الـزكـرتيه - عرض مشاركة واحدة

**سلف خمسة** · 03-30-2006, 12:32 AM

سلام ..!

متغربين إحنا

متغربين

تجري السنين وإحنا

جرح السنين

لحدّ آل عنّك خبر يفرحنا

ولحد جاب منّك كلمه تريحنا

تحيه ملؤها الحب والإعجاب للسيده اصاله ( وجه بتشق وجهه الزيزفون )

خذاني الطرب شوي

بحكم اليوم علينا مطر والجو رايق والمزاج عال العال

الزيزفون شلونتس

صراحه مواضيعتس تجوز لي فيها قليلا من الدعابه

من بعد سالفة الفيل ابو ريحه زكيّه

خلينا نشوف الصور لو سمحتي ( لا زال خائفا قليلا )

افاا الصور وصله وحده

اللي بيحط صور يخليها متفرقه علشان نفصفصها كل صوره على حدا

عموما ماتعوق

الصوره الاولى ::

ياوش ذالوجه ياناه

ماظنيت المبزره بيحبون ذالسندويشه

اول شي انها مورتديلا ( وجه غاز اصبعه في حلقه )

ثاني شي لأن وجه الكائن مايطمّن و وضعه مشبوه

يمه يروّع

بس لو انهم حاطين ضروسه حب رمان بدال الذره

علشان نقول يابو ضروس حب رمّاني

يازين عويناته

بس مايصلح نسوي لعيالنا سندويش بهالشكل

انا بعلمكم ليش >> محد سألك

اول شي

انه من يوم يطلع من البيت كل ميتين متر

يوقف ويفتح الشنطه ويطلع السندويشه ويتطمن عليها ويتفرج فيها شوي

يعني راح يتأخر على الطابور >> اهنيك على تفكيرك

ثاني شي

انه من الحصه الاولى وهو يتغامز مع اللي جنبه واللي قدامه ويوريهم السندويشه العجيبه

والنتيجه كل واحد وجهه للجدار مع مصادرة السندويشه

ثالث شي

بتخرب السندويشه ومايجي الفسحه الا عيون السندويشه الخضراا

طايحه تحت كتاب الفقه والا ورا المقلمه من كثر مافتحها وخرب برستيجها

رابع شي

احتمال ضعيف ان ولدك يندبغ والسبب ان اللي دبغه معجب بالسندويشه ويبي قطيعه

( احتمال ضعيف لكن وارد ) >> انطم

خامس شي

مرحبا ومسهلا

الصوره الثانيه

خخخخخخخخخخ تكسر الخاطر

كأنها خايفه من شي وهاجده

مدري عاد تصميمها على شكل خنفس والا كلبوب

لمعرفة الكلبوب راجع الرمز (&) في الماسنجر

الصوره السابعه ::

فار

مدري ليه احس انها فسحة مصري

كلها خيار وبقدونس ومفيده وصحيه

عزتي لنا بس

اذكر اني خذيت مره فسحه يومني صغير

وحطت لي امي في الشنطه بريده وخبزه وسندويشه وحليب سعوديه وكل شي

بغيت ابسط به في الفسحه وابيع على ريال

ولاطرا عليها تحط لي تفاحه والا خياره او تماتمايه (

) << تماتمايه

يحسبون الصحه في الدق بالخمس

لو يجيلها ذيك الايام كان حطت لي صحين مرقوق في الشنطه

اشوا انه ماطرا عليها

والا كان متفنّـنه مره مرقوق ومره صحين جريش

واحس انها بتصدمني في يوم من الأيام وبتحط يد وجنب

^
^

كلام ماخوذ خيره

والله من الفراغ اللي لاعب في حسبة اللي سواها

ماعنده لا شغل ولا مشغله

وهذي فائده من فوائد البطاله

الله يستر علي عساني بس اخلص واعين وظيفه

والا بتلقوني من زود الفراغ

منزل تصاميمي السندويشيه على شكل تويس ومعيزه

الزيزفون يعطيتس العافيه على الموضوع

والموضوع اللي يجوز لي تراني افتل فيه

فـ لا تشرهين على بعض الخنبقه اللي فوق

شوكرن مره اوخرى

مع السلامة ,,

وني وني وني وني وني