الـزكـرتيه - عرض مشاركة واحدة - نمـــــــــــــلة ،، تعالي شوي ،، أبيك في كلمة راس

**nAmLaT nAjD** · 04-25-2006, 03:42 PM

.:: SHAHAD ::.

شهوووووووووووووده

خافي ربتس

وشلون برد على كل ذا؟

اقتباس:

للوهله الأولى و عند رؤيتي لإسم الضيفة أيقنت إننا أمام شخصيه رائعه شخصيه متميزه أرهنت من خلال تصاميمها الرائعه و المتجددهـ و أفكارها في التصاميم و تفاعلها مع الاعضاء على ذلك التميز ..

طيب خلاص سامحتتس

<<خقت

ماعليتس زود يانحلتنا .. ومن جد اخجلتي تواضع ماي سلف

<<ترا سلف تعود لي انا مو لعمو معزب السواويق

اقتباس:

OoO نجي للأسئلة OoO

اصبري بجيب معي السندويشه والعصير <<مو بنمسك خط

اقتباس:

س : ما هو القرار الذي أتخذتيه و ندمتي على إتخاذه ؟!

رغم ترددي في اتخاذ قراراتي كثير الا اني اللهم لك الحمد مااذكر اني

اخترت شي وفعلاً تندمت عليه ويمكن يكون فيه بس نسيت لاني منب من

النوع اللي يكثر من كلمه (لو) او (ياليت) واكره شي اني اتحسف

على اي شي سويته من اتفه الامور لاكبرها .. خلاص اللي فات مات

اقتباس:

س : مكان تمنيتي أن تزوريه و لا حصلت لك هالأمنيه ؟!

والله كثير اماكن حابه اتعرف عليها

بس اللي فعلاً اتمنى اني اروح لها فينيسيا بس مو مع اهلي

اقتباس:

س : ماذا يعني لك المنتدى ، و ما هي تطلعاتك و أمالك حوله ؟!

بيتي النتّي

اتمنى انه يصل الى مستوى عالي ويصير من افضل المنتديات ..

وان شالله ماهو بعيد علينا لو كثفنا جهودنا حبتين

بس الاهم اننا نصل للقمه باشياء هادفه .. وتعليميه .. ولنا فيها الاجر

يعني فيه منتديات وصلت للقمه باشياء ماترضي ربي ولا منها فايده

اقتباس:

س : أذكري لي ثلاث أقسام تجذبك داخل المنتدى ؟!

طبعاً برندتي والدريشه مافيهم كلام

بس باقي الاقسام كلها لها اهميتها واستمتع فيها يعني متساوين ..

اقتباس:

س : من هو أقرب شخص إلى قلبك ؟!

مااظن في شخص واحد فقط يكون هو الاقرب لقلبي

عدة اشخاص .. الله لايخليني منهم

امي وابوي الله يطول في عمرهم .. وخواتي واخواني

واعز صديقاتي .. كلهم اقرب الناس لقلبي<<قولي قسم

اقتباس:

س رساله عتب لمن و لماذا ؟! " بتشفير الاسماء لو حابة "

سؤال روعه

.:: رسالة عتب ::.

لكل عضو من اعضاء بيتنا الزكرتي ..

سواء كان اداري او مشرف او عضو

شاف موضوع يستحق الاشاده .. وماتعب نفسه ورد

و مره على اي مجهود يستحق الثناء .. ومااثنى عليه

بيتنا الزكرتي يقوم بتفاعلنا وجهودنا

:: ومن لايشكر الناس لايشكر الله ::

اقتباس:

س : أمنيه تهدفين لتحقيقها ؟!

الامنيات كثيره ولا تنتهي ..

بس اتمنى ان الله يوفقني في بر والديني ..

اقتباس:

س : أجمل ذكرياتك و أسواها ؟!

اجملها .. يوم عرفت نتيجتي وصار اسمي خريجه

وأسوأها .. موقف من وحده كنت اعتقد انها اعز صديقاتي

اقتباس:

س : ماذا تحبين و ماذا تكرهين في شخصك ؟!

تلقين الاجابه في رد بتوله

اقتباس:

س : متى تصيبك رجفة اليأس ؟!

مااعتقد انها تصيبني <<تكفين

(ولا تقنطوا من رحمة الله)

ان شالله ان اليأس صفه مهيب فيني .. واللهم لك الحمد انا اعتبر اقرب

للتفاؤل في اغلب الحالات

اقتباس:

س : هل تؤلمك حرارة الإنتظار ؟!

لا تقرصني شوي

<<انطمي

والله ايه .. مرات تمر على الدقايق ساعات اذا كنت انتظر خبر

او خايفه من شي ..

اقتباس:

س : هل تتابعين الأقلام الأدبية هنا ، و إن كانت إجابتك بنعم ، فهل هناك قلم معين نال على إعجابك ؟!! و تحرصين على متابعته ؟!

بصراحه الاقلام الادبيه في المنتدى اكثر من رائعه .. واذا لقيت الوقت

دخلت واسمتعت بقراءتها .. لكن مااسمي نفسي متابعه

اقتباس:

س : متى تمل نملتنا و متى تشعر بالنشاط و التجدد ؟!

امل اذا ماشفت التفاعل المطلوب من اللي حولي سواء في المنتدى

او في العمل او في البيت ..

واكيد اشعر بالنشاط والحيويه اذا لقيت التفاعل .. وحسيت ان بامكاني ابذل اكثر

اقتباس:

يكفي كذا و لا أزيدهم نموووولة و الله إنبسطت يوم شفتك متكية هنا

بإنتظارك يالغلا و لا تتهربين من الموضوع خلاص تدبستي فيه

خلاااااااااااااص

<<تاخذ نفس

على الاقل الحين بسافر وانا متطمنه خلصت الجزء الاكبر من الاسئله

والصدز انبسطت باسئلتس .. روعه زي صاحبتها

اقتباس:

OoO سحابة حُب OoO

يا هلا بتس يا حلوة و مبروك عليتس الخط

و يالله عاد لا تقطعين ..

و تسلمين على هالموضوع الحلو و الضيفة الأحلى

يحلي ايامتس ياحلوه <<ياحظنا كلنا حلوين

منوره الحته ياحلوه .. حياتس الله