اقتباس:
تموت ( هل ) وتولد بخاطري ( هـل )
وترجع تموت ـبحل ـمكسورة الهـاء
:
:
صيغة سـؤال وللأسـف مالهـا حـل
فرق الامل .. عن الألم .. غلطة امـلاء
|
اقتباس:
ماني من اللـي بالمواقيـف ، مهـزوز
حامض على بـوز الزمـان اهتـزازي
:
:
ماادور الفرصه ولا اتعب علـى الفـوز
كم فرصة ٍ راحـت تمنـى ، انتهـازي
:
|
اقتباس:
على روض الورق حامت عصافير .. ونبت نويـر
بعد ماجفت .. دموع الغمام .. / .. وجتني اخبـاره
:
سمعت اني على باله .. ويذكر عشرتي .. بالخيـر
وهو ماغاب عن بالي .. ولا قد هـان .. مقـداره
:
سرابي .. هاجس الذكرى ولا ني بحاجـة التذكيـر
لأني عايشٍ أصلاً .. بلاه .. / .. بروح .. تذكـاره
:
إذا .. هو يذكر .. ايام الغرام .. ويشتكـي للغيـر
فانا .. ماغير افكر به .. وصدري ، حافظ اسـراره
:
واذا هو صار بفراقي .. قصيده مابها .. تصويـر
فانا لازلت ، بفراقه .. لحن من دون .. / .. قيثاره
:
حزن ماهو حزن .. لكن حزين .. ومالهـا تفسيـر
غريب .. ولا غريب ..الا غريبٍ .. داخـل ديـاره
:
الى من قالوا .. شلونك .. أحمْد الله واقول بخيـر
مدامٍ .. صاحبي .. يذكر .. وأنا لا زلت .. باشعاره
|
اقتباس:
مسألة ( حسب اعتقادي ) في بدايـات المقـال
مسأله .. يحتاج ( فك اقواسها ) لشرحٍ طويـل
:
:
ربما ْ الكاتب .. يحاول يعطي لنفسـه .. مجـال
وربما .. كانت ( إشاره ) .. عن كلام ابلا دليل
:
:
وربما من غير قصد .. يجيبها ( ولدة حـلال )
وربما ـواللهُ أعلم ـتعتبر .. ( نفضة شليـل )
:
:
ربما .. أو ربما .. أو ربمـا .. / .. للاحتمـال
كل صيغة للتوقع .. في مهـب المستحيـل ..!!
:
:
بس أنا ( حسب اعتقادي ) أنها ليسـت محـال
إنما : تمهيد .. والا شيـئ مـن هـذا القبيـل
:
:
من يعرف ان البديهة .. من شروط .. الارتجال
يعرف ان الفرق واضح بين قال .. وبين قيـل
:
:
ومن يعرف ان الاجابه .. نصفها فهم السـؤال
مستحيل انه يقارن .. بالمربع .. مستطيل ..!!
:
:
ومن يعرف ان ( التقشف ) منهجية .. للجمـال
يعرف ان اجمل تواجد ، مـن تواجدهـم قليـل
:
:
ومن يعرف ان التواصل .. غير .. قطع الاتصال
يعرف ان كلمة ( وداعاً ) .. من إشارات الرحيل
:
:
هكذا يبدو ../ .. ويبدو هكذا ... كـان المقـال
واعتقد اصدق نهاية .. قول : مايخـدم بخيـل
|
اقتباس:
انـا وانتـي بهالدنـيـا تحملـنـا بعضـنـا كثـيـر
تعوّدتـي علـى عنـادي ، وصـرت آحـب هالغيـره
:
:
:
انا وانتـي حكايتنـا مثـل : صـدر السمـا والطيـر
كثيـر اللـي يطالعهـا ،، ولـحـدٍ طالـهـا غـيـره
:
:
:
انا وانتي حكايتنـا .. مثـل لعبـه ، وطفـل صغيـر
مـع انـه دوم يهملهـا رفـض يسمحبهـا لغـيـره
:
:
:
انا وانتي .. وشاوصفلك ؟ عجز عن وصفنـا تعبيـر!
مثل ! مدري ! مثل وشو ! ولكـن صعـب تصويـره
:
:
:
انا وانتي ـبلاش انتي ـأنا ـلـو بفقـدك شيصيـر
عليـم الله ـلـو ماانتـي ـفـلا طبيـت هالـديـره
:
:
:
أحبك ؟ ايـه أحبـك .. ذي بعـد يبغالهـا تفكيـر ؟؟؟
يخلـف الله علـى عقـلٍ ملكتـي كـل تفكيـره ...!!
|
:
قصائد روعة
فعلاً زي ماقلت ياريس الشاعر خلف المشعان
مظلوم اعلاميا لأن كثير من أبياته سبق ومرت علي وقريتها
لكن ماكنت اعرف الشاعر
تسلم ياريس ولاهنت على هالنقل