يسعد مساكم جميعا ً ...


( ولد الشرقيه لاتناظر مشاركتي ذي )

( صحيح ان الكلام اللي بقوله ماله دخل في الموضوع لكن هو حقيقه ولايمكن احد انكارها .. وسبق وقلته واعيد مره ثانيه)


بـ صراحه هالصالح كامل عز الله ماله من اسمه نصيب ابد ..

لا واللي زودها اكثر .. ولده ذا الهرش اللي توه طالع له كم يوم ..لكن من شابهه اباه فما ظلم ...

( اللي عاوز يشوف لازم يدفع ) ( زي ما انت تاكل وتشرب بفلوس لازم تشوف بفلوس )

عنك ان تمنيت اني محل المذيع عشان اطب في بطنه ..

<< - - امحق محاوره رياضيه .. وش تطب يالحبيب الله يصلحك وين التحلي بالاخلاق والمحاوره الهادفه ..

يارجال وش محاوره هادفه ذا " المتسعود " وولده معاد خلو فيها محاوره هادفه ولاغيرها ...

اجل بلد متأهل لنهائي مناسبه رياضيه من حقه ان يشاهد على الاقل مباريات فريقه ..

ماقلنا خلنا نشوف كل المباريات ... مباراة منتخبنا يا ادمي ..

كما نص عليها الاتحاد الدولي للفيفا ... من حق الدول المتأهله لكاس العالم ان تشاهد مباريات فريقها مع مباراة الافتتاح والحفل كذلك .. زد على ذلك مباريات نصف النهائي والمباراة النهائيه ..

يعني رميت بقرارات الاتحاد الدولي عرض الحائط يا" متسعود " ...

حسبنا الله ونعم الوكيل ... لا ومحسوب علينا سعودي بعد .. والله فشيله قسم بالله ...

ياحلاالاة اني لي سلطه بس ...

والله لاخلي فوق كل اشاره في السعوديه تلفزيون وأنقل مباريات كاس العالم كلها مهوب السعوديه بس ..

والله شئ يحز في النفس حقيقه ..

الامهات ترفع اكفها بالدعاء عليك بدل الدعاء لك .. ان كنت لاتعلم ذلك فأنا اخبرك الان ....

لان ستدفع بشبابهم واولادهم للذهاب للمقاهي واماكن الشيشه والمعسل لكي يشاهدوا مباريات المنتخب ...

اما يكفي يا " متسعود " ردائت نقلك الحصري الفاشل وتقصدك لبعض المباريات بذلك وتكملها برفع قيمة الاشتراك ؟

والله مهزله .. مهزله .. مهزله .. اجل اشتراك كاس عالم في بلد متأهل له بـ 1650 ريال ؟

ايعقل هذا يابشر ؟

1650 ريال على ايش بالله عليك انت ووجهك ؟

على تقطيع الصوت يوم ... وتقطيع الصوره يوم ... والا كالعاده الصوره كما وردت من المصدر ؟

هههههههههههههههههههه والله مخجل ماتفعله يا"متعسود "

انت طبقت المثل اللي يقول ... ( فوق شينها قوات عينها )

لانقل زي الناس ولاتغطيه زي العالم وفوق هذا رافع الاسعار


الله لايبارك فيه ولافي قناته << - - ام واحد من العيال قايلتها

ياجماعة الخير اعذروني على كلامي ولكن هذا المتسعود مالقى احد يوفقه عند حده

وما ادري رعاية الشباب معجبها الوضع ؟

هذا مايمنع اننا نرفق صوره مع التحيه لهم ...

اذن تصير ...

صوره مع التحيه للاتحاد الدولي ( الفيفا )

صوره مع التحيه للاتحاد السعودي

صوره مع التحيه لكل شخص بمقدوره ان يفعل شئ تجاه مايحدث ولم يفعل


المعذره مره اخرى ... وان ورد هناك خطأ فالسموحه منكم ...

وان حصل هناك تداخل في الافكار فالسموحه لاني كتبتها على عجاله ...

بالتوفيق لمنتخبنا ان شاء الله ...

ويعطيكم العافيه ...

مشكور يالمرواني ...



فمان الله ,’,’,’,’,