السلام عليكم ورحمة الله وبركاته


هذي بعض قصائد الشاعر الرائع

اتترككم معها والحكم لكم ,,,,,,,


على مبـدا الفـراق المـر.. ياخلـي فمـان الله
وعلـى مبـدا فمـان الله.. ياخلـي تذكـرنـي
وعلى مبدا تذكرنـي.. تذكـر حبنـا وش جـاه
تذكّـر قـد مـا تذكْـر.. ولكـن لا تفكـرنـي
ابسافر من اعماقك.. على جفن السهـر لرخـاه
(وابنثر دمعة عيون السهر ).. لكـن تصورنـي
تصورني مثل ليـلٍ بهيـمٍ .. (حالـكٍ) مسـراه
ليا ضاعت بي دروب المسا.. والـدرب حيرنـي
وقفت.. من العنا تايه.. علـى حـده ويامقسـاه
يسندّنـي علـى هـم.. وعلـى غـمٍ يحدرنـي
وتصورني مثل طفلٍ.. يتيـمٍ.. مـد لـك يمنـاه
تنهت.. وانكسر صدره يقول: الوقـت قاهرنـي
تثاقل دمعتينه فـي عيونـه.. والزمـان ابكـاه
وأنا لولا (..دموعه.. وأنكساره..) ويش يسهرني
نعت كل الصخور.. وقلبك القاسي.. عجز ينعـاه
تعاليت وتكابـرت وعلـى الصدمـات تغمرنـي
والى مني رحلت ..ورحت.. لا تسئل عن اللي تاه
ابي تسئل.. عن اللي سابني.. وقفـى وبعثرنـي
والى منه.. طرى اسمي على بالك.. ابي تنسـاه
لان اسمك.. على بالي.. ترى ما عاد يحضرنـي
مدام انك تثاقلت الصور.. من ذاااااك ..حتـى ذاه
اجل.. ماني بحاجة شخص.. عمره ما تصورنـي
واذا قصيدك تحقر القلب..(فيمـا أٌنذكـر اعـلاه)
لا والله .. وحشى.. لانته.. ولاغيـرك بيحقرنـي
ابي تعرف..(بأني حالـةُ فـي الحـب مستثنـاه)
أدوس القلب.. واعروقه.. ولا مثلـك يسيرنـي
علي نذر ...ويمين.. اني لعلمـك الجفـا وارداه
واعلمك التحدي ..في غرامي.. وكيف تخسرنـي
وبعلمك الشموخ.. اللي رفع راسـي ولا وطـاه
واعلمـك انحنـاء الـذات.. للـي مـا يعبرنـي
والى اشتد الغرام.. وهزني.. (يالعنبـو مجنـاه)
ابكّـسـر مجاديـفـه.. ولا والله يكـسـرنـي
انـا مانـي حبيـبٍ لاخذلتـه بالهـوى تجفـاه
انـا لـي خافـقٍ يالعنبـو حيـيـك مكبـرنـي

_______________________________

صباح عيون نورك لا بزغ طاريك
وصحى من بلابل غيبتك عيني
تذكرتك عمر والسالفة ترويك
عليّ كل ما قعدت أقلّب سنيني
سنة كنت أسكب عروقي مع ساقيك
عشان لا لهفك الشوق ترويني
سنة كان الهوى غصنن عليّ حانيك
تـدلى لين ضميته بكـفـيـني
سنة كان العمر يرقص على كفيك
سنة كان الغياب آخر عناويني
رحلت وصورتي في تلويحات أيديك
كاني لوحة بكفـك وتمحيني
تلوّح بالوداع وانمسح غاليك
وأنا ألوح بـتكفى ( لا تخليني )
بلاي أني أشوفك بالخفوق وفيك
خفوقن ما يناظر يوم وش فيني
دخيل الخنجر اللي ما رحمت مغليك
تكمّل ما بقى بي لين تنهيني
تبعتك لين شفت الزمن ينهيك
بعيني قلت أغمض بك على عيني
وأنا من مر صوتك في ثغر ما أبيك
تزملته وهو ما عاد يعنيني
ترى لو أنك تهجى صورتي يمديك
قريت اللي أسولف به على ايديني
تنطح غيبتي والله لا يعطيك
سوى حباً ربـا من بيني وبيني
ترى درباً دعاني راح لك يدعيك
بلاقيك بطريقه أو تلاقيني
لذا ما جيت أسال يالغلا وش فيك
أنا جيت أسالك بالله وش فيني
كثر ما قلت أبشطب صورتك وأمحيك
كثر ما قمت أبروزها على عيني


____________________________________


أحس ان المكان يضيق بي ويضيق بي ويضيق
وقلت احرث ورق وازرع قلم واســيل كـتابـه

عشان اليا اسرني هالمكان وثار به زنــديـــــق
افك شيوخ اصابـيعي واخلي الشعـر ارهـابــه

تحزم يا لسان الشاعر بشلف الحروف وويــــق
على بنت الخيال اللي كساها الشعـر جـلبـابـه

تزبرق في المرايا الخمس لامن كحل العشيـــق
عيون اوراق هـميـل مابـين ابـهـم وسـبـابـه

على وجه سطور بريشه الـذويـــــق ابي ترسم
تزحلاق الندى في وجـل منسابـه ومـرتـابــه

وابيك تزين اوراقي من مروج الزهر والشيــق
مثل ماحـمـره آخـر هـالنهار تـزيـن غـيـابــه

وابي تغسل عيونك من نعاس العسعسه وتفيق
على صوت يـهدهـد بلـبـل الخـفاق زريــابـه

وانا بحلب سحاب الشعر واصبـه بـفـمـك ريـق
لين اشوف ثغرك من حـلاته يـقـطر لـعـابـه

وازلــه مــع لــــبـــــريـــق وبزود حلاه شوي
مخدر شاعر تـلـقيـمـته من اصبـع اتـعـابــه

وبغلق هالعيون برشفته واقرا ورى الـتـغـلـيق
حروف اعمى مشخمـطها بعـرجـون تـقـدابـه

عشان اركز على جدار الصور مسمار للتعليق
لصوره فـكـرشاعر ماوقف فـكره على بـابـه

وكثر ماني مركز قمت احس اني من التحديــق
كأني جفن في طرف الـورق ماحرك اهـدابـه

احاول اقنص احرار الصور في زحمه التحليــق
عشان انفي من طيور الشعر هدهده وغرابه

وابى اطهر معاني دنست من عاهر التـلـفــــيق
ما دام ان نهري اطهر من محيط المدح والقابه

كفايه سربل المعنى يده من طهبل التصـفــيــق
على ركاك الكلام الـلي يغث الــسمع يـايـابـه

وبعد ما انطم هالمعنى وخضع واستفحل التنطيق
كأنه قال تحته هـيـه اتـا سـيـفه وانـا حـرابـه

وانا عم الوزن والقاف لـكـن صنعـه التـبـريـق
تجي بالواووو ولا اسطى شويعر كشرانـيـابه

لذا بشخل حروف الشعر يـا مستشعره واريـق
حثالـه شاعر لامـن تـغـنى عـجـعـج تـرابــه

تعتب اهدي اعصاب القلم وافـش بالـتـرويــق
مزاجيه شعور لو هدى ما هـديـه اعـصـابـه


فوتكم بعافيه

__________________
______________________
اخر سواليف الغلا 000
.
.
.

الامني تباطيتك وجا بخاطري لك شوق

دعيت ان الفرح دربك ولاتنشاف بك ضيقه
______________________