الـزكـرتيه - عرض مشاركة واحدة

**nAmLaT nAjD** · 04-05-2006, 04:13 PM

قمــــر

<<هه هه

اخق مع روحي لاصرت ظريفه

وعليكوم السلام والرحمه .. اهلين عمو ستل جناحوووه

شلونك وانا امك ان شالله طيب

اقتباس:

فيه سيفون لازم يُسحب وهذا هو مكانه ..

شكل موية بيتكم من الحكومه ومالحه عشان كذا كل مااخذت شوي

قلت اسحبوا .. الله يخلف على ابيي كل ماكمل الشهر جت ذيك السباره المزعجه

:
:

اقتباس:

اطالع في البوم الصور يوم اني ورييع ..
بس اني كنت اطخخخخخخخم ومحد قدي .. الشعر متسلسب على الاكتاف ..

يااي

طيب كان وريتنا

انا متاكده انك حاولت بس نظراً لحجم خشمك اللي كاد ان يدبل صفحة

المنتدى بالعرض هونت

طيب ليه المرحله التعيسه من العمر ذيك الخشم لازم يصير متنفخ وفيه نفره؟

تقهوزن من كثر المشاعر اللي ماتقلى لها مكان بقليب المراهق المخنز

تطس لخشمه؟

فيه صوره لابوي في المرحله العمريه هذي .. بس مااكتشفتها الا هالفتره

اثرهم مخبينها عني خايفين على اعصابي

(مقطع من مسلسل مصري) ماما وبابا فين؟ انتا مين ياموقرم

بتكدب وبتئول انتا ابوي لييييه <<ويهتش

اقتباس:

مصورتها امي ( الله يحفظها لي ولايحرمني منها) يوم انه اول يوم دوام دراسي لي ..
وكنت كاشخ بالشنطه اللي فيها مقلمه مافيها الا قلم رصاص ومحاية ..
وفيها سندويشة جبنة ملفوفه في قرطاس خبز ..
وعلبة سن توب << ماكانت الدنمارك مسويه لنا شي ذيك الايام ..
عاد كنت انا اخر العنقود فديتني والمدلع في العائله ..
انا كنت اخذ سندويتش من البيت ..
اخواني كانو ياخذون فسحه يجمعونها ويشترون بها تتن..

يقطع ابو البراءه اللي تعرفونها ..اكيد نشأت وترعرعت على شغل اخوانك

انا الى الثنوي وانا اخذ معي عصير الربيع وتفاحه

ومدري ليش كانوا البنات ماكلين فيني مقلب وفاهمين اني صحيه ..

والسبب كله من شركة البان الصافي يوم حطت مكينتها في الساحه

وصرت ابطل اجيب العصير واشتري حليب من المكينه

طيب وش المشكله لما اشرب حليب بارد بدون سكر؟

المشكله اني عجزت اطول رغم انه حتى جبنة العنز كلتها بس ماااش

اذكر اول ابتدائي مابعد اعرف لشغل المدارس وبما اني ابقط وحده من البنات

كنت اخاف واقعد مع اختي اللي اكبر مني بـ3 ييرز .. بالعربي اقعد معها ومع

ربعها .. وذاك الوقت مابعد اعرف الربيع كنت اشرب عصير مدري حليب دانيا ابو ورده

وبما اني من المستضعفين تمر وحده سوريه اسمها دانيا ومن باب قطة الميانه

على اختى تروعني .. (وليك شو بدك تاخدي من العصير بتاعي ماتستأزني)

.:: وصف لدانيا ::.

كبر الثلاجه بس الفرق ان الثلاجه مافيها شعر وهي شعرها طويل

لابوهم لابو اللي جابهم شلون يصيرون كذا وهم كبرنا

..

والله يابشرى منصور كانت اصابعها دبل اصابعي .. <<المشكله باصابعتس ياخاله

الله يذكرتس بالخير يابشرى ..مدري هي للحين في السعوديه والا راحت تدرس

في الازهر زي ابوها

[لوحة10]برايفت بوشرى[/لوحة10]

لا عمرتس تقلدين رسمات المسلمين والا بندعي عليتس

:
:

العابكم اول ماجازت لي صراحه ..

حنا اول نلعب حريم (وجه بريئ)

نجيب مواعين بلاستك ونحط فيها ماي ونتخيل اننا نتقهوى ونهاوش عيالنا

واذا طفشنا لعبنا عيال <<ماشين على كل الموجات

ونحوس كحل امي عشان نرسم الشنب واللحيه

ويقضى اليوم ماامدانا طلعنا الشارع نفحط الا امي تقول هيا الى النوم

ومرات نلعب سلاحف النينجا <<مع السلاحف ماجت من فراغ

طبعاً هاللعبه يبيلها نوع معين من الصديقات (النوع المخروش اللي يعرف ينط )

والصفه الاهم انه يعرف يكذب .. الله يذكرتس بالخير ياساره

كانت تقول ان الحرامي جاهم للبيت ومافيه الا هي والشغاله

وانها اخذت العصا وسوت وحده من حركات الكونغ فو وهج الحرامي

المشكله مب في قصتها .. المشكله انا واختى الي فاقين خششنا ونسمع لها

ومسوين الوضع عادي .. واول ماتطلع نقعد نناقش قصتها والبطوله العظيمه

ونوصي لعض باننا لابد نتدرب على محاربه الاشرار

من جدك للحين تقرا؟

قبل انسى ترا ساره اعرست ابشرك

:
:

اقتباس:

يوم اني في بداية سن المراهقه كان عندنا جارة مطلقه ..
وكانت مولعه بالموسيقى ( طقاقه) ..
وعندها بنت اسمها تهاني

اما ان كانت مراهقتك مع بنت طقاقه واسمها تهاني فانا اتنبأ لك بمستقبل زاهر

والدليل انك ماتدري هي مسيان والا مسير

:
:

لاحد يطري الحلوم (جمع حلم)

صايره احلم باشياء تخرع (وجه بزر يشوف كوكب اكشن في سبيس تون)

:
:

اقتباس:

قبل فترة صاير علي حادث<< الحمدلله على السلامه ماتشوف شر فديتك

سلامتك عمو ماتشوف شر .. عسا مامت؟ <<اظرف شي

بس اذا تبي الحق وبما اننا في غرفة السواق ومافيه احد يزعل

انا من شفتك ماتعرف وشو عمود الكرنك وانا عارفه ان حدك سكوتر

عجلاته فوشيه

عمو ترا قسم قسمات اني امزح .. واحسك كرهت الساعه اللي اطريت فيها

شي اعرفه عن السيارات <<غشت من الضحك ..

خلاص اتوب وقسم

:
:

اقتباس:

المهم بينما انا احك راسي اكتشفت انه ينزف دم ..

لو سمعت لا عمرك تطري الدم ولا توصف المواقف ذي

لان المغص متقاول معي من اول مااشوف الاحمر (حق الاسهم وحق الجروح)

والصدز ماتشوف شر والحندلله على سلانتك

:
:

اقتباس:

كانت هذي خربطيشن لتحريك غرفة السواق .. والفيديو كليب الجاي بجيب معي فرقة هنادي للاستعراض ..

هييييه

(قسم الحماس - جناح الاطفال)

اقتباس:

مايستفاد من القوصه اعلاه :
-اشرب حليب نادك لانه سعودي ون خندرت برسنت .

قسم توني شاربه كوبين الصبح <<تو الصبح؟

اقتباس:

-لاتسرع اكثر من 120 لان العواقب ليست حميده.

علم ابوي

والله اني فشلت له عند الجسر مصورين السياره تسنهم يقولون بلا استهبال من الحين ..

والمشكله محد يشيل هم الرادار في الطريق الا انا .. ومحد يشيل الجهاز

لامرينا بنقطة تفتيش الا انا .. ولا احد ياكل *** لما يفك الحزام ويرجع يربطه الا انا ..

ولا احد بيطس برا الموضوع غيري انا

اهوه انا .. اهوه انا محد لزيز الا انا

عمو ستل .. قسم موضوع رايق .. ومحاوله جميله ووسيمه لتحريك غرفة

الدرايفرز .. على الله العالم تحس وتشارك .. حاطين كل جهدهم في التشات ..

<<تلمح انها وعدت روحها ماتشارك الا راده على كل مواضيعها

يعطيك العوافي عمو .. وكمل جميلك وعد كم مره كتبت كلمة (مشكله) في الرد

مع السلاحف