السلام عليكم ورحمة الله
صباح كل ابو شي يهبل في الدنيا
..
توني نازله من السطح
مادريت الا الملاحظات مكتوبن فيها شي
قلت نتشاوف سوا في ابعاده
شروق الشمس يذكرني بـ طلة وجهك المحبوب
ونفح طاهر يمازح شعري المفلول
يطّري لي حكايا حبنا المجنون !
شجر أخضر
طير أصغر
من أسراب حمام يطير
دفا صبحي ينسي جرحي
.. القسوه
يبرد عن زوايا الروح
شظايا شوق
بقايا حب
وسر الهوى مفضوح!
سما زرقا
بها شمسنا الصفرا
تعكس صورتك بوضوح..
يا سبحان الله!
انرسم بالشفق وجهك
وملامح بعضها مغبون
حمامه تطير
حمامه تمر..
واقرب يمها بـ شجون
اجاريها
اغبنها وانا اناظر
ابي لو مثلها اكون !
طليقه من سجون الوقت
اسيره في مداك
وبس!
ضريره عن ركام العرف
بصيره في شواطي الحب
وفي آآآخر مراسي الحب
اتحرر..
من اساطير دفينه
هاربه من قوانين مريره
دافنه فوقي حلم
مصيّره في كوني جزيره
مابها مرسى ابد
طولها اكبر كثييير
من وصول اي ثاني
لونها لون الحرير
مايجيها اي عادي
مبهمه لكل عابر
متعبه لاي نازل
ماغيرنا احنا
وبس!
تدري البارح حلمتك
حلم ثالث ماهو اول
منظر به وجهك زعول
ودهشة النظره العجب
شي غييير من خلق ربي
شي اجمل
شي حبيته بغيبي
ولو هو حقيقه فـ كوني
كان صار علم ثاني
حلم ثالث ماهو اول
تعلقني بطرفه
.. وترحل !
وكل بسمه
تشعل بنومي الجمره
وتسأل..
احتري وياي الحقيقه
مابي رابع
ولا غيره!
تدري ان بابي متوارب
كل ليله
ينتظر شخصك يمره
لجل يشهد لحظه الشوق المحارب
وهو يمي لك جايب
تدري ان كل هذا يصير؟
والا تدري
خلنا من هالحكايه
ناخذ الفصل الاخير
عنونته:
(وشهو المصير)
هذا هو قلبي دعاك
بكرت احمر
به من بحات صوتي
خط ازرق
به من ونات جوفي
كل مافيه انه يبيك
يم ذيك الجزيره
يمها بس تسير..
جرد احساس العجز
قصر مسافات البعد
صيّر الدنيا بلد
كلها تجمعنا
وبس !
اكتسيني لك فرح
وبـ اكتسيك ضمد الـ جرح..
اختم فصول الحكايه
خلها شمس وحقيقه
خلها قلب وحبيبه
والفرح يصبح حمامه
وحبنا يشهد له عــيد
ابعد عن مواطن الاستحاله
اهجر اراضي الملل
ضمني لـ ( دفتر حياتك)
حبني قد الذي تقدر عليه
قد أكبر من البحر
قد اطول من العمر
اطول من اعمار البشر
حبني قد الكثيييييير
قد هجرك للوصل
قد ردك
اللي كسر حرف الظهر
قد الكلل
قد الملل
قد الكثير اللي بلا عد
ولا عدد !
هذي حمامه رابعه
مرت غصن ..
بقت عطر
حالمه فوق الحدود
تنتظر مني اشاره
مادرت اني رهن
لقلبه المحتاج
لعطره المفقود
وان الرهن مردود
برسلك في جوفي معها
عشق قديم
حب جديد..
وصوره من نسمة هوا
تناجي كلي الضرير
وشوية تعب
من حال حيلي الاسير !!
وسلامة كل قرا
وكل من مر