اغــــــــــــــــــــــــــــــلى عشيقــــــــــــــــــــه
السلام عليكم

مشاركة متواضعه من قلمي

اتمنى ان تحوز على استحسانكم








من بعدها ياعيوني ضاق في عيني الطريق= والعيون بدمعها اللي مارحمها به غريقه
صرت اضيع في البشر العدو من الصديق= وش بيبقى من حياته من فقد بسمة صديقه
كل درب كان واسع عقبها اصبح يضيق= والامل جافا ظنوني وانطفت لمعة بريقه
الخفوق من الضلوع احتطب واشعل حريق= الحقيقه عيشتي عقب الهنا صارت حريقه
الشقا داخل خفوقي غافي عيا لايفيق= من بعد فرقا حياته من بعد اغلى عشيقه
كنتي نبضي والنفس والزفير والشهيق= كنتي للعاشق ضيا يستضي به في طريقه
لاتعلم بسمتك عن جرح قلبي العميق= خوفي انها تنجلي بسمة الثغر الرقيقه
ارجعي لخلك اللي في بحر حبك غريق= وانقذيه من الشتات اللي ماعمره يطيقه
حسسيه بطعم احلى من طعم احلى رحيق= واذكري ايام عدت بينها عهود وثيقه
لولا وقتي اللي ظلمني والظروف اللي تعيق= كان ظلك ياحياتي ماافترق عني دقيقه
قلت لك يانور عيني ضاق بعيوني الطريق= الحقي من قبل يصبح عمى عيني حقيقه
الحقي كان قلبك باقي لقلبي عشيق= واعرفي ان لي خفوق مايتخلى عن رفيقه



وسلامتــــــــــــــــــــــــــــــــــــــــكم


تقبلوا خالص تحياتي

ابورايـــــــش

__________________