الألف :ابي فلوس بروح معزومة على شاي ضحى

الباء :بكرا أبيك تودين لبيت أهلي عندهم عزيمة

التاء :ترى اليوم أنا ما مسويه عشاء روح للمطعم جيب عشاء

الثاء :ثلاث أسابيع ما طلعنا للملاهي بالله ودنا اليوم

الجيم :جيب خدامه تساعدني بشغل البيت.........(والبيت نص شقة) قهر

الحاء :حبيبي..ودي بساعة شوبا رد ,مليت من ساعتي الاوميغا(شوفوا النفاق..توها تذكرت هالا سم)
الخاء :خل الشلة اليوم..أنا عازمتك نتعشى بره, بس على حسابك

الدال :دور لنا فله على 3 شوارع وفيها سرداب (الراتب 2500 ريال من وين ياحسرة)
الذال :ذي السنة (قبل 10 سنوات) قلت لك اشتر لنا سيارة فان أوسع وما شريت

الراء :روح قدم على أجازة خلنا نسافر لأوروبا ,,ووف حر
الراء :زيد مصروف البيت هذا ما يكفي أغراض البيت (ومعظم البيزات عليها وعلى خرابي طها)
السين :سجاد البيت صار قديم ....غيره يا اخي (السجاد ما كمل له سنتين)
الشين :نشيل ولدك شفه يصيح هناك,أنا تعبت من العيال..

الصاد :صفف الملابس هناك منثرة,مليت وانا القط وراك
الضاد :ضبط اوضاعك..ترى كبرت المسؤولية..(توها والدة)

الطاء :طالع السيارة سكراب تفشل قديمة, نبي شبح
الظاء : الظاهر انك ما تحبنى..ليش ما شريت لى العقد الالماس اللى بغيته!(حب بالالماس بس)

العين :عيوني..اليوم شفت نفنوف عند زوجة اخوي يجنن...خاطري بواحد مثله
الغين :غير يا اخي اسلوبك معاي...كله برود..حسسني بحبك شوي

الفاء :فديتك حبيبي وين تبينا نسافر هالصيف؟
القاف :قدر يا اخي شوي...كل شغل البيت على راسي...تكرم وساعدني شوي

الكاف :كفاية ملينا من هالبيت متى راح تسوى لنا بيت اكبر من هذا

اللام :ليمتى بنتم محبوسني في هالبيت لا نطلع مثل الخلق ولا غيره
الميم :متى بتوديني لبنان مثل ما وعدتني قبل؟؟؟؟

النون :نبى نحجز شاليه شرم الشيخ طول الصيف ..لا تنسى!

الهاء :ها عاد..ترى اروح بيت اهلى! اذا مو قد الزواج وتكاليفه ليش تخطبنى؟؟
الواو :ورني شطارتك رح عند اخوك خذ منه الورث( راعية مشاكل)

الياء :يالله ايدك على 2000 ريال رضاوة..لانك زعلتني وكسرت خاطري