الـزكـرتيه - عرض مشاركة واحدة - خالي ناصر ودربحة كرات الحنيني ... د جـ هـ 666

**سلف خمسة** · 05-08-2006, 12:40 PM

سلام ..!

د ج هـ

آخيرا وفيت بوعدك يا خآين ورجعت للمنتدى

طيب جبت المآذون معك؟

يحليلك وقسمن لك وحشه بنت سقستي سقس >> الويه

انت معي ان ولد الخاله ماله سنع في الحياه

يعني لما اقول ولد خالتي تحس انه زيادة عدد

يفرق عن ولد عمي ولو تتعمق اكثر في كلامي وتشوف وش ابي

راح تشوف شي ساد عينك بقول انه اصبعي علشان ما اجرحك

يآخي الحنيني وشهو

زود على كلام اهل الديار ذيك اللي يجيب الحاقط ماقط

الا انه عليهم آكلات مدري وش تبي

ياكثر اللي حقدوا علي الحين

الله يقوم عجوزك بالسلامه ويشفيها ويخليها لكم

الحين خالك حاطكم قدامه وكل واحد فاتح فمه خخخخخخخخخ

جالس في سيرك الله يهديه مووب عند عيال اخته

وانتم ابو هطّاف مستانسين على اللي يسويه

ذكرتني بـ سالفة طراها التنشين على البؤ

هذا جالسين ندخن في النافذ ايام الصبا الغابره ومصفطين السياكل

فترة راحه من الدوجه

ونتحدا اللي يحذف الزقاره في السما واذا طاحت يقدر يصيدها بـ فمه

قبل تطيح بالارض

المهم كلنا فاتحين بؤنا ونحاول

إلين صادنا ابوو واحد من اللي معنا بالجرم المشهود

نحشنا كلنا

وابن اللذينا حبكت معه يلحقني بالذات

طيب إلحق ولدك

شكله قال الدب ذا ابو صديغات مهب عارف يركض خلني الحقه

الزبده اني ابكي واصيح للعيال جيبوا سيكلي

سيكل توني شاريه لو تدرون وش اللون بس

بنفسجي فاتح

بعد ماعجز فيني >> غزال ومايصيدونه

رجع وخذا السيكل

والى يومكم وقلبي يتفطر على سويكلي اللي خذاه ابو جزن

طراها التدخين >> الويه الكبريتي

اقتباس:

ألا ليت الطبولة تعود يوماً = فأحكي لورعاني أيام الفطولة

إييييه راحت آيامنا ( وجه معمّر ) حط شده على الميم جعلني اشد وجهك بالشدوو

مدري وشهو بس اذكر اني قريته في موضووع شهد حق المكياج

شي اسمه شدوو

وش رآيك اشطح بعد بـ سالفه طفوليه

يآخي الطفوله غير طبيعيه

سلف خمسه صف اول ابتدائي

توني دآخل المدرسه ماعرف شي

عدت اول سنه بـ حلوها ومرها

وصلنا للإختبارات النهائيه

اول يوم رياضيات اختبرت وتفاجأت انهم قالوا روحوا للبيت

غريبه العاده مانطلع الا الظهر

طلعت مبسوط ورحت البيت وانا مستغرب

اليوم الثاني الظاهر علينا انجليزي >> صلخها

علينا ماده نسيت والله وشهي

الزبده نفس الحكايه اختبرنا وقالوا روحوا لـ بيوتكم

يه شالسالفه

عاد معاناه وانا اقووم الصباح واغسل والبس الثوب وافطر

يعني ماحبيت الشغله احس زحمه وقلق

اليوم الثالث علينا اختبار توحيد

لبست وكشخت وجلست على عتبة الباب

اطالع في اللي رايح واللي جاي

واشوف عيال فصلي رايحين واطالعهم وانا ناقد عليهم

اقول يروحون شوي ويرجعون

ماتسوى التعب

الحاصل اني مطوف اختبار التوحيد والسبب مالها داعي نحضر شوي ونرجع

نقدر نقول انه طلع آبوي لقاني متكي على الباب الساعه ثمان

وسألني وعطيته الجواب

اللي خلاه يغسل يده مني اربع سنوات قدام

صح ان الطفوله ثلاث ارباعها جلامه

لكن الحمدلله كبرت وتغيرت نظرتي للحياه >> ويييييييهك

وين وصلنا وقسمن اني ضيعت مع الهذره

اقتباس:

قد وضعت في ذلك الفاه المربع لقمتن وأنا عارررن للشارع

خخخخخخخخخخخخخخخخخخخ نبمـّك مربع ؟

ووبن خالتك لاتقول فمه مستطيل

شدعوى مولود في هندسه >> تلايط

مسيكين ماياكل برتقال ولا تفاح

لازم يقطّـعها قبل

تصدق معاناه قبل مع الشوارع والبؤس والشقاء

من ثوبين الى ثلاثه ثياب تكون ضحيه في الاسبوع

هذا منشق مخباه وهذا منطررر من تحت

والثاني عليه حبرر والا زيت مايروح لازم تجدعه ( عرفتوني على تجدعه )

تطلع الساعه ثلاث العصر وش حليلك توك سابح وكاشخ

ترجع بعد المغرب مايعرفونك اهلك الا اذا فركوك بديزل

اقتباس:

بيد ليرغبها ويناديها بـ تزا تزا تزا ( بصراحه مدري وش لون أكتبها

خخخخخخخخخخخخخخ تزا تزا

عليك طلعآت غريبه من شفتك معطيني آغاني شعبيه

وآنا داري ان مهناا احد

الحين خلنا نرقع سالفتك

احد ينادي قطوه يقول لها تزا تزا

وخر خلني اشرح لهم الصوت شلون صاير

المثال الاول

الحين فيه واحد جالس في آمان الله

والثاني جاه بشويش ومد اصبعه لـ بطنه ومن عند الكليه بالتحديد ونغزه

وشو الصوت اللي يقوله الفاعل اثناء عملية النغز ؟

هين المفعول به احتمال يقول صوت مووب زين

لكن الفاعل يصدر صوت

مثل التبويس لكن بطريقه مكّاريّه نسبتن الى المكر >> عطوه قطته

المثال الثاني

اثنين متقابلين

واحد قوي و واحد جلمه

القوي دايم يدبغ الجلمه

يعني اي حركه يسويها القوي الجلمه يحسبه بيطقه

فـ الحاصل انهم متقابلين

وصار القوي

يناظر في الجلمه

( ركز على اللقطه )

يقرب القوي من الجلمه بشويش وهو ينحني بجسمه للأسفل وكأنه يريد ان

يأخذ شيئا من الارض

ولا يلبث الا ان يعود الا حالته الطبيعيه

تتكرر الحركه سريعا مع اصدار صوت تبويس اثناء عمل الحركه

والغرض منها

إخافة الخصم الذي امامك وإيهامه بانك سوف تمد يدك عليه وتحوكه

>> لاتشرح مره ثانيه

اقتباس:

الفلقه مرهمها حفنة من القهوه أو المسمار أو الهيل

طراها الطب البديل

ليه مانفتح قسم في المنتدى عن الصحه

وانا المشرف بالبالطو الابيض

مافيه الا تطعيم

تذكرت ايآم الجلامه صدز

نلعب في الشارع واذا انشقت رجلك على طول تنطلق للبراحه

وتدفن رجلك في الرمل الين يصير الجرح كله طين مع اختلاط الدم والتراب

عآد يقولون ان المشموم زين للجروح

حط مشموم على الجرح ولفـّه وماتصبح الا امورك زينه ( وجه فاهم )

على ذمة مويشي

اقتباس:

تأذوا الهنود كل ماشفت واحد ألقط خشمه احسبه خالي من حرارة الفلفل

خخخخخخخخخخخخخخخخخخخخخخخ قرب خل ألزخ على خدك ختم الخباشه

اقتباس:

قطو ونحطه في قوطي نيدو وندربيه

ليه يالقاسي

قطوه شحليلها تسوي فيها كذا

مالك حق

اجل القطاوه اللي عندكم في راحه ونعيم

لعنبو غيرك قطاوتنا من كثر التعذيب اللي جاها

مستعده تواجه اسد نمر ذيب

خلاص قلوبها ميته خخخخخخخخ

وكلها باقي لها روح وحده قضينا على الست ارواح

الله لا ياثمنا

اقتباس:

بين عشاوين

يآقدمك

على طآري الشيبان اللي يطقوونك لانك ولد صديقهم

آخر سالفه وبروح انام

جآلسين في المجلس وانا اصب القهوه بكل ذرابه

وقذلتي على وجهي واطيخم ماودك حتى تنزرني

يعني في صف رابع الظاهر

قال ابوي سلف هات الجهاز

اي جهاز؟

قال هات الجهاز اخلص

دريت انه نوآ يدبغني بس قلت طيب وشو الجهاز

تلفزون والا فديوو والا وش بالضبط

قآل هات الجهاز لألعن خيرك

ياليل الليل وشو جهازه طيب

قال يعني ماراح تجيب الجهاز ( مع لفعه بسيطه على الصنقر )

اللي قهرني في الموضوع

ان الشايب اللي موجود ماقال شي

على الأقل احلف قل والله ماتطقه والا والله ماتجيه

سوو شي

جلس يتقهوى ولا على باله

في النهايه طلع يبي التلفون ( داري انه يبي يدبغني وبس )

والشايب اللي عندنا طلع من بيتنا حااافي

بحكم اني من القهر حذفت زنوباته في الدرام

د جـ هـ

بالحضن ياراقل

موضوع رايق خليتني اتنهوص فيه شوي

واهلن بعودتك يابطل

وتثبيت الموضوع من لغاليغوه

لاتغيب مره ثانيه توطيت في بطنك

مع السلامة ,,

وني وني وني وني وني وني