@@ إحـــــــــــــراج وبقووووووووووووووووووووووهــ@@
اموره وحلوه وكتكوته ياحبيبتي اقمل بنوته
بتحب باباه ومامتها ولا مره تخاصم صحبتها
وعشان غلاوتها ورئتها بسهر وبحكي لها الحتوته
كان في زمان وزمان يامكان زي  بنت جميله زمان <<<تراها ماحرفت في الاغنيه 
بالله ماتخقق هالاغنيه <<<<<
تراني كنت بحط رابط الاغنيه بس تلايطوا ناقصه ذنوب 
المهم هالبنوته تعرضت للاحراج للنعله <<<اووما اللي علمتس الاسلوب 
تمر علينا في حياتنا العلميه والعمليه مواقف محرجه للنعله احراج ولا اروع
ولا تهون مدرسيتي اللي في الابتدائيه <<<مانست من هالخباثه اللي فيها
يااني تفجرت ضحك يوم اني في 2\ب
اذكر كانت مدرسة الرياضيات تشرح ومتحمستن خطر ماتكسر الطابشور واحنا فالينها يالمبزره وعصبت علينا منخارها وصل اذانها من المنافخ علينا بحكم الازعاج وقروشه اللي احنا مسوينها
المهم تجيب ذيك المسطر الخشبيه اللي تسنها سيقان العميده <<<حشا عجره اوب مسطره سطروها العبيد
وتخبط فيها ع طاولتي  لا ني قدام في الاول بازه بعمري
اقسم بالله حسيت برعب وخوف يجري في شسمه دمي اللي تسنه دم الغزال
حسيت انها يهوديه وانا فلسطينه <<<من علمتس التشبيه
المهم قمت ادق السامري من الروعه طبعا مع هبوب هوا المسطره خلاني تسذا 
المهم وهي معصبه الله يصلحها تجلس بقوه على الكرسي والكرسي من النوع اللي يتصف
المهم ينصفط عليها ذاك اليوم وهي تخبط على الارض وانا مدري وش وضعي
اصيح من الخوف من المسطره والا افطس ضحك على شكل المدرسه
هي وشوشتها اللي تلاصقت في خشتها  <<<الزبده تفجرت ضحك عليها
بس والله رحمتها احراج وبقوه لو اني في مكانها ماعاد ادرس بتقاعد <<<برا واللي يرحم امتس انت اول تخرجي ثمن احتسي
وفيه بعد موقف ثاني <<اخلصي ع المسلمين
مرتن من المراريت كنت اسولف عند الوالده واهذر عليه وهي تعفط خشتها
انا على بالي مستانسه اني اسولف عليها اثاريها ياخلفهم حايمتن تسبدها وتبي تزحلقني ؟
قالت روحي اسئلي اخوانتس يبون الغداء الحين والا لا؟وانقز تسني غزال
فاصل
غزال ومايصيدونه مالاحه سهم صياد
يصيد بنظره عيونه هيهات وحلم ينصاد
ترى هالاغنيه مكتوبه علشاني <<<<
عدنا
المووووووهم
واجي وادورهم بالملحق حق الدشره مالقيتهم ؟
غرفتهم بعد مالقيتهم؟
قلت هاااااااااو
وينهم هالتيوس ذالفين فيه اكيد في المجلس
دخلت وانا اتميلح واقول وجع وش تسون فيذا
وكل واحد طييير عيونه فيني واحدمنهم مناخره وصلت اذنيه
قلت هيييه ماتسمعون
تقول امي تبون غدا
واحد منهم قام وجاء عندي وسمعت احد تنحنح ويوم قزيت زين واشوف هالقمر حاط رجل على رجل ومشخص تدرون من صار؟
صديق اخوي ياويلي ويلااااااااااااااااااااه (وجه عيونه حولا من الروعه)
واحط رجلي موب من الحياء لاوالله بصراحه فله
بس قمطت من عيون اخوي فهد ويلحقني ولا ردني الا بيت الدرج وينادي ماحوله احد
بس احس اني ذاك اليوم مابغيت الغداء خقيت معه العن ابو بليسه يجنن لا واسمه اديب
ياويل قلبتس يا مهاوي
انا افدى خشمه
بس الحمد لله اخواني ماعاد جابوا سيره للموضوع مايبون يحرجوني
<<<<<<<<هذي البنت مابه احد ماشاف خشتها
تدرون ليش لاني حريصه على الستر بس الايام خانتني <<<احلفي <<<والله <<ماتعوق
ومره من المرات اللي توها قبل شوي مخلصه
اذكر كنت اسبح في المسبح وكانت بنت خالتي تقول بعلمتس وشلون تطبين صاروخ
وأنـا كـل شـوي أقـول لـها عديهـا آخـر مـره < قـامطه للنعلـه
المهـم يوم جـاء فـي الخـامسـه وجـت بتسـويهـا وهـي اللـي تنزلــق وتطيـح علـى خشتها
مسكينه انحرجت من اللي الجمهور اللي يتفرجون عليها طبعا تقطعت تسبدي عليها من الضحك قامت وهي تمشي على اطراف اصابعها وتقول افلقيني لو علمتس
يالبى قلبها بس ’’’
واذكر مره وانا اتسوق في السوق <<<اجل وين تتسوقين في حوش غنم
المهم كنت مع مامي الله يطول في عمرها
متحمسه معها بالسواليف وكان الجو شوي شوي معجعج( يعني عج يالرخوم  )
المهم كان واحد من راعي المحلات متكي برا محله مرينا من جنبها والتسلب طايره عيونه فينا
المهم وانا امشي وهبوب الهواء متجه نحوي بمقدار 90درجه <<<ادفع نص عمرك ع الاسلوب
ويدخل في عيني اليمنى تراب واغمز ببراءه وعفويه
المهم ان طاحت عيني في عين راعي المحل
وانا اغمز وهو طارت عيونه لانه موب مصدق انها له الغمزه
بحكم انه يجيب المراره والكحه <<<<<لا احد يدقق لا اتله مع شنبه
و احط رجلي وبغيت ابتسي  ا واسحب الوالده بعبايتها على اقرب زاويه
وهي وش فيتس يالبقره طايره ومطفوقه تسذا
وانا ابي افرك من الاحراج 
المهم قلت لمامي السالفه وضحكت علي
يوم شفتها تضحك قمت ارز خشتي واتميلح عندها
قلت يمه ليته حلو
يوم شفت عيونها الله يطول في عمرها طارت فيني قمط العافيه
وصرفت السالفه قلت يمه هفي عيوني احس فيها تراب <<<<<اقرب مخرج
وبس ,,
اتمنى ماطولت عليكم بخرابيطي وخمبقتي 
يالله عاد ابي اشوف مواقفكم او مواقف احد مر عليكم في حياتكم ياحياتي <<
اسدحوها هنا نبي نضحك وكذا
ياللي بيسدح رد شو بنقلوه <<شاطر شاطر
ياللي بحب وناسه ولا بيزعلها بنتحبه وتظل تقوله <<<شاطر شاطر
<<<<<<<<<<<الباب هناك
ارق التحايا ’’’
ونااااااااااااااااااااسه
التعديل الأخير تم بواسطة : &وناســـــه& بتاريخ 07-25-2007 الساعة 07:16 AM.
|