لازانيا بالجبن >> جديد سحوووبه
مساااااااءكم سنع ،، و طبخ و لازانيا
من جديد ،،، سحابة السنعه >> الله من كثرها 
تدخل المطبخ و تقعد تبربس عليكم ،، ويالله العوض عليك 
جبت لكم اليوم لازانيا بالجبن ،،
ما راح ابدأ بالمقادير ،، بدخل في الطريقة و انتوا اكتشفوا المقادير 
علبة لازانيا >> انا افضل هالنوع من المكرونه ،، لانه لذيذ جدا ،،
نسلق المكرونة مع شوية زيت و ملح ،، بس اسلقي المكرونة في قدر كبير ،، عشان ما تتكسر معاك
و هي على النار ،، نجهز كمية من الدجاج او اللحم المفروم حسب رغبتك ،،
بصل و ثوم و دجاج او لحم مفروم بالصلصه الحمراء ،، ممكن تضيفين عليها اي نوع خضار خضراء ( بقدونس ، كزبره ، شبت )
و نحضر كمية من صلصة الباشميل
مقادير الباشميل :
كاس حليب بودره
كاسين ماء
3 ملاعق دقيق ابيض
ملح
نجهز كمية كبيرة من جبنه الشيدر المبشورة ، جبنه الموزريلا ، إذا بغيتي تضيفين جبنة بارميزان ،،
ناخذ صينيه بايركس كبيره ،، نص في قاع الصينيه و نرص شرايط اللزانيا طبقة وحده فوق الباشميل
نحط فوقها طبقة اللحم المفروم او الدجاج و فوقها طبقه من الجبن ( من النوعين )
و نغطيها باللزانيا مره ثانيه ونعيد نفس الترتيب اللحم او الدجاج و الجبن و نغطيها باللزاانيا
و فوق الوجه نغطيها بالجبن
بالنسبة لي احط جبن كثير ،، لانك إذا دخلتي الصينيه الفرن و ساحت الجبنه ،، تعطي طعم خيااالي
الصورة النهايئة للطبق
لا يوجد ،، لانها مجرد ما طلعت من الفرن تم افتراسهاا افتراسا شنيعا ،، و نسيت انه المفروض نصورها
و بالهناء و العافية
__________________
.
.
.
.
.
.
التعديل الأخير تم بواسطة : سحابة حب بتاريخ 11-11-2007 الساعة 11:30 AM.
|