الـزكـرتيه - عرض مشاركة واحدة

**سلف خمسة** · 05-30-2005, 03:56 AM

*** الزكرتي ***

ياهلا وغلا

يافديت قلبك في ذمتي

شباب اعرفكم على البوي فرند حقي ( الزكرتي )

>> يضحك

اقول اسمحلي اسحب على الأسئله واغازلك شوي

^

بعض ماجادت به القريحه >> انطم

الزكرتي

تدري ليه استانس اذا ابطيت منك؟

علشان اذا قابلتك بعدها

اسلّم عليك خدود

يازين خدك زيناه

ودي امطقه ليل نهار

عليك خد مهب صاحي

ودي اقتبس خدّك واخذه معي للبيت >> وتروح بعدها للمخزن

مهما اكتب ماراح اوفيك حقك ياحياتي

يالله وخر شوي عاد خلني اجاوب

اقتباس:

بس ابيك تعطينا من بعض الموقف اللي كل ماتذكرتها مت من الضحك

ياااااااااااااااااااااااااااااااااااااااوك

ياعنكن المواقف واجد

انشهد اني قراااااااااااد وملقوف وملعون جدف من اول

ياولد كل يوم يمر موقف العن من الثاني

بس بقول لك موقف حصل يومني صغير في ثالث ابتدائي

يارجال فيه بيت جنبنا توّه عظم يعني لم يكتمل بنيانه

وتعرف كل بيت عظم لازم يجي جنبه طعس رمل

واسمنت وطابوق وخرابيط

المهم ابوي قبل يروح للدوام متحلّف فيني

يقول لاشوفك طالع برّا اجلس في البيت وراجع دروسك

يعنكنها تقهر كلمة ( راجع دروسك )

المهم قلت ابشر

راح للدوام

وطلعت اويق مع الباب اتأكد هو راح والا لا

المهم لقيت العيال كلهم يلعبون في الطعس ومسوين تحدي

منهو اللي يقدر يركب على جدار البيت وينقز على الطعس

>> تحدي جلم

المهم قالوا يالله ياسلف تعال العب معنا

قلت ياولد مافيني شده تعبان

انا بصراحه كنت خايف من النقزه من فوق

وبعد الحاح كبير من المبزره اللي معي

ركبت فوق الجدار وتجهّزت للقفز

واناظر وانا فوق الجدار الا سيارة ابوي راجعه للبيت

يااااااااااااااااااااااااااااااااااويل امها من قلب

من جد ماحسبت له حساب انه بيرجع

المهم العيال كلهم انحاشوا

وانا جلست فوق الجدار مدري وش اسوي

من الجلامه الزايده اني وقفت في محلي الين جاني ابوي

قال انزل يالــ ( كلمة ملعونة جدف )

قلت يبه تكفى يبه تكفى

قال اقول انزززززززززززل

قلت مقدر انزل مقدر ( صوت مبحوح وده يبكي )

قال انا اعرف انزلك .. وقام يسحب طرف السروال ويسحب رجلي

قلت خلاص خلاص بنزل بنزل

المهم انه قال خلاص انزل على كتوفي ( ياعيني على حنان الأب )

ونزلت على كتوفه الين استويت على الأرض

قسمن بالله ياجاني طق بالعقال

يااااااااااااااااااااااااااااوك

وسّم ظهري بالعقال لين بغيت اموت

والمضحك المبكي في الموضوع

انه يشوفني فاااااااااحط ويابس في مكاني

جا وحبّني على خدي وعطاني فلوس

واقط الفلوس قلت مابي فلوسك ولا ابي شي منك

قال انا داري انك متمرد من يومك ولاتطيع الكلام

ويرجع ويمسطني مسطه اخيره وهو يتحلطم

وراحت الفلوس

واكلت الضرب >> كأنه برنامج في الأل بي سي ؟

هه هه هه هه اضحكوا عاد

وهذا مويقف صغير حصل بعد

مره في القايله في عز الظهر

والشايب مقيّل

قلت ياولد خلني اسرق الموتر واخذ فره بحكم ان الشوارع فاضيه

المهم خذيت المفتاح وشغلت السياره

الا اخوي الصغير يقول بروح معك والا علمت ابوي عليك

قلت اركب يالجلمه

ركبت انا واياه واعشق الموتر وامشي

وتوني محرّك من عند

وتواجهني سيّارة البلديه عند بيتنا قريب

والف يسار وادعس بنزين بقوه ( يعني حرّيف وبتعدى البلديّه )

وادعم في البلديه دعمه قويه

ويرقع راس اخوي في القزازه

وينشق راسه وهات لك يالدمّاااااااااااااااااان تسيل

وبما اني اخاف من ابوي خوف ملعون خامس

نزلت من السياره ورحت لبيت خوالي ( الطّقيق )

وعمال البلديه هم اللي طقوا الباب وعلموا اهلي بالسالفه

انشهد اني ماطقيت لأخوي خبر

اهم شي انحاااااااااااااااااااااااااااااااااااااااش

وبعد قردنه ومحاولات رجعت لببيتنا

وطبعا من مبدأ ( السن بالسن والعين بالعين )

سدحني ابوي على الأرض >> ماعنده تفاهم

وقال تعال ياعبّود وهاك البياله وافقع راسه مثل ما فقع راسك

ويجي الرخمه

ويصكني بالبياله بس ماطلع دم

قال ابوي لااااا وانا ابوك لازم يطلع الدم

>> حسّيت اني وحيد ومالي احد في الدنيا

وتكررت محاولات عبّود بالبياله الين طلع الدم

وقال ابوي الحين خلااص تصافيتوا

يالله حبّ اخوك

ويجي يحبني مع خدي

وتنتهي السالفه

طبعا هذي انقى واصفى المواقف اللي مريت فيها

كل المواقف الباقيه فيها دنفسه وملعنة جدف

هاه استانست ياحياتي يالزكرتي

اعجبتك القصص ؟

انا ادري انت اي نوع تبي من المواقف

بس فيه اعضاء واجد ماراح تروق لهم >> مخربها من قلب

الزكرتي

ياطر جيبي في ذمتي

يالبى قلبك وقسمن عظمن يا حتّه من ألبي

تشرفت بتواجدك في الموضوع وبسؤالك الرايق

على فكره

ابيك تفتح لي حساب في الراجحي

الرياض تهاوشت معهم ياخي يرفعون الظغط من جد

ابي الراجحي والا السعودي البريطاني >> يتشرّط

ثانكيو زيزو >> خخخخخخخخخخخخخخ تذكرت ربيان زيزو

مع السلامة ,,

وني وني وني وني وني وني وني وني