هلا بالفلته

ياولد اقلاع موضوعك يعني بينقرض مصطلح فلان مزيون
واخيرا ً لا اكاد اصدق يحيا العدل يحيا العدل <<< غيران منهم ذا الشيفه

ياولد هذي النصايح النصوحه مهوب ابو شكيب في زهور الريف (للتنويه اني اتقضا منهم)
يقعد يهذر عليك هايدي ريحه بتعئد لحزه تحطلك شوي ولا يقولك هذي صابونه تخلي وجهك
ابيض لذا الدرجه صالختنا الشموس

ياخي نكبه البلوغ فيه يكرم المرء او يهان ... خلني بعلمك عن واحد من العيال
ياولد وش زينه قبل يبلغ مادوك الا تبيع له جوز حمام راعبي وعلى الشرط يجي وياخذه
من العشه ... الموووهم ما امداه يبلغ الا وانواع القببان والله مسكين تعقد .. بس الحمد لله
جاه قرض اعادة الاعمار


الله يعافيهم ولا يبتلينا <<< وش عنده باهي الخد صافي الوجنتين هع هع


انا عندي نصيحه للاضافه :

-لاتتحسف على وجهك مهما كان شين
فقد تملك بين حناياك جمال الروح << يابلفيت اواسي خابر ماحولها احد

-حين تفتقد معالم الجمال كلياً ماعليك سوى التمسمس* بالمبسم عل الله يفرجها

-اخي المواطن ... هل وجهك مايتشاهد ... أغسلت يدك من تغير لتضاريس خشتك
ماعليك سوى اقتناء لكزس .. نحن بعون الله نطول وجيهكم ... مع تحيات لكزس تويوتا الخبر
شعارنا " وجه من ليس له وجه " <<<< شاف كم جيكر على لكازس
قاهريني ياخي لعنبوهم ددسن جي ال 2003 تاصل مواصيل ماياصلونها ولا حتى نظره
وحده من ذوات اللثم ... آه ثم آه ... على الاقل نظره لزلفي(مفرد زلوف) اليسار
مانيب قايل خشمي الدقاق ولا محاجر عيوني ولا ولا ولا وش اقول وش اخلي


الفلته بيه ... إني ارى ايادي ترتفع للسماء تدعو لك وتقول
الله يوفقك وين مالقٌيت وجهك