^
^

اقتباس:

حتى الزوجه تبي تصير سي سيده

؟؟؟؟؟؟



وعليكم السلام ورحمة الله وبركاته


هلا وغلا بـ زيزفونة الزكرتية

موضوعتس اعتقد انه مقتصر على الزوجه اللي تعيش مع اهل زوجها

واسئلتس . . ما كان فيها أي سؤال يدل على مشكلة الزوج اللي يعيش مع اهل زوجته

وعلى هالأساس راح ارد


بسم الله

عزيزتي ..

تغير الوقت .. وتغيروا الناس

الناس صاروا يتحسسون من أي كلمة

وصاروا يفسرون كل كلمة .. ويحطون لها ألف معنى ومعنى


لما تعيش الزوجه مع أهل زوجها

وتخالطهم وتتكلم معهم بـ أريحيه تامه

ما راح ترتاح .. لأن أهل الزوج يمكن يكونون حساسين بزياده

و بعد يمكن بالأول يعاملونها على أنها غريبة ودخيلة في عائلتهم

هذا الشي راح ينعكس على الزوجة .. وتتأثر علاقتها بزوجها

لسبب تافه .. ألا وهو القيل والقال ..


لكن الزوجة العاقلة .. هي اللي لازم تصبر

وما تدقق بكل صغيره وكبيره


والزوجة اللي تتفهم وضع زوجها .. هي اللي لازم تتحمل

لأنها رضت بالوضع من البداية


والزوج العاقل .. هو اللي يحط حدود لأهله ولزوجته من البداية

يعني .. مهما سمع من زوجته .. عن أهله .. المفروض ما يصدقها

و بنفس الوقت .. ما يخلي أهله يتحكمون بحياته .. وبتصرفاته مع زوجته


أنا شفت ناس كثير .. مزوجين أولادهم .. وعايشين معهم بنفس البيت

مستانسين .. ومتأقلمين مع بعضهم لآخر درجه


وشفت كثير بنات تزوجوا وعاشوا مع أهالي ازواجهم ..

و نفس الحكاية مستانسين .. وكأنهم عايشين مع أهاليهم

اقتباس:

هل ترى ان شرط الزواج الآن بان يكون للفتاة بيت مستقل هو شرط تعسفي أم أنه طبيعي لكفل حرية الحياة ورغد عيش بدون منازع ؟

شرط الفتاه للمنزل المستقل .. حق من ابسط حقوقها


لكن يمكن يكون شرط تعسفي ..

في حال انها تعرف ظروف المتقدم لها


يعني .. لما يكون وضع زوجها المادي ما يسمح له بوضع بيت مستقل لها ..

وهي ما تتفهم الوضع .. بتكون مشكلة


ولو كان زوجها ما يقدر يترك اهله ويعيش بعيد عنهم .. لسبب كِـبَر ابوه أو مرض امه

وهي ما قدّرت حالة أهل زوجها .. فهذي بعد بتكون مشكلة ..


يعني .. المشكلة من رأيي ما هي في البيت .. ولا في الأهل

المشكلة في الزوج والزوجة

الزوج لازم يحط حدود لأهله ولزوجته من البداية

والزوجة لازم تكون مقدره لظروف زوجها ومتفهمه لوضعه


ومشاكل الأهل .. لازم منها .. لأنها تعتبر ( ملح الحياة )

الأم من الطبيعي .. انها تغار على ولدها من زوجته

والزوجة .. طبيعي انها تغار على زوجها من اخواته


لكن يبقى بالنهاية ..

أنه من ابسط حقوق الـمرأة .. البيت المستقل

لأن كل فتاة تحلم يكون لها بيت الحالها ..

تلبس اللي تبي .. وتطبخ اللي تشتهي

وتغيّر بأثاث البيت .. وتصلح وتعدل .. بكيفها

تشتري .. تخرج .. تعزم .. تستقبل .. براحتها



هذا اللي عندي ..


ولا عاد تطولين علينا .. زيزفونـ ـتنا







تحياتي ..

ريــانــــــــــة الــعــــــــــــــووود