رجــــــــــــــــــــــــــــــــــــــــــــولــ ــــــــــــــــــــــــــــــــــــــــــــــــــ ـــــــه

اذا المراجـل لبسـة شمـاغ وعقـال = قـل للعـذاري يلبسـن العمـايـم
ماعاد يفرق زول حرمة ورجال = دام الفعايل تشبـه البعـض دايـــــم
المرجلة ماهيب كلمـة وتنقـال = وتـروح ماراحـت هبـوب النســـايـم
ولا خشونة صوت اورفع الاثقال = او رزة صدور00 وفعل الزلايـم
ولاهي بعد مفتاح موتـر وجـوال = والا ردى لسان 00 حديثـة شتايـم
المرجلة شيمه عن القيـل والقـال = رفيـع نفس 00ٍحـر بالجـو حايـم
المرجلة عقل وزن وزنه جبال = ودون العقل وش فرقنـا والبــــــهايـم
يامسندي لومايـل الوقـت بـي مـال = ياولـد أبويـه ياعظيـم العزايم
يامعرب الجدين من العم والخال = يانخوة المفزوع وقـت الهزايم
المرجلة ياخوي هي طولة البال = هي العزم هي الصبر فالظلايـم
فيها الكرم 00عزة دله وفنجال = فيهاالكرامـه عـن ردى الطبـع شايـم
والدين لامنه خذا القلب منزال = مشي طريـق الحـق وابليـس نايـم
ومن لاعرف ربه في طيب الحال = لابد وقت الضيـق بالهـم هايـم
حتى صلاتك مع جماعات ورجال = في خيرها ياخوي نعم الغنايم
ولامن نصف ليلك قم صفي البال = ياعظم اجرك بين ساجد وقايـم
ولامن رفع ربي له كل الاعمال = حسن الذكر لاقالوا فلان صايم
وخلك شريف القصد ياطيب الفال = سوء المقاصد فالبيوت الهدايم
واحذر تبيع النفس في درب الأنذال = وتتبع خوي ابليس راع الندايم
النفس خيل لك؟!! اذا كنت خيال = ومـن لاقـوى نفسـه قوتـه الهزايـم
ولاصرت ماتدري لويش انت رجال = والله خسارة فيك ذبح التمايم