الـزكـرتيه - عرض مشاركة واحدة - زهقتي من بعلتس؟ بيعية واشتري واحد جديد بقراطيسه

**nAmLaT nAjD** · 08-29-2007, 09:43 PM

^
شمعنى هم يعني؟

سلامون عليكوم معشر الشعب

لقد انني اشتقت لخششكم واجد

هل كيف كانت العطلة؟

محد ترقى وعطوه منصب جديد مثلي؟

ياهوه ياانا بعد

بديت احس ان عندي صلاحيات

اقلها اقدر اسولف بخرابيط المواليد بكول اريحية

بدون مااسمع كلمة وش يدريتس

:

موضوعنا اليوم عدة صور لقيتها بين فايلاتي

بعضها محزر ومدود وبعضها جديد

نأمل ان تحوز على رضاكم << ايه بس

:

.:: 1 ::.

معروف ان الشرع محلل اربع للرجال

والحرمة ياويلي كل عمرها يقضي مقابلة واحد

والكل يعرف ان التجديد سبب في انتعاش الحياة لاسيما

وان الرجال تعددت اشكالهم يعني فيه طويل

وفيه ضعيف وفيه كاروهات وفيه مقلم لونين او ثلاثة حسب الاوردر

والا من اول كلهم مقاس واحد ويوني فورم يتغير كل خمس سنين

ومن هذا المونطلق اهل الابتكارات وبعد فتوى جواز رضاع الكبير

ابتكروا اخوانا المصريين حل لهالمشكله بالذات لذوات الدخل المحدود

متى ماطفشتي منه وحبيتي تحسنين اوضاعتس وتجربين غيره

انصي اقرب جريدة واعلني البيع

تعلموا يالسعوديات مب مسيار على رجلين حته وحده

<< طيب يامواليد لاس فيقاس

:

.:: 2 ::.

الرسايل انواع واجدة

شي منها طلب اجازة وبالاخير مايعطونتس الا شهر

وشي منها غرامية << شغل اول الرسائل المعطرة وتروح

بالبريد ولا توصل الا بعد سنه من تاريخ الانتاج الظاهر

ربعنا يستخدمون حمام زاجل

وشي منها كله عتب

واكثر شي يعور القلب لما تكون الرسالة طالعة من قلب

وفيها من الحزن مافيها

وشي منها رسالة فيها من البدليات مافيها لدرجة انك ماعاد تعرف وش موضوعها

:

.:: 3 ::.

ومن هنا نستنتج ان الحرمة معادلة حسابية صعبة ومعقدة

ومايحلها الا من وهبه الله موهبة الذكاء اللي مهب شوي

:

.:: 4 ::.

بعيداً عن الحريم والعرس والرسايل المعفطة

كم مره قعدت قبال الماخوذ وريقك ناشف تبي تشرب حاقة سائعة

وتلتفت والا قوطي البيبسي غدا مادة حارقة للحلدز بجونا المنعش

مالك الا هيفا

اقصد مالك الا ثليليجة << تصغير ثلاجة

وتشبكها باليو اس بي

:

كنتم مع خالة نملة = يديدة حبابة

مع السلاحف