اقول مهوب تشائم لكن ماشاهدناه في المباراة يدل ان ثمانية المانيا مهيب بعيده ...

شكل راؤول وشفشينكو بيصيرون هدافين كاس العالم والسبه السعودية ..

للأسف في اكثر من مركز تحصل عدم التجانس في تمرير الكرات بين اللاعبين هو المشكله وهذا كله يهون الا في خطوط المؤخره يعني اذا الدفاع ما صار بينهم تفاهم وواحد يغطي وواحد يعرف زميله وين راح يلعب له الكوره ويصير بينهم تفاهم عز الله الدفاع راح يصير شوارع .. والكلام ايضا ً في الهجوم حسن تقدير المسافه في لعب الكوره مهم جدا ً وشاهدنا اكثر من كوره يا تصير بعيده مره او قريبه وياخذه الفريق الخصم ..

يعني ماش للحين ماشفنا شئ من المنتخب يأهل لتقديم مباريات في كاس العالم بشكل مرضي ..

معليش ترى ماقلت هالكلام الا من حبي للمنتخب وماودي العب على نفسي واقول انهم لاعبين زين ..

لانهم ماقدمو شئ عشان نمدحهم .. مستواهم لغاية الان غير مطمئن ...

نوريهم عيوبهم ونعلمهم الخطـأ ... لكي يتم تفاديها في المستقبل وتتحول هالعيوب الا نقاط يستفيد منها المنتخب
في المباريات القادمه ...

لكن ان شاء الله نشوف التحسن في الايام القادمه ...

بالتوفيق ان شاء الله ...

ومشكور ياولد الشرقيه على هالمشاركه ويعطيك العافيه يابعد حيي ..





فمان الله ,’,’,’,’,