الـزكـرتيه - عرض مشاركة واحدة

**سلف خمسة** · 01-14-2006, 05:54 AM

^

^

وش فيه معصّب اللي بالقصيده؟

شكلهم ماقبلوه بالبرنامج وحب يردها لهم بقصيده

تروح تكتب قصيده وتتحمس على شنو تكفى ؟

ياعمي ريّح ملائكتك وتابع البرايم بس

زياد

يامرحبا في ذمتي

يالله حي اللي يغيب يغيب ويرجع لنا بالصور اللي تشرح الخاطر

طريت علينا الربيع والمكشاات والعلوم السفره

لكن ربيعنا هالسنه ماااااش

الله يجيب المطر وتزين الأرض

بعض الناس رايحين للنعيريه

ومالقوا الا العجاج اللي يلحس الوجه

راحوا الصباح ورجعوا الظهر

خخخخخخخخخخخخ

ابو رحله خلك على هاف مون اصرف ومالك ومال البر

نجي للصور يازيزو >> يمديك على الدلع

ياطر جيبي في ذمتي

حلالاه يالمسجل ابو سمّاعات كبيره

وموسيقى سلووووو

وترنق وجواتي لوتو

وانواع التمارين الرياضيه على هالجو العليل

والله من التمارين اللي بتجي معك

انسدح بس على العشب

وارفع كراعينك واللي يجي معك من التمارين لاتردّه

>> فاهم غلط بقوه

لا والله الا يازين طال عمرك لامن كشتّوا في هاك الديره

وطقيتوا خيمتكم ام عمودين

ولا جا العصر فرشتوا زوليتكم في ذالمكان اللي يشرح الخاطر

انت واللي معك من الشباب الشقرديه

وزيّنتوا ذيك الدله المهيّله والقدوع

وحبكتوا ذاك الشاهي اللي يخليك تلعلع

وزانت سوالفكم في ذالمكان اللي يجيب العافيه

يازينها زينااه في ذمتي >> هياط غير مسبوق

هذا المكان الزين

لا طرا عليكم تاخذون معكم هرفي صغير يتمزمز

وقلتوا به وعلقتوه في جذع الشجره

وخذيتوا الكبد والكلاوي واشتويتوها على ذيك الضو اللي شوفتها ترد الروح

ياسلاااااااااااااام

وبعدها يقوم الشقردي فيكم وياخذ له يد وجنب وضليعات

ويوديها لخيمة المطبخ ام عامود ويحطها في القدر >> اجل في الصحن

ويحمسها مع البصل والطماط

اللي مقطّعه واحد جايب العيد وانواع الذبّاان حوله وانواع تغفيص الطماط بيدينه

ومختلط الحابل بالنابل في القدر

وبعدها يكبس عليها الرز

ولاخلص حطّه بالصحن وقدّمه لهم

وقبل لايستوي الرز يطمر واحد من الشقرديه

ويروح اقرب محطه ويجيب لبن علشان يمخمخون على الطبخه

الورود والأزهار الجميله >> مايدري وش يقول

اي والله مابه ربيع مثل التنهات

وبيني وبينك احس ان الدعوى متلخبطه

انواع النفايات >> ياروحي يالكلام الذرب

هذي ودك تروح لها علشان تحطب بس

تملاا حوض الشاص والا غمارة الجيب وترجع

والله ياني امر في مرحلة هياط غير طبيعيه

وخروا عني تراني متحمس

ياحي ذالعين من شوف الزين

حلالاه من شب ضوّه على جاله

ونزّل العود وجاا مويشي على اساس انه محمد عبدالوهاب

وقام يعفس ام الأغاني ويدخلها في بعض

والله من قل السنع يامويشي خخخخخخخخخ

اجل تبي تعزف مقطوعة بيت هوفن

ياعمي رح وراك لأسوقك بالبياله اللي جنبي

خلك على تقوى الهجر تراك جايبها صح

الله العالم انها حزّة مغيربااان >> تلايط

بس رايقه الصور من جد

ابدعت يازيزو

وصراحه تصوير متعوب عليه وزوايا خياليه

الله لايخلي بيت الزكرتيه من ابداعاتك يازياد

متميز ومبدع كالعاده فديتك

مع السلامة ,,

وني وني وني وني وني