وعليكم السلام ورحمة الله وبركاته
مساء الانوار
حنّا بخير واحسن حال

اللهم آمين

من جدتس عاد؟!
والله لو اني مكانتس لاقوم عليها واقول الشرهة مهوب عليتس على اللي موجب لتس
عزتي للرجل


ولاّ فيها شكة او نشدة شيخ
من زين الخشة رجّال ويتمييع
هذا والله اللي ودتس ينحرونه
عاد تبين الصدق
في بنات الدلع عليهن يهبّل
وفي بنات من تكلّم بدلع ودتس تزولينها من الارض
تكفين لا تطرينها تجيني لوووووعة
وحبيبتي حركاتها ذي مهيب دلع
ذي والله اغراء وقلة حياء
الله يهديتس وش فيتس اليوم علينا
ماتذكرين الاّ اللي يدبلن الكبد
ومافيهن حلا ولا ملح
مدري وش عاجب ذالناس فيهم


انا اتفق معاتس تماما في هذي النقطة
لان دلع البنت مع زوجها غير لما تكون تكلم ابوها او اخوها او حتى النسوان

جيعل ربي يمحي صوتهن



ادري طولتها معتس
بس خبرتس اذا تكلمت معاد اسكت
حرّك تبلش




نجي لأسئلتس

انا اشوف ان في فرق بين الدلع وبين التغنج
الوحده تتدلّع على اللي يغليها
او اللي هي متأكدة انه ماراح يردها
يعني الدلع يكون لفئة معينة من الناس
يعني الاطفال المدللين لما يتدلعون على اهلهم
او الوحدة اللي تدلّع على زوجها اللي يحبها
اما اذا كان ما يحبها ما ظنتي انها بتتدلع
يعني بتحترم نفسها وتعين من الله خير

اما التغنج انا اشوف انه هو نفسه المياعة او الاغراء
يعني تتمييع مع كل الناس
وهذا بعيد كل البعد عن الدلع

يعني من الاخير الدّلع ما يكون بارادة الشخص
يكون نتيجة تدليع الآخرين للشخص المدلّل

امّا التغنج فيكون غرور من الشخص او ثقة زائدة بالنفس

لا انا اشوف انه مافي اي علاقة بينهم
لان اللي تخجل استحاله انها تتجرّأ وتتدلّع
الاّاذا كان دلعها على فئة محدّدة
يعني اهلها اذا هم مدلعينها او زوجها او اي شخص يغليها
انا من وجهة نظري
لا احس النعومة شي والدلع شي ثاني
لان النعومة تكون غالبا في الشكل
امّا الدّلع يكون تصرّف
واحيانا تكون الوحده ناعمة بس من تتكلّم كانتس تكلمين رجّال
يعني ناعمة بس مافي انوثة


انا اشوف ان الدلع مرتبط مع الانوثة اكثر
اكيد
اوقات وحدود وناس معيّنين



يعطيتس العافية على الموضوع الفلتة
وتسلم اناملتس يا ريوووووووووووووووونة
ولا تحرميننا من هالاسلوب الفريد في طرح المواضيع