السـلام عليكم ورحمة الله وبركاته

عندي لكم اليوم لعبه جديييييييييييده مره شفتها في احد المنتديات ...

اللي هي نتقسم قسمين . شباب وبنات ...

الشباب يكتبون شمس ... والبنات يكتبون قمر ...

واللي يكتب ثلاث مرات ورى بعض سواء من الشباب او البنات يكون له نقطه ...


يالله انا ببدأ ..

بسم الله ............

شـــمــــســــ

























^
^
كما وردنا الآن انه تم إاقاء القبض على المذكور اعلاه ..
وبإحالته الى المحكمه صدر بحقة صك شرعي يقضي بثبوت مانُسب اليه شرعاً ..
وقد تم تصديق الحكم من هيئة التمييز.


تعالوا معاً نتصور لو ان هذا هو موضوعي وقفلت الموضوع؟؟

ودار هذا الحوار السمرمدي وستَل جناحه لازال يجوب المنتدى بكامل حريتة المطلقه ..

^
^
^
^

تذكرون موضوع فضفضات نفسيه؟؟؟
فيه سيفون لازم يُسحب وهذا هو مكانه ..


البارحه بالليل حوالي الساعه اربعه الا ربع قبل صلاة الجمعه بالضبط ..

اطالع في البوم الصور يوم اني ورييع ..
بس اني كنت اطخخخخخخخم ومحد قدي .. الشعر متسلسب على الاكتاف ..
بس فيه صوره مدري وش تبي ..
مصورتها امي ( الله يحفظها لي ولايحرمني منها) يوم انه اول يوم دوام دراسي لي ..
وكنت كاشخ بالشنطه اللي فيها مقلمه مافيها الا قلم رصاص ومحاية ..
وفيها سندويشة جبنة ملفوفه في قرطاس خبز ..
وعلبة سن توب << ماكانت الدنمارك مسويه لنا شي ذيك الايام ..
عاد كنت انا اخر العنقود فديتني والمدلع في العائله ..
انا كنت اخذ سندويتش من البيت ..
اخواني كانو ياخذون فسحه يجمعونها ويشترون بها تتن..


عاد احلى شي لا جا وقت الفسحه نروح نلعب قوطي .

نعبي القوطي رمل ونرميه وتحسب النقاط على حسب التالي ..
-اذا جا فم القوطي فوق هذي لك نقطه .
-اذا جا فم القوطي مايل بزاوية 45 درجة مئويه في الساعه يعني اعاده محاوله.
-اذا جا فم القوطي مقلوب على تحت سقها وعط غيرك يلعب .
وهكذا دواليك .....


بعدين تطورنا وصرنا نلعب شط بط ..
شط بط/ هي لعبة تختلف قوانينها من بلد الى آخر ..
-تتكون من فرقين كل فريق يتكون من ثلاثه الى خمسه لاعبين .
-على اي فرد من الفريق أ انه يروح ملعب الفريق ب ويلمس واحد من لاعبيهم ويرجع.
-اذا لمس واحد ورجع بسلام يكسب الفريق أ نقطه .
-اما اذا لمس واحد منهم ومسكوه قبل لايرجع لفريقه عليه العوض ومنه العوض.
راح يندبغ الييييييين يشوف لندن صنادق وخرفان نعيمي.

هذي مره كنت انا العب ضمن الفريق ب وكان فيه غسان السوري يلعب في الفريق ب
طبعن كان الدور عليه انه يجي عندنا ويلمس واحد مننا ويرجع ..
صرنا احنا اللي نمد له ايادينا كود يلمسنا ونمسكه ..
هو اذا انمسك خلاص.. راح يكون متأكد اننا عرفنا مقاس ونوع الهاف اللي لابسه..


^
^
^

عز الله وزارة الصرف الصحي والمياة بتشتكي بس وش نسوي سيفوننا كبير ..


يوم اني في بداية سن المراهقه كان عندنا جارة مطلقه ..
وكانت مولعه بالموسيقى ( طقاقه) ..
وعندها بنت اسمها تهاني
كان عندهم جميع الآت الموسيقى .. كمنجا ومروايس وعود وبيانو .. الخ
كنت مؤقت ساعة مخي على وقت مايجي مسح الارضيه عندهم في البيت ..
وعلى طول اروح انشب لهم ..
كانت تهاني تتحفش بالثوب .. ويبان الهيلاهوب ..
عاد تعرفون هيلاهوب ابيض مع رشة ماء عليه ..

بس ماكانت تعطيني وجه << زلابة

طيب الحين أوغنية حمام جانا مسيان ..
ليش فيه لحوج يغننوها حمام جانا مسيار << مسيار والا زواج شرعي

قبل امس وانا راقد جاني حلم ملعون خيّر ..
تحلمت اني في بلد السكان كولهم يرددون نفس الكلام اللي تقوله ...
المهم وصلت عند واحد اقوله السلام عليكم وهو يردد السلام عليكم السلام عليكم السلام عليكم
طبعن يرددها وهو يضحك ..
قفلت الخلاقي قلت له ياخي رد السلام ياورع .. هو ,, رد السلام ياورع رد السلام ياورع رد السلام ياورع ..
قلت خلني اروح عند واحد ثاني الظاهر انه مجنون ... لقيت لي حرمه ..
قلت لها لو سمحتي يا اختي .. قامت هي بعد تضحك وتردد لو سمحتي يا اختي لو سمحتي يا اختي لو سمحتي يا اختي ..

مادريت الا اخوي صافقني كف يقولي وشفيك انهبلت .. قمت انا اضحك واردد اشفيك انهبلت اشفيك انهبلت اشفيك انهبلت ..
^
^
^
^


لا والله حلفت محد يقوم انا بسحبة لكم ..

قبل فترة صاير علي حادث<< الحمدلله على السلامه ماتشوف شر فديتك

المهم طبعن فرت فين السياره وماوقفت الا بالشارع الثاني ..
انا بعد ماوقفت السياره نزلت منها ابي اعرف وش السالفه ..
شوي الا يجين واحد ركض من الشارع الثاني يقولي .. استرح استرح استرح لاتقوم استرح..
خرعني اقوله وشفيك ..
يقولي استرح استرح يارجال لاتقوم .. اقوله مافيني شي ..
يقولي استرح استرح ..
ذرقت اخلاقي قلت له انقلع بس ..
عاد قبل السياره لاتطلع الشارع الثاني في شبك فاصل ..
اشوف الشبك جايني بهدوووووووء وبحركه بطيئه ...
بس كان ودي اعيد اللقطه مره ثانيه بسرعه ابي ردة الفعل السريعه ..
رجع لي نفس النشبه اللي فوق ..
يقولي ترى انا كلمت المرور خلاص لاتكلمهم ..فيك شي ؟؟ استرح بس لاتوقف ..
وقف عندي اول مره امن الطرق .. قالو السواق جاله الهلال الاحمر والا باقي ...
قلت لهم لا لا هذا انا السواق .. قالو كذاااب << على اساس متعشيين مع بعض انا وياهم امس ..
قلت الا انا السواق .. قالو وشلون طلعت من كل هذا بخير
انا بيني وبين نفسي اقول يالعن باكم هذا بدل الحمدلله على السلامه ..
المهم بينما انا احك راسي اكتشفت انه ينزف دم ..
شافني الوريع هذاك اللي فوق وقالي امش المستشفى يارجال ..
وبعد إلحاح من النشب اعلاه رحت معه ..
في الطريق قلت له هذي شاريها اقساط والا كاش
قال لا ايجار منتهي بالتمليك ..(سويمجه)
بس وناسه المستشفى فيه ممرضات سعوديات الحين مب فلبينيات..
انا يوم شفت الدعوه وناسه سويت نفسي اغمى علي كود وحده تسوي لي تنفس اصطناعي(قبلة الحياه) ..
وشوي الا ينفضوني بذيك الكهرب اسمه زنتها في اذني..
حسيت الدعوه صدقيه قمت وسويت نفسي توني صاحي من غيبوبه ..
انتو مين . انا مين .. انا وين..












كانت هذي خربطيشن لتحريك غرفة السواق .. والفيديو كليب الجاي بجيب معي فرقة هنادي للاستعراض ..
مايستفاد من القوصه اعلاه :
-اشرب حليب نادك لانه سعودي ون خندرت برسنت .
-لاتسرع اكثر من 120 لان العواقب ليست حميده.
-اذا بتغيب عن الدوام قولهم انا مريض وفي البيت وماعندي حد يوديني المستشفى عشان مايقولون لك جب عذر طبي.
-مافيه شي بس عشان يصير الموضوع كثير.
-برضوو مافيه شي بس عناد.
-طيب وشرايك نلعب لعبة ارمي البطيخه على اي عضو في المنتدى.
-والا نلعب لعبة سؤال جواب.

البدليات المرفقه :
جـــاري البحــث . . . . . . . . . . .


لآثسف ٌثلشقيس

[لوحة11]النسـيانـ نعمـة إلا في تذكـر الـpassword[/لوحة11]