الـزكـرتيه - عرض مشاركة واحدة

**شباب في رحله** · 05-04-2006, 04:04 AM

السلامو عليكم

عتبه
عتبه

والتقليد مانصح به <<< يسمع بالقافيه

رغم الضروف

ورغم النقص

ورغم الظلم التحكيمي

ورغم كل معطيات المباراه السلبيه

الا ان الهلال

قال كلمته

يازعيم القطاره

انا زعيم القاره

لن انقص من حق زعيمهم الذي يدعون

لكن يحق لي افرح بزعيم نص الارض كما يحلو لي

ماهو حال فريق الكل ضده

جمهور بلده في المقام الاول

واتحاده الذي ينطوي تحت مظلته ضده

والتحكيم الداج ضده

ورغم ذالك

يحط اصبعه

اذكر فيه مثل يقوول

فقع عينه بأصبعه

احس هالمثل راكب

مثال بسيط

يبين ليش قلت هالمثل

دكتور نساء وولاده

جاب شهاده مزوره

وقال انا اقدر اولد اي حامل

وصار يكتب قدام اسمه حرف الدال

ولنفرض انه فلان من الناس

صار اسمه
د. فلان

والكل يقووله يادكتور

والبعض يمكن يشوف لبسه ابيض يقووله
سستر وذالك لجهله معنى سستر

قدم له المستشفى مكتب خاص
واعلان عند البوابه

عيادة الدكتور فلان
دكتور نساء وولاده

وبعد وصوول اول حاله عنده

جاب العيد وصرفها كان جاه تلفون ضرووري وطلع

وبعد فتره
وبعد مابحثوا عن بيناته

صار تاريخه داج واقصى حد له من الانجاز

انه نجح من ثالث متوسط
لكن دور ثاني بماده وحده

غريب طموح هالفلان

دكتور عاد مره وحده

لو انك متقمص دور نجار او شغله يدويه يمكن تعلمها مع الوقت

لكن دكتوور

احب اهمس في اذنك واقوولك كبيره عليك يابابا

بعيد عن الامثله

بدخل بصلب المباراه

ابو عبدالله

يالله يابو عبدالله

كل ماقالوا شي ونزلو من قيمتك
جيت وسكتهم وكأنك تقوول البخو على شحمه

فعلاً انت عمله نادره

لو الامر بيدي
وان الي بسويه مو مخالف لقيمنا الاسلاميه

كان طلبت يحطون لك تمثال في مدخل كل مدينه كبرى في المملكه

وحتماً سوف يتبعنا دول الخليج ويضعوون تمثالك في كل دوار

كبير يابو عبدالله

مباراه ميلان والبرشا الاخيره

عرف انشلوتي يوقف روني

شلون؟

خلى الدلخ ستام

يضرب روني مرتين

وبعدها يخاف روني من الاصابه او ان هالجلف يجيب فيه العيد

وهذا ماصار اليوم

لكن الفرق بين روني وسامي

ان روني يمثل فريقه وبأسم فريقه

لكن سامي بأسم الوطن

وياليت كل الاسامي سامي

ماكنا نتمنى ان الامور تجي زي كذا

صحيح اننا فقدنا الامل بالتاهل

لكن الفوز اليوم ضربه موجعه
لمدن يدعون الوطنيه على حساب فريق قدم لهم كل شي
تحت اسم تضحيه للوطن

لفئة جمهور فريق ضد الهلال

ولكل من يدعي شي لايمت له بصله

فريق يواجه كل هالضغوط

ويبدع

ماتوقع يسويها الا الكبار

هذي عوايد الهلال خل الكلام لغيرك

وابدع انت في الملعب

خل الفرق الي تجيب هدف عليك كانها بطوله
وطموحهم هدف عليك ويحطون العاب ناريه
وكأنه احتفال راس السنه في سدني

بدينا بتسديد الديون

والميزانه في تزايد ولله الحمد

والي يبينا نسدد دينه

ونعطيه بدال الريال عشره

اغتنمو الفرصه دلوئتي

:::
:::

ارجع لسالفة التأهل

هو كان من نصيبنا بكل راحه

لكن سحقاً للي سوا لنا خطط علميه مدروسه
وخلانا في هالحال نعتمد على غيرنا

اذا تأهلنا والاحتملات ضعيفه
بنقول الحمدلله على كل حال كذا او كذا

واذا تأهل العين بنقوول بالتوفيق
لكن فلتوا هالمره
والوعد في الجايات

عموماً

رجع الحق الى رشده

وبانت كلمة الحق

وصار الكل يعرف منهو

وهذا درس مجاني يقدمه الهلال لكل شخص
ينسب شي مو له
لكن يكفيهم مجرد المحاوله لمجاراة هذا الكيان الازرق

ونتمنى لهم مزيد من التقدم والتطور في السنين المقبله

والى ان تزيد الحروف الابجديه

علشان يلقون لقب جديد غير الزعيم
ماقصد العين بعينه

لكن قصدي لاي فريق يحاول ان يسلب الزعيم الحقيقي لقبه

العين او السد او غيره او حتى عادل امام

فعلاً

انت زعيم نصف الارض

فعلاً انت من يستحق اننا نشجعه

فعلاً انت تغرد خارج السرب

نقاط رحلاويه على وزن ابو رحله

- ياسر اثبت انه يسوى 100 مليون واكثر بدى انسجامه واضح مع الفريق
وانتظروه بيكون الافضل في تاريخ الكره السعوديه بدون مبالغه

- عبدالسلام ابدع في مركز الظهير الايمن واتمنى انه يستمر على اجتهاده
ويكون ظهير المنتخب في جوهانسبيرغ 2010 بأذن الله

- الاصابه بانت على كماتشو لكن هدفه الخرافي يشفع له وماقصرت يابو مزنه

- سبيت خاطر مختفي اليوم لايكون يحسب خالد عزيز بيلعب

- اعجبني في لاعبي العين حرصهم على ابو عبدالله وكل ماطيحووه حبوا راسه
شكراً على اخلاقكم

- التحكيم مهزله وهذا معتاد من الاتحاد الاسيوي ماكو جديد يعني

- ماكنت اتوقع هالحضور الجماهيري لكن جمهور ذهبي وهو اللاعب رقم واحد اليوم او زي ماقال ابو سلطان هم لاعبي الهلال الدولييون بالفعل
اكبر شعبيه على مستوا العرب اتوقع

- تقديم صك استاد الملك فهد لنادي الهلال وقيل ان النمشان
ومن بكره الهلال بينقل مكتبة الكؤوس للاستاد ويستغرف النقل سنه ونص
وذالك لكثرة البطولات

- استاد الملك فهد رحمه الله فعلاً اسم غالي علينا
وننتظر استاد الملك عبدالله لكي نكوش عليه

اهداء بسيط
اتوقع انه معبر بشكل موطبيعي عن اخر نقطه

وماقدرت ماحطه لكم
واشكر الي سواه صراحه

نستودعكم الله

والف مبروك لزعماء

ابو رحله من ارض الرياض الحبيبه