بسم الله الرحمن الرحيم
السلام عليكم ورحمة الله وبركاتة
حبايب قلبي الزكرت
كيفكم .... إن شاء الله أموركم تماااام
عساكم فقدتوني>>>>>
تتساءلون من المقصود؟
وليه اختيار العنوان بالذات؟
والله لجازي راعي الصد بالصد!!
ولاهي مجرد أغنية تتردد على ألستنا وبس
حبيت أطرح بين ايدينكم فكرة
نشوفها ونعيشها في مجتمعنا
وعجزت ألقى لها تفسير
وعليكم التوضيح؟؟
الأطروحة >>> احس إني مثقفة >>>
الإنسان المعرض الصاد المقفي>>> مراعاة اختلاف اللهجات
بمعنى اللي ما يتنازل ورافع خشمه
كل الناس تتمنى قربه وتبحث عن رضاه
مثيرلفضول واهتمام من حوله؟؟
والقريب الحبوب المتواضع المضحي
الي يبدي غيره على نفسه >>> منتهى الهطافه
شخص غير مثير لاهتمامنا
ومحد يعطيه وجه رغم تضحياته
أدلة وشواهد
طبعا هالأمثلة نماذج ولاتنطبق على الكل>>> عشان محد يلقى علي درب
في المدرسة ..المعلمة الشديدة الي ماتعطي أحد وجه
الكل يحبها طالباتها وزميلاتها
مع انها تصدهم!!!
الأب القاسي صاحب الشخصية القوية
يحبه الأبناء أكثر من الأم الحنونه المضحية
وقفة أدق؟؟
في الحياة الزوجية الزوج مثلا يحب الزوجة القوية ذات الشخصية الغامضة
قولوا لييييه؟
أقولكم لأنها متى ما كانت واضحة في مشاعرها
تبين ضعفها لأن (الحب حالة ضعف من وجهة نظري)<<<انطمي
خلاااااص هينا الزوج حط يدينه ورجلينه في ماااءبارد
لأنها ضمنها واضحه وتحبه بالتالي يسوي الي يبي ماراح تزعل
في المقابل
الزوجه الغامضة
لأنها مافهمها يظل دايما في حيرة وترقب
يتمنى رضاها
ويبي يتأكد من مشاعرها
طبعا السائد في مجتمعنا
الصنف الأول من الزوجات >>>إلى متى الدلاخة ياحررررريم؟
الواضحة الضعيفة بيجي يوم وتنشات بحثا عن القوية <<< عزي للحريم بس
!!
بس لو عكسنا المثال
أيهم أحب للمرأة الرجل الغامض في مشاعره
أم الواضح الصريح؟
بعد أجاوبكم
طبعا العهدة على من قالي من المتزوجين
وارجع اقول لكل قاعدة شواذ
وهذا الكلام ليس ثابت على الكل ؟؟
تقول لي وحده متزوجه
زوجه دابل كبدها وناشب بحلقها
مايعيش بدونها وحتى عند اهلها زيارة ساعة وساعتين
ويزعجها بالاتصالات
ما يقدر على بعدها
المفروض تفرح عشان يحبها
الحقيقة العكس
تقول لزقه ؟؟؟
وتسحب عليها ولارتد على مكالماته الا بعد خمس اوست اتصالات
وتنهي المكالمه بسرعه
غرررررررررررررررررررررررريبة
حريم ماينعطن وجه خخخخخخخ
!!!
وحدة غيرها العكس تماما
الزوج الغامض محط اهتمامها
تقول مرة يقرب ومرة يبعد
اتمنى افهمه
وخلاني اركض وراه غصب عني
ابحث عن رضاه
عشان اقدر ادري وش داخله
مدري يحبني ولا لااااا؟؟
أغررررررررررررررررررررررررب
رأي
بالنسبه لي بعد هذا الكلام كله
الإنسان الصاد المعرض
ما اتحسف عليه مهما كان
.... رئيس
صديق........
............ قريب
هذا طبع في نفسي>>> ابو الكبرياء
ومن هنا رددت الجملة
والله لجازي راعي الصد بالصد
تساؤل؟؟
طيب إذا كانت كيذا الحياة وين الصح؟
نصير غامضين ولا واضحين <<< يلعن ام المخ في سووسه؟؟
من يقدر يتحكم ف شخصيته هذا شي من الله <<< غبااااااااء
مانقدر نغيره لو نحب السمااء
ولو حاولنا نكون غامضين بنعيش حالة عزلة
والإنسان اجتماعي بطبعه
وفي الوضوح احتمال نقع في حالة اعراض وصد من الطرف الآخر
حل مؤقت لحد ماتردون
ممكن نعيش على سجيتنا وطبعنا
وبدون تكلف
وهذا حل مريح نفسيا نكسب به انفسنا
من غير لا نضمن ان نكسب الطرف الآخر
اكتشااااااف
الإنسان الناجح..... هوالقادر على التكيف
مع نفسه ومع من حوله
خاتمه
اتمنى أشوف ردود تبرد قلبي
وتدعم قلمي واناملي الفوشيه
الي تكشرت و انا اكتب الموزوع
هذا أولى كتاباتي
اتمنى دعمكم لأولى خطواتي
والا ترى قصم لأقاطعكم
ولعاد تشوفون ابداعي
واذا تبون الجد
الموضوع قاهرني ودي اسع آرائكم
والله من وراء القصد
ودمتم