مساء الورد

:
:

في السيارهــ

يؤ ياطول ذا الأشارهــ ما يمديها تفتح الا مسكرهــ ..اووف وش ذا الزحمهــ

مستحيه ..مستحيه وش قاعدهــ تسوين
ولا شيء بس أمارس هوايتي المفضلهــ

اللهم لكــ الحمد والشكر هذي هوايهـ امحق من هوايهــ

والله اللي مايعرف الصقر يقليه
مالت عليك هذا اللي اقولهـ

طيب خليني اكمل هوايتي مادامت الأشارهــ مقفلهــ

باعطيكم علم هوايتي التعداد السيارتي (على وزن التعداد السكاني) مطالعهـ السيارات وتسجيل لوحاتها

وأسمع شوشرهــ وتسيسر <<مأخوذهـ من كلمه سر ولاصار الاثنين يطلق عليها كلمه يتساسرون << تلايطي أحسن لك

التفت على أخواتي وقلت وش تقولون عني هاه
مانقول شيء أفتحي جوالك وبــ تعرفين

لا جوالي مغلق لــ الصيانهـ
انت تستهبلين ..؟!

لا حشا من يقول انا انكت

مالت عليك انتي ونكتك افتحي جوالك شوفي المتواجدين لحقي لا يفوتك

والله ما أخبر اني قاعدهـ في المنتدى واشوف خاصيه المتواجدين الأن

الله يغربلك انك كنتي غربلتيني ترى اتكلم جد

وانا بعد اتكلم جد وعم وخال

لاحووول انا قصدي أفتحي البلوتوث وشوفي النكات بــسرعهـ
البلوتوث مفتوح وش بووه ..؟!!

شفتي النكات ..؟!

ايه شفتها مافيها من الحلا ذرهـ الا اسم واحد

شفتيه الأسم ..؟!

ايه شفته والرقم اللي بــ جنبه ..ودي أرسل ان كان النك لـ البيع

يا صبر ايوب على بلواهــ من صدقك هذا نكـ

ايهـ نكـ شيء...بالله اجل نك أسمه قلق (..........055) سحبي على الرقم سيفون وشوفي النكـ ..كشخهــ بقوهــ
تهقين يبيع النك..؟

يا بقرهــ انا ما اتكلم عن هذا ..فتحي عيونك(و) شوفي عدل..انا اتكلم عن نك مفلوعهـ بقوطي يامال الصمرقع كأنك صمرقعت رأسي [/size]

مفلوعهـ بقوطي

ايه شفتيه..؟!
ايه شفته وش فيها ..؟!

اقول خليك على جنب كملي هوايتكـ شكلكـ لك مستقبل تشتغلين في المرور ع ذي الهوايهـ

وأسمع السوالف بينها وبين أخواتي

انا اتوقع مفلوعه بقوطي ذي خاله ..؟!!
لا انا اتوقعها خاله وعيونها زرقا وشعرها اشقر(و) عبل ..!!

أقول انتي وياها عيب المعايبهـ على خلق الله ..اللي خلقها الله ماهوب انتم تجلسون تعايبون ترى العايب على الباب ولو بعد سنهـ

حسيت انه بيصير لي شيء كل وحدهـ تناظر الثانيه تقولون محتارين وشلون يتخلصون مني يرموني من دريشه السيارهــ والا من بابها كــ أنهم قاعدين يتشاورن اي وحدهـ فيهم اللي بترد لي عقلي بسرعهـ
ولولا عنايهــ الله ورحمتهـ ثم الأشارهـ اللي خربت مخططهم الأرهابي
وكأن ودي أصلي صلاهـ سجود الشكر حمدا لله من الأرهاب الغاشم
وأشوف ذيك نظرات التحسف والتوعد في عيونهم كأنهم بــ يقولون وين بــ تروحين منا الوعد قريب
وانا في قلبي ودي اقول لهم غزال وما تصيدونه

وكملنا المشوار الى السوق ..





















أشرح لكم المشوار طويل ماهوب لازم اعور راسكم بكل التفاصيل
وفي أثناء الأستراحه <<تعبت على كلمهـ أثناء

تجي الأخت مستحيه ..مستحيه ..مستحيوه ..شوفي شوفي نكات البلوتوث

وش اشوف مافيهم من الحلا ذرهــ

وجع شوفي للحين مفلوعهـ بقوطي موجودهـ شفتيها انها في السوق مثلنا

قلت وخير ..السوق ماهوب لكم وحدكمـ


وتعطيني أشكل وتروح تكلم أخواتي عن نك مفلوعه بقوطي

ماقلت لكم مفلوعه بقوطي ذي خاله وأبصم لك بعد انها حاسه انها طقاطقه وأنتف حواجبي..وأربي شنبي اذا ما كأنت خالهـ وطقاطقه وبعد من حقات البسطهـ

[size=4]<< صرت كذا يوم طفح الكيل(و) الوضع ماعاد ينسكت عليه

تعالي يا(.........)

وش فيك ..وش تبين..؟؟!!

وش قلت الحين عن مفلوعهـ بقوطي ..؟!!

قلت اللي سمعتيه ..واذا بــ ــ تقولين محاضرهـ مثل اللي قلتيها في السيارهـ وفريها ..!!

لا ماراح اقول لك شيء بس تشوفين(و) تعرفين مين مفلوعهـ بقوطي الخاله ذي (على ) قولتكــ..!!

ايه













































مفلوعهـ بقوطي اللي تحشين فيها هي قدامكـ
انا مفلوعه بقوطي ووجع يا(...) ويالله نتفي حواجبك وربي شنبك لانتفهم لك














مايستفاد


1- ماهوب لازم اختار اسم حلو في البلوتوث


2-ياكرهي كارهه للي يحط اسم الدلع في البلوتوث مثل:
دلوعه حمودي دلوعه فهودي دلوعه خلودي دلوعه مامي دلوعه بابي دلوعه..


مع أحترامي اذا احد موجود في المنتدى بأسم دلوعه(أو) دلع او على شكالته <<تصير احيانا ذربه

وصار موقف شفت اسم دلوعه بابا رسلت لها
مالت عليتس(وعلى ) أسمتس اذا انتي دلوعه أبوتس انا دلوعه ابوي وامي واختي واخوي وعمتي وعمي وخالي وخالتي اقول لك اختصار انا دلوعه الشعب السعودي كلبوووه والسامع يقول امين <<تبطين عظم تصيرين دلوعه


3-لا يغرك اسماء الكشخه في البلوتوث مالها من اسمها نصيب والعكس صحيح


4- لايغرك الرقم المميز في البلوتوث تراه راس ماله رقم <<عندها نقص

قسم بالله اطلق رقم مر للحين علي رقم الحكومه(999) عندكم أعتراض

4- سؤال: وش اللي مر عليك من اسماء البلوثوث اللي خلتك تضحك وقلت لبعضها يامصلك مصلاهـ ..؟!

مر علي اسم طماطه خايسه كأن ودي ارسل لها وأقول تصيرين صديقتي حسيت راح تفهمني
ومر علي اسم مالت علي تراه نكي << علشان اللي يقراهـ كأنه بيقول لنفسه مالت عليه هو

ومر علي % داقه ديرمه% <<بعد نكي

5- ترى الموضوع خفيف لــ تغيير الأجواء شويه ولـ التنويع ..واتمناهــ يكون ..خفيف عليكم بدون كيسترول <<ادرى انها غلط اللي يعرفها يكتبها صح يصححها ماهوب فاضيه اتهجاها



















ايه قبل ما اطلع


عندكم اعتراض على اسم مفلوعهـ بقوطي ..فيه شيء .؟!