زرار طق طق

اقتباس:

سلام كبير للاخت ام كشه

وسلام اكبر للأخ ابو طق طق

اقتباس:

موضوع جداً منتاز وبصراحه انا ما عندي اي اجابه للاسئله

زين اللي عجبك موضوعي .. و كنت اتمنى لو جاوبت على الاسئله

لكن يكفيني تعليقك على الموضوع ككل .. ومشاركتك أخوي ..

اقتباس:

لكن اعجبتني بعض النقاط في الموضوع مثل ابي جدتي منيره ابي امي حصه ابي ابوي فهد هذي صراحه عطوها اكبر من حقها واشوف ان البنات حتى صارو يقلدونهم حتى في المشيه !!!

صدقت والله .. هم عطوها اكبر من حقها من الاعلام والمدح وما إلى ذلك

والله يهديها .. ويهدي بناتنا .. ويثبت العاقلات ..

اقتباس:

ولا الشاعر اللي يقول تحتط حليمه بولند في كمها ....

اما هذا الشاعر ما له حق في انه يقيس الجمال بـ زين الاخت المذكور اسمها اعلاه

ويقارنها بـ حبيبته الـ تحفه .. مع اني ما اقدر اتكلم عليه .. لأنه من شعرائي المفضلين

اقتباس:

اما هيفا وهبي فـ لاتعليق انا من شفتها لافه علم السعوديه على خصر وترقص وانا غاسلن يدي ولا يومها ترقص على الكيك !!!

أما هذي ما اقدر اقول غير .. الله ياخذها ويريح العالم منها ومن مسخرتها ..

أنا اشهد ان علمنا أعز من انها تحطه على جسمها وترقص به .. وهو مكتوب عليه شهادة الإسلام

اقتباس:

الا بالله وش رايك باللي في هالقنوات اللي طوال الليل وهي تقول جاوبو على هالسؤال اللي في الشاشه وراح تربحون معنا مليون ريال ..... اكيد عرفتوهم اللي طول ليلها واقفه وتميلح

مليون ريال .. !!

ما عرفتها

اقتباس:

(( تميلحها يذكرني بتميلح سلف خمسه اللي يجيب الهم ))

أما ذي ما اقدر اعلق عليها ..

معزبنا سلف وله حق علينا بالاحترام والتقدير


لكن بيني وبينك زرار .. هو صدز تميلحه يجيب الهم ؟ <<

اقتباس:

انا مصختها على العموم موضوع كبير ؟؟؟ من كشه كبيره.

ابد .. خذ راحتك بالكلام ومصخها متل ما بدك ..


تسلم أخوي بو طق طق على المرور

والمشاركه الخفيفه اللطيفه ..




*********************
*********************




nAmLaT nAjD

اقتباس:

اهلين مس ريانه ازيك يافتاه؟

ولك يا ميت سهلين بالـ girl نموله

انا بخير ولله الحمد ..

اقتباس:

الجو حلو وموضوعتس احلى ..

ومشاركتس بالموضوع أحلى وأحلى

اقتباس:

فعلاً فيه فرق كبير بين الدلع بالفطره وبين التصنع والفرق الاهم في قبول الناس للتصرفات الطبيعيه والتصرفات المصطنعه

لا فض فوك يا فتاة ..

اقتباس:

فيه وحده الله يذكرها بالخير كنت مااستحمل اسولف معها لاني عارفه فعلاً انها تتصنع .. من ترقيق الراء الى الرمش سطعش مره و3 ارباع في الثانيه وقلب الطاء الى تاء يعني اسمها شنته مو شنطه

الأخت شكلها تقرب للـ دلوعه صديقة أختي ..

لكن بيني وبينك .. ما ادري هالنوع ينبلع من قبل الشباب أور نت ؟!

يعني إذا احنا بنات وما اتحملنا هالحركات .. ما ادري اشلون الشباب

اقتباس:

لاشك انه من طبيعة الانثى اللي ربي خلقها فيها نوع من الدلع لكن كل شي يجي طبيعي حلو ..

اكيد ان كل بنت فيها نسبة من الدلع ولو كانت متفاوته من كل انثى لأخرى ..

والأحلى هو عدم التصنّع المتكلف للدلع .. وصدقتي كل شي طبيعي بيجي حلو

اقتباس:

كوجهة نظر شخصيه اعتقد ان بعض البنات لما يبالغون في تصرفاتهم بالدلع وتمطيط الكلام وهفهفه الرموش ... الخ يكون رغبه في لفت الانظار او التميز .. ومرات يكون محاوله فاشله للتعويض عن نقص .. مثلا يكون عندها اعتقاد ان قلة جمالها او شكلها العام سبّب عدم قبول لها عند وحابه تتميز بهالشي وتلفت نظر اللي حولها لها بهالطريقه..

وأنا معك بوجهة نظرك يا بعد نظري أنا ..

أكيد ان هذي الحركات كلها .. نتيجة نفسيه متأزمه

اقتباس:

الغنج صفه مااعرف هي ايش بالضبط .. عشان كذا امتنع عن التصويت

لا تكفين .. إلا صوتك .. لازم من صوتك لأنه يرد الروح << اعذريها يا خيه البعد شين

الغنج يا بعدي هو نفسه الدلع .. لكن هم يسمونه باللغة العربية الفصحى ( غنج )

يعني غَنِجَ يغنُج تتغنّج غنوجا ً مغنجنة ً .. << السواق يا طويلة العمر

لا بجد نموله .. الغنج هو نفسه الدلع .. باللغة العربية


لكن أنا برأيي أشوف ان الغنج هو مرحلة متقدمة من الدلع الزايد

هذا رأيي أنا و ما ادري عن البقية اشلون يفرقون بينه وبين الدلع

اقتباس:

اما بالنسبه للخجل والنعومه والدلع فبرأيي ان كل صفه مستقله بذاتها مااشوف بينهم علاقه .. مو شرط الناعمه تصير دلوعه ولا شرط الدلوعه تصير ناعمه او خجوله .. والنعومه تختلف مره تكون بالشكل ومره بالتصرفات .. ونفس الشي الدلع قد تكون البنت كل شي يوفرونه لها اهلها وكلمتها مسموعه وهذا يسمى دلع في التربيه اما في حاله دلع في التصرفات زي ماذكرتي والكلام هذا نوع ثاني من الدلع (علم الدلع قريباً في الاسواق)

بانتظارك يا بعدي انتي وعلومك .. ولا تبطين ..

هذا كانتس ما تمزحين ..


وفعلا للدلع انواع .. ومنها ما كان بسبب التربيه .. ومنها يكون بالتصرفات أو بالكلام

اقتباس:

بالنسبه للسؤال الرابع الدلع ماهو دواء .. او رياضه .. او برنامج .. الدلع تصرف فطري طبيعي (مثل ماانا اعتقد) لايمكن ان الوحده تختار له وقت معين او تحدده لناس وناس لا .. الا في حاله كان مصطنع .. كثير يتصنعون تصرفات .. وفي لحظة غفله تكتشفين الراء صح .. والضحكه (ايفل لاف) .. والشنته صارت شنطه هذي اللي تختار الوقت لدلعها افضل انها تتدلع بشكل احترافي بس عند رجلها اما اللي عارفينها كويس تصير سنعه وتحتسي زين اصرف لها

هذا اللي كنت اقصده بالسؤال يا بعدي .. من البنات اللي يختارون وقت لدلعهن

المفروض يعرفون متى يتدلعون .. ومتى تكون الوحده جديه ومتى تصير عاقله ازين لها


يعني أنا مثلا .. عندي ثلاث مديرات ..

وحده فيهم حليوه وطيوبه .. وعلى قولتهم بنت حلال

وثنتين موب هالقد معي ومع غيري ..

لما اداوم عند الطيوبه .. اتدلع عليها .. وامزح معها .. بالعربي قاطه الميانه

وهي الله يجزاها خير .. تدلعني وتتساهل معي .. ولا كأنها إلا امي ..

حتى أمي صارت تغار منها

عكس المديرتين الثانيات .. لازم اعاملهن بجديه .. ورسميه أكثر


ولما قلتي افضل انها تتدلع بشكل احترافي بس عند رجلها

هذا هو كان المقصود من السؤال ..

لأنه فيه بنات مع صديقاتهن أنواع الدلع والمياعه

ولما ترجع للبيت وعند زوجها ومع اهلها.. أنواع الدفاشه


وهو فعلا إن الدلع تصرف فطري على قولتك

لكن اختلف معك بحكاية ان الوحده موب لازم تخصص للدلع اوقات ومع أشخاص

واختلافنا في الرأي .. اتمنى أن لا يفسد للود قضيه

اقتباس:

برايفت للبنات لاتتصنعين شي مهب فيتس اشربي سبرايت وخلتس على طبيعتس هدوءتس وعقلتس وركادتتس قمة الدلع بس بصمت من حكم نملة الزمان

الله .. الله على هيك حكم ..

يسلم تمك يا wise girl

اقتباس:

برايفت للعيال ان كانت البنت السعوديه او الخليجيه بشكل عام جلفه ومادلت الدلع او النعومه فالسبب هي البيئه اللي تربت فيها .. ولو شفتوا عمشه والا وعله قالت وين الشنته بحت فيها الاغراد (وين الشنطه بحط فيها الاغراض) وقلبت تسبدك انت وياه .. وصرت رايح جاي تقول ياشين السرج على البقر .. تذكر ان السبب هو (ياولد ، وخري ياحرمه ، الاهل معي بالسياره اكلمك بعدين ..الخ) بالعربي ان كان للجلافه منبع فهو انتو

I 'll comment on this later

اقتباس:

ريانه ترا هذا تسجيل حضور وكنت ناويه ارجع .. بس الظاهر البرايفتات طلعت اللي في خاطري

يا جعلني ما اخلا من تسجيلات حضورك اللي مثل هذي

ولا تخلين بخاطرتس شي .. ولا طرا على بالتس شي تعالي وقطيه هنيه

اقتباس:

عاد ان رجعت فالمنتدى مفتوح لقرق امثالي جاز لكم والا ماجاز لكم بكتب <<تعقيباً على ردتس في الترحيب

يا عمري يا نموله.. شايلتها بقلبتس

وانا أفدا سوالفك وحكياتك كلياتهون

أكيد بتجوز لنا غصبن علينا ..

ولا ما كان صوتوا لك بالحصير

اقتباس:

موضوع يطول الحتسي فيه .. واحس فيه جوانب كثيره اهملناها .. لكن الاهم ناقشنا صلب الموضوع <<بشويش

على الجوانب .. أكيد فيه أكثر من زاوية للموضوع

ما تطرقنا لها .. لكن للحديث بقيه إن شاء الله

اقتباس:

مس ريانه .. يعطيتس العافيه ياحلوه .. ويسلم لي بونيات افكارتس اللي مبطين ماشفناهم ..

ويعافيتس يا ميس نموله الحلوه الدلوعه

ويسلمتس يا عمري .. هذا بعض من اللي تعلمته منكم يا الزكرتيات

اقتباس:

مع السلاحف

كان نفسي ارد واقول

مع الضفادع اللي ما اكثر منها بمدرستي الاساسيه


لكن بقول .. إلى لــقــاء

لأن عندي احساس انتس بتردين للموضوع مره ثانيه .. << لا تخيبين أم احاسيس



*********************
*********************



Sahranah


حبيبتي .. راجعة لتس فيما بعد ..



إلى لقاء ..