مدخل..

تخيّل لو تماهى (الضيْ) مع (العتمة)
وش اللي يصير؟
بقايا ( عْصير)

تعبت كثير والعتمة تجاذبني الحديث بطيش=أسايرها واخبّي مابقى من نور في دمي
أجامل وابتسم واضحك واهادن في سبيل العيش=وانا ادري اني مكسورة جناح وهدّني همي
أسولف يختنق صمتي يحاصرني السؤال بـ (ليش؟)=تبعثرني اجاباتي وذاب الصمت في فمّي
مابين الممكن الاجمل وبين المستحيل اعيش=بشّرع هالنوافذ وامسح الماضي بطرف كمّي
كثيراتمرجح بحلمي واغيّب واقعي بشويش=مابين الحلم والواقع تبعثرت وغدا حلمي
تعبت ادوزن ايامي واعوّدها على التطنيش=تعبت اهز جذع النور يتساقط رطب غمّي
أهدهد طفلة فيني بريئه هدّها التكديش=واشكّل في ملامح خيبتي واوقّع باسمي
اقلّب في الدفاتر والمح وجيه لها قدّيش=بعضها يحتريني (حلم) وبعضه غايته ذمي
أبحطب في ضلوعي واحرق احزاني ولو حتّيش=يغافلني المطر والريح والغيمات والوسمي

اقلب في الدفاتر/في الوجيه واسمع لـ (قديش)*=وانا محدن نطرني في الصحو او اقترب يمّي

آخر قصائدي المنشورة في "عذب المعاني" في مجلة "زهرة الخليج" [عفواً يمكن مشاهدة الروابط للمسجلين فقط للتسجيل اضغط هنا] <--- للي مااشترى المجله وخصوصا (شيختهم ) الملحطه









* * * * * *


جميع ماخط اعلاه من نبضي




صباحكم خير ..