الـزكـرتيه - عرض مشاركة واحدة

**ماشي الحال** · 09-10-2005, 05:06 AM

وهج بنتوون حلوه للغايه

يونس يرعاها بعناية

من يونس ؟

يونس شلبي طبعا

تذكرونه ذا المسلسل ؟ هلا مع يونس

وبعدين ليش قلتي اليوم ليندي

يمكن عندتس انتي

انا عندي سامودي << مايذكرتس في هايدي؟ << بالغصب يركب يعني يركب

يالله اسئلي ايتها النذلة الطيبه

اقتباس:

لو كنت متضايق كيف يكون تعاملك مع من حولك ؟؟؟

احس انك كازووونا <<< اقول ياكثر الاحاسيس عندتس

وانا احس انك مادونا وانا انريكي

ونغني اغنية دويتو عن البطاله في السعوديه

اذا صرت متضايق التعامل يكون بالصمت

مااتكلم واجد لان غيري ماله ذنب باللي فيني

بس الحمدلله الفتره ماتطول بس البلى اذا كان فيه

واحد مايحس اني متضايق

وجلس يهذر فوق راسي

احتمال يكون فيه حالة وفاه لحظتها

اقتباس:

انت الحيين تتهرب من واحد من ربعك وهو عاد ثقيل طينه نشبه

وفي هاالحظه انت طلعت من بيتكم عندك مشوار ومستعجل تروح

وتوك تركب سيارتك الا وجاك وقالك وينك انت من زمان خبري فيك

ولصق فيك وش راح يكون شعورك ؟؟؟؟؟

خخخخخخخخخخخخخخخخخ

<< يتذكر سالفه صارت نفس كذا

من زمان قبل الجوالات واحد كان علة اكباد ناااشب

بكل ماتعنيه الكلمه المشكله انه اتصل من البقاله اللي عند بيتنا

وانا اللي رديت وحسيت انه ماعرف صوتي

واستغليتها فرصه وغيرت صوتي بزياده قال وين فلان قلت مسافر

قال سيارته موجوده

قلت راح مع رجال وخلاها هنا

قال متى بيرجع قلت مدري يمكن

بعد شهر قال عنده رقم هناك << انشهد انه ناشب

قلت لا والله

اوكي في امان الله

انا ماطرى على بالي انه يتصل من البقاله توقعت من بيتهم

طلعت اشغل السياره توني منزل راسي ادور شريط

وحسيت ان فيه سياره جمبي رفعت راسي

واشوفه يبتسم

بغيت اغمض واسوي نفسي نايم

طبعا في خاطري اقول العن امها حاله مع ذا الناشب

وانزل لازم سلام مجامله وقعد يقولي

انه كلم ورد عليه اخوي وقاله كذا وكذا

قلت ايه رجعت اليوم وهو مايدري

باخذ اهلي وبرجع اسافر وانا انتظرهم يطلعون >> يعني فارق

المهم بعد التصريف الصعب راح من هنا وانا حركت من هنا

الرجال صراحه طيب فوق المعدل

بس عديم احساس وغثيث >> يمدح ويذم

ماعلينا من خوينا

نجي لشعوري لحظتها اكيد تقفل معي

بس بسرعه اصرفه وان مافيه فايده الله يعين نضغط على النفس شوي

اقتباس:

هل انت من النوع الذي يسرع وانت تقود السياره؟

اول ايه ومااحب اني اسوق دايم اخلي غيري يسوق

بس الحين الحمدلله السواقه راكده

لا اسئلتك ماهي مكرره ولا شي

بس لون الخط مكرر عندك >> يبي يتعبها ترجع وتقعد تدور

ميرسي بوكو وهج ويشرفني تواجدك واسئلتك اللزيزه

بون وي