الـزكـرتيه - عرض مشاركة واحدة - خالي ناصر ودربحة كرات الحنيني ... د جـ هـ 666

**شباب في رحله** · 05-08-2006, 04:06 PM

ارحب يالمخنز

مابغيت تجي ام العفن الي تدرم وجهك

ياخي

من شفت المؤشر قارب للعشره

وانا اتسدح من الضحك عليك اللهم لاشماته

ماجابك الا الشديد الئوي

ياحليل خالك ناصر

ياخي اشتقت له وريحته

عاد تصدق على طاري ذا الاكلات الشعبيه

اشتهيت خبز طابي ومعه بصل مقطع وسكر <<< جوك يالحبيب

اقتباس:

فكنتو اقفز في مدرسة البنات اللي قدامن من بيتنا الطين << وجهن مبسوط ماكان ذيك الأيام في الشارع كله إلا بيتنا اللي فيه لمبة على الباب

واسرق مقصف البنات

^
^
^
يالله على البراءه

اعتمد الكاتب هونا يوضح مدى البراءه الطفوليه في عقوول
بزارينا من اوول

تخيل لو واحد الحين طمر على مدرسة بنات وش بيسوي؟

تهقى انه بيرسل بلوتووث على طوول وهو ماسك زواية حوش المدرسه

لله درك يافتانا المغوار

اجل بس علشان تسرق المقصف

رووح الله حسبيك ياشيخ

لو اني منك رحت اشووف ذا الغنادير وهن لابسات المراييل ( وجه قلب يخفق)

اقتباس:

مزغططه مارتن بالشارع وإلا حمامةن مستلقيه على جدارن تتشمس إلا وصار أقوى أكشن لها في حياتها التعيسه

ياخي على طاري الحمام

ياخي فيه حمامه مدري وش سنعها في حياة المدن

ذيك الرماديه اللي لها صوت غريب

كل ماوجهت واحد طلع لي سالفه على صوتها

عاد لين سألت جدتي وقالت ذي ياطويل العمر
تقوول ( جديتي) وقلت لها وش معنى جديتي
قالت من اوول يسمون البوك ( المحفظه) جديده
وهي كانت تبي تروح تسوق وسرقوا جديدتها
بعدين قالت لي عساك للحين تسمع الي قاعد اقووله
قلت لها لا بس اشووف الى اي مدى انتي لاقيتني

اقتباس:

قكانت القطوة تعاني من خداع ووبن خالتي يشير لها بيد ليرغبها ويناديها بـ تزا تزا تزا

ايه صحيح

ياخي انتو تنادون القطو كذا؟

حنا نقوول

زيكم لكن بين تزا وتزا نحط كلمة سعٌود

يعني يكون الحاصل

سعٌود تزا سعٌود تزا

وفيه واحد من العيال مهب زرار طقطق ترا
يناديها سعَيَدَهَ <<< طبعاً نطقها يكون كل الحروف فيها فتحه قريبه لكلمة سعاده

سبحان الله لغات ياخي <<<

اقتباس:

كان من ضمن الأشياء اللي كنا نعملها ( على فكرة ترا راسي بعد احصائية الفلقات لعام 1427 هـ -2006 قبل الميلاد وصلت إلى 23 فلقة في راسي ولين الحين ماني داري وين التنسيم منه )

وانا اقووول من وين استشفوا شعار المروور الجديد يكفي
اثره من كثر فلقاتك

الحمدلله انها يومني صغير دلوع مافيني فلقات ولله الحمد

لكن جروح في الرجل حدث ولاحرج
مسكين اصبع رجلي الكبير ضلمته في الحياه

كلش ولا القزازه الصغيره مره اللي نطلعها بأبرة خياطه
تنقيش لين تطلع
اللله يذكر خدامتنا راميه بالخير احسن وحده تطلع قزاز صغار
دايم كنت منبطح قدامها وهي تحوورف في رجلي لين تطلع

اقتباس:

كنا نمسك قطو ونحطه في قوطي نيدو

وسط ولا كبير <<<

ماشاء الله عليك اجل طلعت من عيال النيدو
وصلكم ذا التطور ذيك الايام

علينا يابو شدوق

حنا مانعرف قوطاي النيدو الا اذا جينا نشب جمر لكن حجم صغير

اقتباس:

أعتذر عن عدم تنسيق الموضوع وذلك لأنه وليد اللحظة
( واللي ييفهم شي من القصة لاينسانا بالشرح عساها في موازين أعماله <<< وجهن يحك راسة )

على طاري وليد

تذكر وليد الي مع الكابتن ماجد ؟

انت وش كنت تختار من اوول؟

اذا الجمعه في بيتنا ابن امه يختار الكبتن ماجد

لكن اذا مو في بيتنا اكتفي في ياسين او اي واحد وان حصل وليد مانقول لا

دجه جعل يوم سلف قبل يومك

ياخي حي الحياه بشوفتك

انااااااااااااااااسه ذا الموضووع

ومرحبن بعودتك ايها الشجاع المرهجاني