ليش ما تكون دجاجه ؟

الحين الذبيحه لغوياً تعتبر دلالة على أنثى لان اخرها هاء النسوه

والخروف ذكر والتيس ذكر والدجاجه أنثى

مفروض نقول ذبيح للخروف والتيس وذبيحه للدجاجه

<< على شحم بس

المهم ترى انتي منوره والبيت بيتس