الـزكـرتيه - عرض مشاركة واحدة - شــــات الزكرت...بصريح العباره " هنيا نودردش "

**عميد الزكرتية** · 05-11-2008, 02:26 PM

:: الزكام يقتلني ::

السلام عليكم

بعيداً عن الزكمة وسرسوب ماها

وقريباً من الطائرة وسواياها

انا أعرف ناس واجد

غير ماشي الحال يخافون من الطيّارة

وأولهم انا

بس هذا مايمنع ركوبي الطايرة

مع قليلن من الوعي وكثيراً من يبست الريق

لأنني مؤمن بالقدر خيرة وشرة

ويقول المثل الحذر مايرد القدر

أجل شلون لو تركبون طيّارة (سي فورتين) أم مراوح

تصدقون أن مافيها كراسي

الركاب يجلسون على شبك واسلاكها تدلدل من فوق

وقدام عيون الركاب كراتين زيوت بترومين عليها صورة طيارة

يعني ايها المسافر الكريم

لاتستبعد ان زيت الطيارة ينقص في اي لحظة وينزل الطيار يعاير الزيت في الخلا

:: الزكام يقتلني ::

بعيداً عن الزكمة ومخاطيني

أهدي سلامي للزكرتييني

أسعدتم صباحاً جميعاً

:: الزكام يقتلني ::

بعيداً عن الزكمة وسكورنيد

ودي أبدأ من جديد

في أحدى العصور الثابرة أي في القريبة وليست الغابرة

كان هنالك فتاة تدعى تريترا

تعيش في الاحساء وتعشق الموضة وتلبس كل ماهو جديد

وهذه الفتاة التي تتحدر من أصول تنزانيه من جزيرة زنجبار

فتاة يتيمة فقدت والدها اثناء الحرب الاهلية الدامية

التي حصلت بين تنجانيقا وجزيرة زنجبار قبل أن تتحد الجمهوريتين

وتصبح جمهورية واحدة المعروفة الآن بأسم تنزانيا

وقد أتت هذه الفتاة إلى السعودية بعد وفاة والدها

لتعمل ممرضة في مستوصف داهم

وكما هو الحال دائماً كانت هي اكبر اخوانها وهي التي تعولهم

وراتبها التي تتقاضاه من مستوصف داهم لايلبي احتياجاتها اليومية

خصوصاً بعد ارتفاع الاسعار الطفيف الحاصل في البلاد

فكيف ستعول اهلها في تنزانيا ؟.؟

وماذا ستقول لوالدتها التي تنتظر راتبها كل شهر

وهل ستترك الموضة ولبس كل ماهو جديد ؟.؟

مستحيل !.!

ماذا ستفعل هذه الفتاة مع مثل هذه الظروف ؟.؟

أخذ يتردد في ذهنها الكثير من الافكار المخزية والغير مخزية

وبعد صراعن طويل بينها وبين نفسها الشريرة

عقدت العزم على أن تكسب رزقها بطرق غير شرعية

لتلبي احتياجاتها واحتياجات اهلها

فاخذت تسرق الشاش والقطن والآيدين والمسحات الطبية

من غرفة الطواري بالمستوصف

وتبيعها على عجز الرقيقة بنصف السعر

وبعدما ذاع صيتها في الرقيقة

ووصل الخبر الى كل ربّات البيوت زاد الأقبال على مبيعاتها السريّة

وفي يوماً من الايام جاني ابوسعد العصرية وقال لي : تخاويني

قلت له وين ؟.؟ قال أمي تبي أغراض من تريترا

وبعد مانشتري الاغراض نروح نتقهوى في دهليز

قلت له : وش هي تريترا هذي ؟.؟ << كنت احسبها محل مثل اكسترا

قال : وش دخلك !.! هذا اللي باقي تسأل عن الحريم

انا طاح وجهي وقلت في نفسي أكيد انها وحدة من جماعتهم تبيع حنّا وسدر وشغلات مثل هذي

رحنا الين جينا عند بيت قديم ووقف ابوسعد جنب الدريشة

وقام يدق بواري

انا اطالع في الدريشة بنص عين وهو يدق بواري

وأخذنا شوي وانفتحت الدريشة

وطلعت لنا ذيك البنت المزيونة

وقالت : نعم قال ابوسعد : انا ابوسعد وامي تسلم عليتس وعطاها فلوس

قامت البنت واخذت الفلوس وعطتة كيس كبير

اخذ ابوسعد الكيس وانطله على السيت اللي ورى

قمت اطالع في الكيس وقال لي : ياخي استح وش تطالع فيه !.!

استغربت من تصرفات ابوسعد ودهشت من جمال البنت

وقمت اقول في نفسي وش السالفة ؟.؟

المهم مشينا متجّهين لدهليز وفي نص الطريق قلت له ودني للبيت

قال : ليه ؟.؟ قلت : عندي شغل ضروري لازم اخلّصه قبل المغرب

قال : بكيفك ؟.؟ وحنا رايحين لبيتنا ودّي اسأله وش السالفه

بس قلت الصبر زين وكل مطرود ملحوق

يوم نزلني في البيت على طول شغلت سيارتي ورحت لبيت تريترا ووقفت عند الدريشة

ودقيت بوري أخذت شوي وافتحت الدريشة وقالت : نعم

مديت خمس مية وقلت : انا ابوعمد وامي تسلم عليتس

قالت بأستغراب : ابوعمد ؟.؟ ما اعرفك

قلت بلغة رجاء : أمي تسلم عليتس !.! قالت : ومن هي امك ؟.؟

قلت : ام ابوعمد قالت : انا زبايني واجد واسمح لي ماعرفتك ولا عرفت امك

ثم استطردت تريترا قائلة : طيب وش طلبات أمك ؟.؟ قلت : يمكن كيلو حنّا

قالت : انت غلطان يابوعمد شكلك مضيّع بين بيتي وبيت ام زينب السودانية

قلت : لاااااااا ، ماني مضيع أمي قالت تريترا ماقالت ام زينب

قالت : أجل انت اللي مضيّع في طلبات امك انا ابيع مستلزمات طبيّه فقط

قلت : مثل ايش ؟.؟ قالت : شاش قطن مسحات طبيه آيدين

قلت : الله يلعن الطفاس يابوسعد قالت : ويش ؟.؟

قلت : ايه تذكرت امي تبي كرتون مسحات طبية

عطتني الكرتون وقالت ماعندك صرف قلت : كم تبين ؟.؟ قالت : عطني عشرة

عطيتها عشرة وأخذت الاغراض ومشيت وانا في الطريق قعدت اطالع في الكرتون

واقول في نفسي وش سالفة ذا البنت ؟.؟

وأنا واقف عند الاشارة عقدت العزم على مراقبتها

وبعد ايام من المراقبة عرفت عنها كل كبيرة وصغيرة

ويوم دريت انها مداومة رحت مستوصف داهم اتميرض

ومن حسن حظي انها هي اللي جت تاخذ مقياس حرارتي وضغطي

يوم قالت افتح فمك علشان تحط لي حق الحرارة

تفشلت لأني توني متغدي ومانظفت سنوني واكيد فيه لحمة ناشبة منا والا منا

وقلت لو سمحتي مافيه مقياس تحت الابط << ابي ازعط عليها لأني توني محلق دغادغي

قالت : لا مافيه الا بالفم افتح فمك ثم قالت انا قد شفتك بس مدري وين ؟.؟

قلت : تريترا !.! قالت : لبيه

قلت : اذا ماعلمتيني ليش تسرقين المستوصف بعلم صاحب المستوصف عن سوالفك

مشهد درامي وفاصل من البكاء

والشك زايل والغمارة وسيعه

وبعد البكاء علمتني تريترا بكل شي

ورحمتها وساعدتها لتجتاز مشاكلها وكنت الاب الروحي لها

ومرآتها للاخلاق الحميدة

وفي يوم من الايام كلمتني وقالت انا بروح تنزانيا ويمكن ماعاد ارجع

واشكرك علشانك انتشلتني من براثن الفسق

وحذرتني من التعدي على حقوق الغير

فمان الله ياصديقي الصدوق

قلت متى رحلتك قالت غداً من مطار الاحساء

قلت على الرياض قالت نعم ومن الرياض ترانزيت على تنزانيا

طبعاً مافيه امل اسألها متى تطير الطيارة لأن مافيه الا رحلة وحدة في الاسبوع

والشعب الاحسائي كله يعرف متى تطير

المهم قبل ماتطير الطيارة رحت للسوق اشتري لها هديّه

وشريت عباية كريب مطعمة ببعض التركيبات اليدوية والخرز

ثم جيتها في المطار وعطيتها العباية

وأنا اودعها شفت لوحة بيــش معلقة على الجدار

قشعتها وقلت هذي هدية بيت الزكرتية

طلعت من المطار وانا يتردد في اذني صوت اغنية ((مع السلامة باي باي ))

طلعت وانا حزين وركبت سيارتي

وانا في الطريق وقبل ما اصل كبري المطار

شغلت اغنية عبدالله بالخير جانا من زنجبار

وأنا اتمتع بالاغنية قطع علي جوها رنة الجوال واطالع

الا هذا اتصال من ابوسعد يوم رديت وهو يقوووول : وووينك

قلت له

يا أهل الخلطات

من الشباب والبنات

هل لديكم وصفات . . تعالج الالتهابات

فالزكام أوشك يقتلني