قبل أبدأ

أقول السلام عليكم


ثانياً 00 تحذير هام وللجميع

أي كلمة تعين عليها ـــــــــ> * أنزل حدرا وتعين معناها



من أول يوم كنا في بحره*


كان ما عندنا كهرب عمومي 00 يعني بس كهرب مكاين


والمكاين هذي تشتغل على الديزل 00 وكنا نجيب الديزل على حسابنا والحمد لله صبرنا لين أفلحنا


الشاهد إنه اذا جا رمضان كنا نعاني أشد المعاناة 00 وذلك بسبة الحر وكثرة الذباب



فكنا نروح للطايف هناك فيه براد واجد


طبعا اذا الوق بيساعد والأقدار بتساعد 00


المهم في إحدى تصيافاتنا* بالطايف


كان الحر شديداً والسماء صحواً ولا يوجد ذرة هوا يهل الهوا


وكان مكاناً الذي نسكن فيه عبارة

عن حوش مربع وبداخله خيمه أو خيمتين متذكر ذا الحين كمهي = كم هي بس عشان الاختصار


الموهم في ظهيرة واحد من الأيام الشديدة الحرارة كان للذباب دوراً بارزاً وحركة مهيب هينة



رقت ذاك الظهر وكلما انقلبت على حنب اذا بالآخر يتبلل من العرق


وسرعان ما يبرد بسبب الحرارة ولكم ان تتخيلوا الموقف


وكما تعفرون كثرة الحر تخلي الواحد يتقول مقروص مرة يمين ومرة شمال ولا يهون الذباب


إللي ما يصدق بس أنه يشغلك ثم يبدأ معك الحركات البهلوانية



الموهم ياخوان والله ما حلمت ولا علمت إلا البلية اللي طعه حالي في لساني


حاولت اتقلب قلت يمكن شيء ولاش

قبل أرقد خابر عندنا حبحب وخربز


قلت يمكن شيء منها ناشب بين ضروسي والحين توني طعمته


الموهم ماش كبدي ما طاوعتني وأقوم من مرقدي


وحاولت أشوف وش ذا البلية



واطلع لساني وحاولت أرفعه فوق بس ما قدرت اشوفه


عشان خشمه طويل شوي وغطى عليه


فقلت مالها إلا أطلع البلية ذا بيدي 00 طبعاً ايدي حامضه شوي مو واجد



وطلعته بس يوم شفته إلا وهو شيء فيه سواد وأطرافه فيها بياض



طبعاً والنوم تارس عيوني فما ميزته زين


وأحاول أعرفه وبالأخير تدرون وش طلع ؟؟؟



قسم 00 طلع ذباب بن كلب داخل في فمي ولطخته بلساني ولصق عليه



والله ذيك الأيام كنت صغير ولا كانت علوم



طعمه مثل السكر مدري وشو مآكل قبل يدخل بفمي



بس والله ياهو موقف بن كلب


حسبي الله عليك ذباب ما تخلي لعانتك



وبس هذي القصة والقادم سكر ،،،

__________________