كسوف الشمس ... وخسوف القمر .. والموعد الفايت=جفاف الأرض.. ودمـوع اليتامـى وديـرة الغُربـه
حنين الجوع لفتات الخبـز .... ولِ/ أكلـه البايـت=صقيع البرد مع ذاك الرصيـف اللـي سكـن غَربَـه
هـذاك الخافـق اللـي دون وصلـك تايـه وهايـت=ضلوعه مالها حيلـة عليـه وهجـرك آضـرر بـه
مثل ركلـة جـزاء مرمـى وأتقـن رميهـا الشايـت=هذيك جروحك اللي في وسط صـدري سبـب كُربـه
تغـذت مـن معاليقـي ودمـي صـايـر الـوايـت=متى ماهي ضمت / أدمت لي جرح ٍ وأستقـت شِربـه
غيابك / صوت هجرانك / صـداه بجوفـي متمايـت=إلى منهم طـروا إسمـك حيـا والحـزن يعقِـر بـه
مثـل سـاق ٍ مشـت درب ٍ وهـو لأقدامهـا لايـت=أو إنـه مثـل طيـر ٍ منكسـر ثـم هملّـه سـربـه
عجز في نفسـه وفرحـه يلّقـب (فرحـة الخايـت)=مثل فرحي عجز بعـدك يـلا قـي شـيء يثّـر بـه
بعد كل هالوصـوف الموجعـه اللـي ذكرهـا كايـت=على حزن وألـم .. ضيقـة فـراق وبعثـرة تربـه
مـاودك تجمـع أشلائـي وتحيـي الموعـد الفايـت=ترى بعض العـوض ينفـع لواحـد راغبـك قربـه