السلام عليكم ورحمة الله وبركاته

صباحكم قرفه

<< مدري وش طراه

.
.

اكتشفي جمال وجهتس مع مسحة ماء ورد كل ليله

واستيقظي ببشره خلابه

.
.

لا تضيفي المايونيز فقط للطعام

اخلطيه مع الزيت وضعيه في عرداتس علها تهبط

.
.

سلطه حلوه
وامي تقول تهبل

عباره عن 3 طبقات:

أ/ بطاطس + باذنجان مقطع مكعبات ومقلي

ب/ خيار + خس + بصل اخضر ( مقطعه ) + جزر مبشور + بليله

جـ/ زبادي + 2 ملعقة طحينه سائله + ليمون + ملح + فلفل اسود


طبعا ماحطيت المقدار لكل شيء لانه حسب الكميه وحسب الطبق اللي بتحطينه يه وبعد حسب الرغبه

.
.


حلى للعجازات سريع

بعد طبقات

1/ كسري بسكوت شاهي << ودي اقول بسكويت بس عيت تنكتب

المهم يتكسر بحجم حليو لاصغير مره ولاكبير

2/ احمسي شعيريه باكستانيه مكسره طبعا وتضيفين عليها حليب نستله بعد ماتنحمس

وتحطينها فوق البسكوت

3/ جيبي مارس او جالكسي كراميل العدد اللي تبينه وذوبيه على النار مع شووي زبده

ضيفي عليه حليب سايل ودريم ويب وكاكاو بودره ونسكافيه اذا تحبين

وخليها على النار شوي بعدين صبيها على الشعيريه

حطيها في الفريزل على قولة ماشي

صلي المغرب وتقهوو

<< حركاتنا


ترى الحلا طريقته غير بس انا واخواتي كل مره نحرف فيه وكل وحده تسويه بطريقه

.
.

اخيرا ليس آخرا

بالعافيه ..

لا نقول وداعا ولكن الى اللقاء

__________________

"اللَّهُمَّ اجْعَلْنِي نُورًا "