مساكم الله بالخار جميعا

مع الصباح المشرقي
في كل دلخن نلتقي

على رحاب المنتدى

شنوحكم انتو طيبين ؟؟

منتدى الزكرتيه يا لبى قلبه
اول مشاركه لي وبهستر فيها
اليوم قلت خلنا نشب ماطورهم صح
ونخش في عيونهم بذاك السواليف اللي تجيب العافيه للملاحيس


الزبده ملاحظة كبر جدار مدرستنا الابتدائية

يا ورع انت وياه اللي بيزعل من كلامي ولا بيقول اني اقصده يضف وجهه ولا يقرا لا يجيه الكيبورد على راسه

************************

طيب عشان ننسجم مع القصه وعشان ادخلكم الجو الشاعري

كان يا ما كان

ايام ما كنا نشرب الدخان
روثمان ونعاير على اللي يشربون مرت وكنت سهران <<< تشفيره ملعونة صفحه

كنت ذاك اليوم جالس في استراحتنا الواقعه على طريق ابو حدرية بعد المحطه يمين تلقى الفحص الدوري بتل سيدا لحد ما يجيك جدار وترقع فيه

8
8
8
تنبيه للي اندمجو وجابو ورقه عشان يسجلون العنوان ويداهمون استراحتنا


المهم
كنت جالس وحاط المتكى فوق بطني
وجالس احشش ورق سندويشات وفتات حطب <<< يسمع بالكمخه المجرم

المهم يوم حسيت انها مسكت معي

قلت يا ولد ليه انا هالحين يومني مبهذل نفسي وحالتي حاله
وكل ما جيت افتح منتدى الشرقيه يطلع لي اعلانات واقعد اتهاوش معها كني اكش ذبان من وجهي

ليه ليه يسوون كذا فينا
حرام عليهم

وانا اللي اكن زقارة الحشيشه وتنفلت صواميل راسي

ومسكت معي الا اني افضح شباب المنتديات وبناتهم


اليوم ماسكه علي تفضيح وعلى الصريح واللي بيزعل يطق راسه بدرام البلدية

<<< شكرن يا فتيات كلكم حلوات الا الجيكرات منكن لسن حلوت لانهن بالشدو البرتقالي يطلعون

كنهم هنود بلديات متلثمين هههههههههه

الزبده
اليوم
بشرح لكم بالتفصيل اصناف التماسيح والسحليات بالمنتديات <<< بتدى مفعول الحشيشه

ياخي الواحد طول عيشته بالمنتديات يشووف ناس

في منهم اللي يلوع كبدك
ودك تفتح فمه وتتفل فيه

والنوع الثاني حطه على الجرح يبرى

والنوع الثالث مهايطي
والنوع الالف كذا وكذا وكذا

وبعض البنات بالمثل
ودك اذا شفتها تجيب لك زبيرية مقاس 45 وتصقعها بجبهتها لانها مايصه والا ما عندها سالفه

عشان ما نحرق الموضوع
باتيكم بالتفصيل


**********************

التماسيح /

التمساح كائن مفترس يعيش في الانهار وعلى ضفاف المنتديات
يقوم باعمال تخريبيه كمطاردة فرائسه واكل اللحم الطري
خصوصا المؤخرات <<< كل تبن واسكت يا جليل الحيا

من خصائص هذا الكائن انه يابس البشره
ذو اعين حمراء وقد تكون بيضاء طبقا لانواع التماسيح

هواياته جمع الطوابع البريدية وتركيب مصاصات سانتوب << قاطعو المنتجات الدنماركية يا شباب

انواع التماسيح بالتفصيل والاختصار

التمساح العام / هذا النوع مجهول تحسه اذا دخل المنتدى ربط كرفته برقبته كنه تيس مربوط للذبح
ويجلس يجمع له مجلات ويدخل المواضيع اللي بالمنتدى
كل ما شاف موضوع راح دور عنه بمجله وقاملك يتفلسف وشد ويرفض ويبدي رايه

عفيه عليه عرف لنفسه لكن بعدين ؟؟

ما تعرف له هذا فعلن انسان شريب واجواءه متعدده يعني ساعه يعجبه سواقة المرأه << لان سربوت يبي يحقط
وساعه يرفض انخراط المرأه في المجالات العسكرية

يعني يا دلخ على قولت المثل طلقها وخذ اختها قال الله يلعنها ويلعن اختها

**********************************
التمساح الاسلامي /
هذا النوع من التماسيح لبى قلبه دايم لحاله
وتلقى عنده صورة بن لادن ولا صورة من صور شيوخ العراق <<< يمنع التوضيح ولكنا مسلمون

بس ميزت التمساح هذا انه هادي وبنفس الوقت قنبلة موقوته
تلقاه لاحد تعرض له
يدب ويدين ويكسر ابو من جاب المنتدى
ولا يهدي اعصابه

بس البلا اذا كان حاط صورة اية قرأنية وتلقاه في منتدى الصور يطالع هع هع هع

********************************
تمساح الصداقة والتعارف /
يا عمري على التماسيح اللي هناك
يذكروني دائما باللي في المطار الدولي

تلقاه ماسك لوحة صغيره كذا وكاتب عليها شاب وسيم ممكن اتعرف

<<< ياخي قلبه فندق فايف ستار تلقاه يرسل لـ50 عضوة باليوم يبي يتعرف
ههههههههههه

ومتعذب حاطن ايميله باللون الزهري وانواع الورود لبى قلبه

خلوه ياخذ راحته تمساح اليف بس يقهر


***************************

تمساح الخواطر /

كلن عاد كوووم وهذا النوع كوم ثاني

تلاقيه متعذب
وحاطن اسمه اسير الونات
عاشق الجروح
فقيد الحنان
لهب حب
ولا خصر نمله حنونه
ولا اباط فيل ناعم

وانت رايح
وهذا الله وكيلك
اذا جاك وشحن نفسه كلمات

تلقاه في منتدى الخواطر شغال
يجيك يكتب الخاطره ويحط فيها اشياء تجيب صداع الراس

كلام مدري منين يجيبه ذا الكذاب ولا تلقاه يحقط على المتواجدون يشوف مين اللي يقرى خاطرته
عشان يروح يرسل لها ويقول تراها مهداه لك
والمسكينه تصدق لانها سحيلة بقره ولا تفهم <<< هذا اللي بيلحس مخنا سحلية وبقره بنفس الوقت

المهم ما نبي نشطح هذا تمساح الخواطر خبيث انتبهو منه يا بنات ترى والله كذاب
تلقى نفس ذا الخاطره قص ولزق
في كل المنتديات
لين يطيح له وحده ثنتين من هالحلوووات لبى والله خراطيشهم يا ناس <<< الله يرحمك لو تقراها زوجتك

اللمهم حذاري حذاري يا بنات من هذا التمساح لانه مجنون في شي اسمه لحم هبر <<< يعني لحم صافي بناتي وردي اللون

مع اني ما وفيته حقه تمساح الخواطر الا ان اللي جاه يكفيه

******************************
تمساح الصرقعه /

يا ويل قلبي من الخبول
هنا في هذا النوع تجتمع انواع الخبول والهطوف والمجانين والسرابيتا
وبياعين الحبوب والمحشيشين
وراعين الصنف
وبنفس الوقت المغزلجيه العبيطين
يعني اووووه هذا مسوي عارف الكفت
وهو حتى لو تقوله لبى قلبك ما عرف وش يقوول

<<< ههه حلوة يا لبى قلبك على بطنك صح ؟؟

المهم هذا النوع ما عليك منه يا سحيلة خذي خربطته وعلومه واضحكي على صرقعته
تراه ونيس وحليل مهب يذي
بس
لا تندمجين معه وتحبينه
تراه ملعون
تلقاه حاطن ايميله تحت
وانتي ما تصدقين خبر
لانك خبله وهطفه ومنسمه ولا عندك سالفه بس شفتيه ضحكك
رحتي يا حبني لك فتحتي الايميل وسويتي له اضافه
شوي تبين تضحكين شوي يعلقك بيد ورجل
شوي ياخذ منك الشفه ويتلف بوجهك
ولو تفتحين ايميله شرط تلقين فيه 20 بنت كلهم يحبهم

8
8
8
اسئلي مجرب ولا تسئلين خبير قبل ما اتزوج عندي 16 بنت بالماسنجر اربعه احبهم والباقي اعطيهم جوهم
وثنتين منخم في وجيهم لانهم ما يفهمون وهطفات


8
8

لا يكثر بس

المهم نكمل فا انتبهي نصيحتي لك من تمساح الصرقعه عطيه جوه واضحكي بوجهه بس لا تقربينه لانه سم الهاري

**************************************

تمساح الصور /
<<< يا عمري يا منتداي
لا ابشرك هذا التمساح ما يدري وين الدنيا معه
بس تلقين عيونه
كابسه مثل كذا ومندمج مع الصور ويدور وحده تمدحه ولا واحد يرد عليه
فاضي وش وراه
انا حسب خبرتي ثلاث سنوات على اشراف هذا المنتدى اقول انه يستفيد كثير في الاعلان والنصب لانه يسجل اسم الموضوع مغري
عشان يجذب الزوار لموضوعه

*********************************************

فاصل اعلاني وراجعين

*********************************************

عزيزتي السحلية اربطي حبل في حلق زوجك عشان ما ينحاش لوحده غيرك
7
7
7


ماحد مغربلنا الا ذا الاشكال هذا صورة لحقين منتدى الصداقة
7
7
7


يا مذوبني يا مقطعني يا اللي مو مخليني انووووم



شخصيات في التاريخ





************************************
عدنـــــــــــــــــا << اخص يا سبيس تون

تمساح الرياضة والسيارات /

هذا التمساح شايف بنفسه ومغتر بفريقه وهو لو تجيبه لحارتنا شرط يرقعونهم حارتنا 10 صفر
اجل النصر بالذمه هذا نادي

جايبينهم من شوارع السنيغال ولا من تكارنه مكه وقالوا لهم العبوا

ولا يجيك الهلال اللي كله خكارية سامي القابر من صنعاء
ولا ابو سهم ذاك اللي مدوخ السحليات كل وحده اذا شافته طاح سعبولها
وهي حريمتها هندي بوفيتنا ويخب عليكم يا بنات

( ياثر القحطاني )

ولا تمساح السيارات كلن بكوم وهو بكوووم
مبهذل نفسه مع ذا السياره ومغسله وما ظل ملمع ما حطه بكفراتها وما ضل معجون ما حطه بوجه السياره كل ذا عشان تطلع سبورت
ويخقون عليه الاطفال الصغار

واذا شغلها بس يشغلها كل ظهر في ايام الدارسة ويفرفر فيها عند المتوسطه عشان يخققون معه المبزره
8
8
تفكير فسو فسو على اصحاب المواتر

لكن كش عليهم
سحلياتي العزيزات هذا النوع من التماسيح شبه اليف لكنه يخورها بعض الاحيان فا لا تلقينه وجه

****************************
تمساح التصاميم والكمبيوتر /
يا عمري يا حياتي على هذا النوع من التماسيح
لانه ماخذ بنفسه مقلب
وانه يزعم مبرمج كمبيوتر وهو والله من جنبها لو تقوله تعرف تسوي الغاء تجزءه لكمبيوترك قال هاه انا ما اعرف الا فورمات

ولا قطعت برنامجين هاكن عليه راعي المحل قاله هذي هكرز
وبالنهاية العاب اطفال نزلها لي بالمنتدى
ولا العجيب
ان البنات قليلات الخاتمه

تلاقيهم عبدت التماسيح الكمبيوترية
يعني انا ارثى لتمساح الكمبيوتر صدق ان الفريسه تجيه سهله
لكنه ينغث من هطافة البنات

يعني تنشب له البنت كيف اسوي كذا وكيف كذا وكيف كذا
والمسئله بسيطه
كلها مسح كوكيز
ولا تنظيف قرص عشان يسرع الجهاز ولا ولا

لكن الله يعينه يستاهل الفلته

اما تمساح التصاميم

هذا والله اللي لاقيها
انصحكم يا تماسيح الاقسام الاخرى خلو هذا التمساح قدوتكم في تحصيل مرادكم

لانه تمساح هادي ويعرف يلتقط فريسته ويجيبها من راسها
وهي راضية

هذا النوع اعلمكم وش قصته

تجيه البنت ترد على تصميمه
ويعجبها التصميم

تجي بكل ادب تطلب منه توقيع وتقوله الكذابه انها والله ما عندها ولا توقيع
وهي الملعونه عندها 600 توقيع كل ما عجبها تصميم واحد قالت ابي توقيع

وهو المسكين وش يسووي
يندمج ويصمم لها توقيع
على امل انه بتعطيه بوسه ولا بتجيه ماسنجر
بعض البنات ايه
والله انها تذوب في زغاديد من ينفعها

فا تلقاها تحته وكل شوي يسوي لها تصميم << اصول الاغراء عشان يكمش عليها

وهي خلاص تتطور عندها العلاقة الى حبيبها

عاد انتبهو يا تماسيح
خلهو قدوتكم واعرفو تصممون عشان يحبونكم البنات



*************************

الطامة الكبرى /

تماسيح المناصب العملاقة

التمساح المشرف العام لبعض المنتديات ونوابه من بعده /

هذا النوع من التماسيح يستخدم نفوذه
فكل من بالمنتدى يهابه
ويريد ان يتطقس عن احواله
فا تلقى البنت مسكينه
مفجوعه
المشرف العام يرسلي خاص
وهو يقول لها
ابيك بموضوع مهب هذا ايميلي

المسكينه من الرهبه
تلقاها تتخزبق وبدال ما تفتح ماسنجر الهوت ميل تفتح حق الياهو هههههههههه

كل ذا فجاعة ان المشرف العام يبغاها بشي ضروري
ولو تشوفون المشرف العام

شكثره وجهه مليان نفط

وسيارته ددسن بودي وعليه هنقلين حق البقر بس الحظ مجاوب معه دائما

المهم البنت الغبيه اذا اضافته يبدى يرحب فيها ويقول انا بخليك مشرفه ايش قلتي

يا بعد ذا الكلمه البنت تخزبق
ويجيها انزله معوية في راسها واسهال مزمن في تفكيرها

وتطريش في بطنها من هول الموقف
اللي يسمعها يقول هذي بيخطبها وهي كلها اشراف
تلقين قبلك 10 بس عانهم عرفو حقيته وانه يبي يطيحهم وياخذ ارقامهم اسحبو عليه وبصقو في وجهه
جاك انتي يا المسكينه

خلونا من الشرح على السحلية
الشرح على التمساح الشرير هذا

هذا يحب الاصطياد في الماء العكر

ويحب يكون مهيمن على مشرفات المنتدى
وبذات المشرفات الرئيسيات
وتلقى مثلا مشرفه معينه ما تكلم احد وقاطعه الرسائل الخاصة
كله عشان المشرف العوود مانعها

قال ايش يحبها وهو كل المشرفات من حوليها يحبهم معها
تعرفووون بقاله ذا المشرف ههههههههههههههههه


المهم خلصنا من المنتديات
باقي انواع متفرقه

***********************************
الاعضاء الممزوجين
وهم يرفعون الضغط

العضو الناشب / هذا العضو منسم ولا عنده سالفه وشكله توه يتعلم على المنتديات

مشكلته تقوله يا دبشه يا ثور الموضوع مو صور الموضوع مقال عام حطه بالعام مو بالصور
تتفاجىء تلقاه منزله بكل المنتديات حتى الشكاوي بعد تلقاه منزل فيها ولو يطول منتدى المشرفين كان حط فيه نسخه من الموضوع
ههههههههههههههههه

ولا بعد اذا حذفت له موضوع غبي مثل وجهه يجيك وينشب ويقول ليه تنقل موضوعي
وينزل موضوع بالشكاوي فلان سبني وحذف موضوعي وهو بس كاتب مكرر


العضو الفلته / هذا العضو شقردي وبنفس الوقت راعي حميه
ويغار على سحليات المنتدى بس ما عليه ماخذ نصيبه منهم وتلقاه حاط حرف حبيبته في توقيعه اخلاصا لها
ما يدري انه مسكين وحبيبته حاطه بقلبها 16 حرف لمجموعة احبابها هههههههههههه
لكن يبقى على نياته ويعرف السنع


العضو المارج / هذا العضو
فاشل جزئيا ما عنده سالفه مواضيعه بارده وتلقاه ساعه بمنتدى المال والاعمال وساعة في متدى الصرقعه
جوه مثل وجهه اجل احد يفطر مندي من الصباح ؟؟ هذا العضو المارج

العضو اللي يحب يتميلح / عاد هذا العضو

ودك تصفقه على وجهه بقندرة زبال هههههههه
تلقاه يتميلح بالردود
اول ما ترد عليه بنت تقوله موضوعك حلو
يقول عيونك الحلوين
ومسوي عنتر زمانه وطقعه ونص
وحاط صورته بالتوقيع وانه راعي نباله
وهو لو تطلون على حاله فقران حتى دخانه طاره من الهنود بالطريق
والسياره كرسيدا 88 مختربه القزازه هههههههههههه يعني اذا شخص الكوبرا
تطير الغتره كنها طياره شراعية

العضو الصتيمه /

يا حضي عليه هذا معسكر في منتدى الالعاب
بس همه يرفع مشاركاته
وولله العظيم انه عضو فاشل عاهه على المنتدى
سمعتو في افلونزا الطيور ؟؟

هذا افلونزا المنتديات

بس زيادة عدد وتشوف اسمه تحته مكتوب من كبار الاعضاء
وهو مشاركة وحده لها فايده ما يشاركها

يعني شوري على مشرف المنتدى يختصرها له ويحط عدد مشاركاته 9999999999999999999999999999999999

عشان يبرد السرو اللي في حجيته ويبطل مشاركات فاشله
ولا بعد انواع المغازل في ذاك المنتدى
والله لو تاصل للترقيم ماحد درى من المشرفين الكبار خخخخخخخخخ

يا حبي لهم حقين الالعاب صافي الجو لهم بس الزبده
كش عليهم فاشلين
ولا حد يزعل يا شباب ههههههههههههههه

هذا الجزء الاول وانتهى الكلام على التماسيح

واعذروني يا شباب

ترى ما اقصد احد بعينه بالكلام

الكلام عام
واللي بيزعل يصفق راسه بأقوى جدار

ملاحظة ابراء للذمه

انا ما اقصد احد بعينه


انتهت حلقتنا عن التماسيح
باقي السحليات
في وقت لاحق

يالله ضفو وجيهكم ومع السلامة