|
|
|
|
|
| الإقامة : الشرقية ام الرخا والشده |
|
|
|
|
|
|
|
 آخر
مواضيعي |
|
|
|
حــاجــه غــريــبه!!
السلام عليكم
* تـصـويـر *
(راكب السيارة انا و ادريس خويي ونمتر شوارع الخبر)
اثرررت فيني بفتونك
وحلفي صار بعيونك
ماحب غيري يجونك
صرت بغرامك اناني
ايووة عليييهممم ,,!!
عااااش وااااقف
الحب دنيا وقسمه
وانت اللي علمني اسمه
قلبي لقى فيك حلمه
ولا انا قبلك اعاني
تنننكس تننننكس
أغدييييييييييك انتبببببببه.....!!!!
كوووووووعععععععععععععععععععع <<<يسمع بالتأثيرات الصوتيه 
وش فيك يا لوح بغيت تدخلنا في السيارة؟!
يرحم امك ادريس لا يكثر
بس وش فيه وش هالزحمة!!
اقول ادريس وش رايك تنقز تشوف السالفه!!
لاااا؟! اشتغل عند اللي خلفوك انا؟!
اعنبوك راكب سيارتي وتنافخ!!
يارجال على تبن امش بس...
وامعصي والله لنزل
والله نزلنا ونشوف لك ذاك البغل ماسك العقال ويمحط في الهندي
والعالم واقفين يضحكون ,,
خير خير يا رجال اذكر ربك وش فيك؟!!
وانت وش دخل اهلك؟ هاااه 
اعنبو غيرك الرجال بيموت في يدك
اقول انقلع عني لا ألزخك في هالعقال 
اسمع ادريس انت احقط الرجال مع ثوبه
واذا اعطيك الأشارة اسسسحبه
وانا بجر الهندي مع اوزارة
اقول أغديك انتبه وانت تسحب الهندي
لا يطيح الوزار وتطلع الفضايح 
والله وانا اللي احط نعالي تحت اباطي واعض على ثوبي
واغمز لدريس وهو يجررر الرجال ,,
وانا اجررر الهندي من تحته الحمد لله ماطاح وزارة 
قد الهندي اغمى عليه من الفرش اللي جاه
والعالم يجووونك مسرعين يطلون
ويقولون اثاااريه هندي ... ويمشون 
وامسك السعودي انت وش فيك بغيت تذبح الهندي؟!
تبي كفيله يختم النعله في علباك
انا كفيله هالخسيس ليتني ماكفلته
افاااا هذا وانت كفيله,, وش فيك عليه الله يهديك!!
اجل ارسله البقاله يجيب لي لبن الصافي
يجيني وهو جايب المراعي !!
يرضيك هالحتسي يا ولد الاجاويد؟ <<تراه يقصدني
بس!! عشان كذا
لا صراحه ماله حق لو انا منك ذبحته
نعن ابو دارك الرجال مالقى الصافي وجاب لك المراعي تقوم تذبحه؟!
وانت هالحين وش دخل اهلك انا وهنديي نتفاهم
بغيت تروح الادمي من كيس اهله وتقول وش دخلني !!
وانت الحين وش فيك زعلان عليه يارجاااال وسع صدرك
تــراه هــنـدي 
حــاجــه غــريــبــه!!
* تـصـويـر *
(ليلة خميس لابس لك ذاك الجنز وطالع على سيارتي الجديده كاشخ ونازل اسواق بنده اطلب كوفي)
اكسكيوووزمي ,,!!
بليز قف مي ون كبتشينو <<قعدت اسبوع احفظها
وانا واقف احط السكر في الكبتشينووو
دخلو ثلاث بنات ,,!!
تسبقهم ضحكاتهم المتعالية وكانو يستخفون بصديقتهم الملقبه بـ (المطوعه) <<<ياعنكني سحابه حب على هالأسلوب
بناااات شوفو ,, شوووفوو اللي واقف عند الكوفي ييععععع
شوفي وجهه مافيه ملامح ابببببد
لا وانتي الصاادقه شوفي وش لااااابس ربي لك الحمد والشكر <<انعن ابو الاسلوب تخيلت اني بنت من جد
واصد عنهم وانا اقول في خاطري..
في ذمتي لو افصخ الكبوس وتشوفون الشعر كيف يلعب على خدودي
تسان بلعتي العافيه انتي وياها,,!!
واجيك بعد نص ساعه ,, طالع من بنده
واركب سيارتي ,,!!
واشوف نفس البنات واقفين ينتظرون السواق ,,!
انا مالي وجه التفت عليهم بعد الكلام اللي قالوه
يعنكنه صحيح بس حزت بخاطري شوي لنهم ماشافو شعري  <<<يارجال على تبن
يوم مريت من عندهم ويشوفوني,,, ويشهقووووون كلهم 
ياوييييلي شوفي اللي في السيارة الغريبه وش مللللللحه
اي والله انك صاااادقه ياااربي وش زيييينه وش زين سياااارته,,
اصلاً هذا كان يغمز لي يوم كان عند الكوفي ,,!!
لا يا عيوني هو ارسلي بلوتوث وقال يبيني
وش يبي فيك ,, هالمزيوووونه ما بغاك الا انتي؟!
لا عاد من زينك هالحين,, وبعدين انا كاشفه وهو شافني واعجب فيني
وش يعجب فيك يالخلفه ,,هالمزيوووون هذا يعجب في وحده مثلك ,,!!
والله ويتهاوشووون علي البنات وانا تسني ما اسمع <<حاقرهم بالحيـــل
والله وتعصب عليهم المطوووعه ,,
هالحين يوم كان واقف عند الكوفي طلعتو فيه عيوب ماباقي الا تقولون الولد ما يجيب اعيال
وبس شفتو سيارته تهاوشتو عليه وصار الولد حلو ومافي زيه
حــاجــه غــريــبــه!!
(هنا انا التفت على المطوعه ,قلت لها وس اسمك في البلوتوث؟! قالت بكل خجل اسمي زليخه
وهكذا ابتدت قصه حب جميلة وتحولت المطوعه الي داشره )
^
^
^
خارج النص بقووووة
* تـصـويـر *
( في مواقف مطار الملك فهد راكب السياره متوجه للبيت )
الله حي صالح حمد لله على السلامة..
الله يسلمك , والله كان ودي انك تجي معي لبنان بس انت اللي يهديك راسك يابس
يارجال من جدك انت؟! تبينا انا وانت نجتمع في لبنان؟!
عز الله اللي بترجعنا السفارة من ثاني يوم ,!!
الا ماقلت لي صالح , وش صار عليك عساك لقيت البنت اللي تبي؟!
ايه ابشرك الحمد لله لقيتها وقابلت اهلها وان شاء الله انهم موافقين
بس باقي نتم اجرائات الزواج الرسمي وتجي ترقد عندي البنت
وانت مستعجل على الرقاد؟! من يوم عرفتك وانت تحب السهر وش فيك الحين بديت تخورها؟!!
اسمع يا صالح انا هالحين بنزلك البيت ,,
وتجلس مع اهلك وتنام بدري مو تسهررر
ترا توك من اشوي قلت لك انك تحب الرقاد <<<حاقط له
أغديك تكفى انطم ياخي جاي من سفر تعبااان مانيب رايق لك
اسمع انت الحين تروح تجلس مع اهلك شوي وترقد
ومن بكرا اول ما تقوم تكلمني من الصبح ,,
جا بكرا ويدق على صالح الساعه 6 المغرب
لاااا بدري؟! كان مادقيت احسن!
يارجال تأخرت غصب عني ,,
ياولد وش فيك؟! لا يكون تعبان ولا فيك شي؟!
لا والله ابشرك بخير وصحه وعافيه
زين هالحين انا جايك ,,
ركب صالح السيارة والرجال ابد حاله متغير ,,,
ياولد وش فيك انت من يوم اتصلت علي وانا احس ان فيك شي ؟!
لا يكون اهل البنت غيرو رايهم ولا شي!
لا يارجال المشكله اكبر من كذا ,,
افااا خير وش فيك؟!!
تصدق يا أغديك يوم كنت في لبنان ,, فيه واحدن جاي يبي يتزوج اختي
زيييين بالبركه ان شاء الله ,, وهذا شي يزعل يعني؟!
لا بس الرجال ....!!
وش فيه الرجال؟! اهم شي على خلق ودين؟!
ايه ابشرك الرجال يقولون فيه الخير ويعرف ربه بس ....!
بس وشو؟! يعني الرجال عاطل ولا وظيفته ماهيب مناسبه؟!!
لا الرجال عنده كم محل ويتاجر وعنده دخل حلو ...
زين اجل وش فيك متضايق؟!!
يا أغديك الرجال ماهوب سعودي
وش جنسيته؟!
الرجال مصري ... 
زين اهم شي اهلك وش رايهم بالموضوع؟!!
والله البنت موافقه لأن الرجال على خلق ودين وعنده دخل كويس ,,,
زين وانت وش رايك؟!
تسألني بعد اكيد مانيب موافق اجل ازوج اختي لواحد ماهوب سعودي وش تبي الناس تقول؟!!
اعنبو دااارك صالح انت ماتخاف ربك!!
تحلل لنفسك وتحرم علي غيرك
هماك يوم جيت تبي تخطب اللبنانيه , ماقلت الناس وش تبي تقول عني
وهالحين يوم جا المصري يبي يناسبكم قلت مانزوج بناتنا الا لسعوديين؟!!
حــاجــه غــريــبه!!
* تـصـويـر *
( داخل مجمع الراشد امشي في حالي متوجه لـ ستار بوكس )
داخل الراشد لا لي ولا علي
اطالع في هالبنات اشكال والوان ,,
اللي لابسه عباة مخصرة والشعر نصه طالع ,,
واللي لابسه عباه على الراس , بس ماخلت واحد ما حطت عينها بعينه
وهالحين انا اشوف البنات طايحين بعباه جديده يسمونها الفراشه مدري البشت
مدري وش سالفة العباة بس صراحه عاجبتني
اشوي وانا امشي واشوف لك ذيك الغزاااال
طوووول وشعر اشقر وجسسسسسسم
العبااة مفتوحه وطااايره وراها والجسم كله باين ,,,
والشعر مطلعه شي من قدام وشي من ورااا
والعطر تشمه حتى لوك مزكم
واللثمه خفيفه وجايه من تحت الخشم <<وصف بالملي
مرت من قدامي وانا لا شعورياً ,,, لحقتها
ومانيب حول احد ماغير فاتح فمي واطالع ,,
وش هالعيون وش هالخشم ...!!
انا امداني التفت حولي ,,
لقيت نص العيال ماشين وراها
هذا يرقمها ,, وهذا يحارشهاااا ,,وهذا يسولف معها
وفي واحد هنااااااك قاعد يصورها
وفجـــــأة
التفتت البنت تهاوش واحد الظاهر شكله ماعجبهااا
يا كلب يا حيوان يالي مو متربي ,,
يعني الوحده ماتعرف تاخذ راحتها في السوق
لا لا هدي اعصابتس احنا بس قاعدين نتفرج على الأغراء
والله لو ماني بنت ناس ومتربيه كان عرفت كيف ارد عليكم ,,,
اعنبو دااااارك بنت ناس ومتربيه وهذي سواياك!!
تطلعين السوق تقل رايحه عرض ازياء
العباه كنها فستان ومفتوحه والعطر يشق الخشم
وكل شي تحت العباة باين,,,! وماتبين العيال يلحقونك؟
حــاجــه غــريــبه!!
* تـصـويـر *
( جالس في البيت مقابل الكمبيوتر وفاتح النت )
داخل بيت الزكرتيه ,,
بالتحديد في قسم الصالة ,,
فاتح الصفحه واكتب موضوع بعنوان (حــاجــه غــريــبه!!)
وانا في صلب الموضوع وقمة الحماااس دق جوالي ,,,
سمير يتصل بك ...
انا : ارحب والله ان ترحب ,,
سمير : أغديك وينك؟
انا : في البيت ,,
سمير : اوكى دقايق وجايك
سفطه وارجع اكمل الموضوع ,,
اشوي ويدق علي دقه ,, يعنكنه نااااشب بقوه 
طلعت له ,,الا الرجال وجهه يتقلب وضااايق
ياولد خير وشفي وجهك مبنشر؟!
يا أغديك انا اعاني من مشكله كبيييره
يا الله ستر ,, خير ان شاء الله لا يكون راهن بطاقتك عند محطة البنزين ولا شي؟!
التفت علي سمير وعطاني نظره ,,فهمت انه يقولي كل تبن وسكت
افااا سمير وش فيك ماخبري فيك كذا علمني الحين وش المشكله
انت تدري يا أغديك اني متزوج ثنتين والمشاكل كلمالها تكبر
زين ياسمير انت يمكن السبب يكون منك
يمكن انت منت قادر تعدل بينهم !!
شف يا أغديك زوجتي ريناد اللبنانيه ماعليها خلاف ولا عمرها ضيقت صدري بشي
بس سااارة السعوديه هي اللي جايبة لي المرض مع اني حاطها في بيت وحاط ريناد في شقه!!
كل كلمه والثانيه تقولي انت تظلمني وتعطي كل شي لـ ريناد مع اني ماقد شريت شي الا اخذ منه اثنين لهم كلهم
بس يا سمير ليه انت تخلي تفكيرك مادي!!
ليه اذا سارة اشتكت على طول يروح بالك على اشياء ماديه مثل هدايا او فلوس او بيت ...
ترا البنت تحتاج الحنان والمعامله الطيبه من الرجل اكثر من حاجتها لأي شي ثاني
وانت يا سمير صراحه مفرق بينهم كثير انا قد شفتك مره بالمجمع مع ريناد
وشفتك مره ثانيه مع ساره <<يعنكنها صدف ماهيب مقصوده
يوم تكون مع ريناد اشوفك تضحك معها وما تمشي الا وانت ماسك يدهااا
وان كانها شاريه شي تشيل الاغراض عنهااا
ولا جيتو تركبون السياره تفتح لها الباب وتركبها واخر حلاوة
وسبحان الله لا جيت عند ساااره
ابببد اشوفك عابس الوجه وواقف بعيد عنها حتى احياناً اشك انها زوجتك احسبك قاعد تغازل وحده ولا شي
ومخليها تشيل اغراضها ومسحبها هالبزارين وراهاااا وانت تمشي قدامها بعشره مترررر
ليه هالتفرقه في التصرف؟
ليه احنا السعودين دايم تفكيرنا كذا
يعني اللبنانيه عندها احساس ومشاعر والسعوديه جداااار ما تحس؟!!!
حــاجــه غــريــبه!!
__________________
•
•
|