سلامو عليكو
تسمعون قرابيع المطبخ خخخخخخ
يقولون كلما تعالت اصوات القربعه كلما دل على السناعه اكثر
والافضل تكسير المواعين باستمرا عشان يكون فيه سبب وجيه لتغييرها بين فتره وفتره
<<في ذمة ام صديقتي
..
ماعلينا
جايبه لكم كم حلا اتمنى من ينبوع قلبي يعجبكم
بس كالعاده بدون صور لاني فاشله فيها << الاعتراف بالحق فضيله 
1/ حـــلاي الجديد
المقادير:
( أ )
كاس جوز هند.
علبة حليب نستله.
2ملعقه كبيره كاكاوا بودرة.
1ملعقه كبيرة نسكافية.
اصبع زبدة.
باكيت بسكوت شاهي.
( ب )
ملعقة زبدة.
علبة قشطه.
كاس سكر.
الطريقه:
تخلط المقادير (أ) مع بعض والبسكوت يكسر , ترص الخليط هذا في صينيه ويعمل من مقادير (ب) توفي بوضع السكر والزبده في قدر على نار هاديه لين يذوب وبعدين القشطه بالتدريج.
2/ حـــلا الجوزا
المقادير:
بسكوت جوزا <<زي بسكوت الشاهي بس اصغر واسمه تسذا
علبة قشطه.
بيالة حليب سائل.
ظرف كريم كراميل.
علبة حليب نستله.
6حبات جبن كيري.
الطريقة:
نصف طبقتين من البسكوت, بعدين على النار القشطه والحليب والكريمه الى ان تغلي ونصبها فوق البسكوت ننتظر خمس دقايق الى ان يتماسك الخليط ونصف طبقة بسكوت ونصب فوقها النستله والجبن بعدما نخلطهم بالخلاط , ونزين الوجه بشوكلاته هيرشي او الي تحبينه
وندخله الفرن اول شي من تحت بعدين من فوق.
3/ كنافة ندى
المقادير:
كيس خبز صامولي مفروم.
اصبعين زبده.
علبة قشطه.
كاس مويه.
3 ملاعق نشا.
فنجان سكر.
الطريقه:
يفرك الخبز بالزبده وناخذ نصف الكميه وترصها زييين في الصينه.
نحط كاس مويه في قدر عليه النشا ونحطه ع النار الى ان يثقل بعدين نضيف السكر والقشطه ونحط الخليط على الصينيه
ننتظر شوي الين يبرد ونرص الكميه الباقيه من الخبز زين
وندخله الفرن من تحت بعدين من فوق.
واذا زانت نشربها بالشيره.
متفرقات >> على طاري المبوبه
* لاتستخدمين الحلبه لوجهك اياً كان السبب لانها تخرب البشره واسألوني
* زيت جنين القمح يعطي الوجه نظاره ويخفف السواد تحت العين.
* ماسك صانسيلك ممتاز للشعر التالف وهو مثل البلسم.
* كريم صانسيلك بعد لمنع تجعيد الشعر وألتفافه رائع للشعر اللي وسط مو خشن ولا ناعم خصوصا في الدوام صعب كل ترتبين شعرك وتستشورينه يعطي شكل الشعر الطبيعي بس بأنعم وارتب.
* خامسا واخيرا وهذا المهم اللي عندها علم عن شي يسمن الوجه لاتبخل علي
والى اللقاء في الحلقه القادمه