الـزكـرتيه - عرض مشاركة واحدة

**ماشي الحال** · 06-21-2005, 07:57 AM

السلام عليكم

اول شي احمدوا ربكم يابنات ماصرت ولي امركم

كان ماطبيتوا المنتدى

<< بدايه استفزازيه

الفتاه التي تجلس على النت فتاه حالها حال غيرها من الفتيات

معرضه لأي أمر ايجابي او سلبي ..

قد تكون هذه الفتاه تثق في نفسها حال ولي امرها الذي وثق فيها

واحتمال ان تحرص على نفسها اكثر من حرص ولي امرها لو كان مهمل

نوعا ما ..

ولكن هذه الفتاه لديها خطوط حمراء لن تتجاوزها وتدرك هي

أكثر من ادراك ولي امرها لهذه الخطوط الحمراء قد يرى هو تسجيلها

في منتدى والمشاركه فيه خط احمر يجب ان لاتصل اليه

ولكن من ثقتها في نفسها شاركت وسجلت وليس مخالفة لولي امرها فقط

انما لادراكها ان هذا الامر لن يتعدى كونه مشاركه واستفاده

وإن تجاوز هذا الامر يعتبر ان هذه الفتاه تعدت خطوطها الحمراء

وليست خطوط ولي أمرها ...

اتوقع عدم معرفة ولي الامر بدخول الفتاه للنت يرجع الى لا مبالاه

مغلفة تحت ستار (( ثقه مفرطه ))

اذا صرت اناقش فتاه في منتدى او لنفرض تشات صراحه احكم

عليها من المعطيات اللي اشوفها منها وليس العالم اللي حنا فيه

سواءا شات او منتدى لو بقيسها على وجودها في شات لمجرد انها في تشات

اتوقع اني ظلمتها وحكمت عليها من العالم اللي تستخدم الشات استخدام سيئ

عن نفسي احكم سواءا هنا او هناك من اللي اشوفه من هذه الفتاه

لو كانت منحله اخلاقيا او محترمه نفسها وعارفه حدودها

بالنسبه للخطوط الحمراء واضح من ردي على النقطه الاولى

انها تتفاوت واقدر اشبّهها بالسلّم يعني درجات

اجيب لك مثال عشان اوضح لك النقطه

واحد من الشباب يعلمني سالفه يقولي ان فلان ارسله رساله على جواله

يقول مسحتها على طول وقابلته بعدها وقلت له لاعاد ترسل لي مثل هالرسايل

قال ليش لايكون صاير مطّوع متخفي

قال لا بس جوالي تشوفه زوجتي وماعندنا ذا السوالف

قال ذاك ياخي انا زوجتي هي اللي مرسلتها لي عادي وش فيها

قال هذا شي يخصك وعندك انت عادي ومهب شرط يكون عندي عادي

وانتهت وكل واحد عنده وجهة نظر وخطوط حمراء متفاوته

هذا راضي بوضعه وهذاك راضي بوضعه ....

بالنسبه لو كانت اختي تشارك دون علمي بنفس المنتدى وبعدين دريت

اذا كنت مشرف راح اطردها من المنتدى

شوفي هيوبه طبعا هذي وجهة نظري عن نفسي المسألة ليست

عدم ثقه في الفتاه او الاخت على وجه التحديد

المسألة في نظري ثقه عندي اشوفها ان الفتاه ضعيفه خصوصا من

ناحية المشاعر وان وجدت فتاه قويه فــ هذه فتاه مستثناه عن القاعده

التي أنا اراها وبنيتها من واقع حياة ومجتمع عشت فيه

وايضا في العالم التي ستكون فيه اقصد عالم النت ...

كثير من الفتيات لايجدون اشباع لرغباتهم داخل البيت من كلمة حلوه

او ماشابه ذلك ويجدون نفسهم تلقائيا وسط الشات الفلاني

شيئاً فـ شيئاً اصبحت الرغبه ادمان لعدم توفر الكلمه الحلوه في البيت

وتوفرها لدى الذئاب البشريه في هذا الشات

المنتدى ايضا اعجاب الفتاه بشخص هل أنا ياولي الامر

ادرك حدود الاعجاب لديها ؟

قد يكون اقصى درجات الاعجاب لديها بالشخص مجرد قراءة ما يكتب

وقد يكون ليس له حد فالنفس البشريه دائما طماعه وتطلب ولا تشبع....

ويأتي ايضا بالنسبه لدي أن اصونها من كلمة تقال من شخص بعيد

يمسها بكلام لمجرد انها فتاه ويقول بينه وبين زميله بجانبه

(( يالبيه يافلانه))

طيب لو كنت انا هذا الزميل وسمعت كلام الشخص وهو يقول هذه الكلمه

هل أنا استطيع ان اسكر فمه واقول احترم نفسك تراها تقرب لي

ولو قدرت اقنعه هل انا راح اقنع فلان وفلان اللي مااعرفهم

اقصد من هذا كله ان المسأله (( فتح باب )) ويعتبر عندي غيره وحفاظ

على من توليت أمرهم ........

اقتباس:

هل سبب استعمالك للنت اغلبه رغبة في التعارف الغير مبارك؟

طبعا لا

لان اذا كانت هذي هي رغبتي فاتوقع الطرق والسبل كثيره

واسرع وافضل من النت

انا احترم لكل شخص له وجهة نظر في هذا الموضوع ليس بالضروره

موافقتي لرأي فلان او ان يوافقني الرأي ...

بس عندي سؤال هل يعتبر النت ضروره لازم تقتحم كل بيت ؟

يعني يعتبر مواكبة للتطور والانفتاح ؟

انتي ياهيبه عندك ملاحظات على قواعد اوجدها

المجتمع ماتشوفين ان النت من الكماليات التي اصبحت ضروريات ؟

يعطيك العافيه هيوبه موضوع صراحه يحتاج الصراحه