الـزكـرتيه - عرض مشاركة واحدة

**بيـــــــــش** · 10-02-2007, 05:40 AM

وعليكم السلام ورحمة الله وبركاته

مميزة في كل مواضيعك مس رورو

طرح وتنسيق وفكرة

ثف بسم الله عليتس

>> تحصنتس

وللموضوع الرائع ننتقل سيدا

اقتباس:

هم يعانون من ضعف هم أوجدوه..

بما اني اكتشفت فجأة اني من فئة الواهية

خليني أتوسع لتس في شرح نفسياتنا أنا وأصحابي الواهون

مع اني لقيت بنفسي اختلافات بسيطة عنهم

يمكن تنقذني من النهاية اللي ينتهي بها طريقهم ،،

وكتعقيب على ماقلتي في وصفهم

أشوف ان الانهزامية اللي انزرعت داخل هالانسان تشعبت جذورها في قناعاته

فصار يؤمن بشي اسمه (ردى حظ) و (استحالة) و (سوداوية العالم)

وفتح لها كل مجالات حياته وصارت تتحكم في مجراها

فمثلاً : أنا فشلت في س من أمور حياتي

إذاً أنا حظي دمار وعمره مايقوم ومستحيل أتوفق لا في س ولا ياء

وأستسلم بسهولة لهالفشل

رغم اني لو فتحت باب واحد للمحاولة أكيد راح تتغير النتيجة

بس حرام في هالنحس اني أخليه يفرح

>> منطق أتعامل به

ومع يقيني التام ان هالمنطق غلط

وإن نهايته ماهيب في صالحي أبد ،، أشوف نفسي أستسلم لاإرادياً

وكأنها جملتين حفظتها ولازم أسمّعها

اقتباس:

تجد أحدهم يحاول ان يثبت انه ذا شخصيه قويه لا تهز

هذي وحده من الاختلافات بيني وبين ربعي الواهين

صراحتي مع نفسي مالها حدود

وأحب ان الكل يشوف هالصراحة علشان شخصيتي الحقيقية تبان

وماأعيش دور ماهوب دوري

يعني ان قويت قلت قوية ،، وان شفت الظروف أقوى مني قفلتها وقلت مالنا فيها يانفسي

<< واهية إلا شوي

وفعلاً الضعف اللي في نفسي أنا اللي أوجدته

وجاري التغيير وربتس يعين

اقتباس:

..((الصعوبات هي نهاية الحياة!))

أقفلها اي بس ماأضيّع المفتاح

ماهوب تضارب في شخصيتي لكن أعتبره نوع من المحاولة في تصحيح الغلط

أو تقوية الضعف

يعني مهما كان استسلامي للنهاية اللي أنا أحطها للأمور اللي أظنها صعوبات

يكون عندي أمل ونسبة تفاؤل ماهيب شويه

بس تنقصها الجرأة في التقدم بضع خطوات

وأتمنى مستقبلا اني أناظر لنصف الكأس الممتليء

وأتوب ولا أصب اهتمامي للنصف الفارغ

<< الفصحى علشان هالوجه

ولو كل انسان

- أعاد تشكيل قناعاته

- وتخلص من شي اسمه انهزامية وتشاؤم

- ووفـّق في اختيار المثل الأعلى

راح نلقى أنفسنا الشخصيات الفذة اللي وصفتيها

وراح نمسك عصا تصرفاتنا من النص وبإرادتنا نتحكم فيها

وبكذا نقدر نمسك جادة الطريق اللي يمشي عليه أبو تيشيرت أحمر

موضوع مملوح مثل راعيته

وتصوير مبسط وحلاوته في عفويته وأضاف للموضوع كثير

وماهيب غريبة عليتس ،، ذوق بكلش

يعطيتس العافية ياألبي

ويذ الواهون >> يعني حسيت اني دبست نفسي معهم