الـزكـرتيه - عرض مشاركة واحدة

**وجع مفاصل** · 06-02-2004, 12:49 AM

اقتباس:

المشاركة الأصلية كتبت بواسطة هيبه

لاتقيس علينااحنا كمجتمع سعودي واعي دينيا اكثر من اي مجتمع اخر لكن المجتمعات الاخرى لا يوجد لدىالبعض منها ادنى ثقافه دينيه لذلك الاسئله من وجهة نظرنا سخيفه ومهمه لغيرنا

هلا هيبه ... خلاااص انتي سالتيني بصراحه وانا جاوبتك وانا تكلمت كوني
واحد من المجتمع السعودي وعلى قولتك جايز البرنامج بنظري سخيف وعند غيري مهم
يعني انا وانتي متفقين على اننا مانقيس انفسنا مع ناس ثانين من الامة العربيه ..
وانا كنت صريح حسب ماتمليه على قناعاتي ...

انا ما اشوف فيه ذاك البرنامج اللي يستاهل مني اتابعه..
لاتقولين مغرور ولا هم يحزنون...
بس بجد والله احس كل الكلام اللي ينقال فيه اعرفه من ايام المتوسط...
ابغى كلام جديد وطرح جديد وفكر جديد ... يفتح مجالات التساؤل
والابحار في القضايا ... ابغى إلمام بالمشكله وحسن تدبير لكل زوايا
ابغى البرنامج مادام انه يقول عن نفسه ديني اجتماعي شبابي
يكون بالمستوى اللي انا احلم فيه..

هذا حلمي كشاب اطمح للبرامج الشيقه والممتعه في كل لحظاتها
احب الفلسفه البنائه للفكر ... حتى بالدين فيه كلام اشمل واوسع واجمل
وضيغة الخطاب فيه تكون وافيه ومؤرخه بقصص تاريخيه
مابعد سمعتها وكل يوم اكتشف شي بالقرايه ... مابعد شفت شي
جديد في التي في .... كلها مسائل مكرره .. البزر في سادس ابتدائي
في السعوديه عنده ثقافة دينيه دبل ثقافة الفيشاوي او الجداوي ذاك اللي كنه
مصارع ... وربي اقول الصراحه ...

وبالنسبه لكون البرنامج هذا يهم شريحة من الناس ... هذا شي اكيد
انا مجرد شخص واحد .. قلت اللي عندي ...
هذا برنامج محسوب على القناة وله متابعين ووضعه ماشي ...
بس انا كمشاهد سائلتيني عنه وقلت لك مايعجبني وشفته كذا مره عند
واحد من اخوياي يتابعه اهو وانا اظطر اتابع معه شوي ... لقيت اني
اسرح في شي ثاني وانا اطالعه او العب في جوالي ... يعني ماشدني ..
هذي كل السالفه ..

من يرد ايام مضت ... يوم ان الدش ماله طاري ..
ايام الانتل ...
والفكر مرتاح ..
والحاله مستقره ...
الحين يادافع البلاااااا ...
العالم متبطحه عند ذا المووووفيز

تحياتي هيوبه ... ومبروووك التوقيع