الـزكـرتيه - عرض مشاركة واحدة

**حبر وحرف** · 06-18-2007, 02:14 AM

سفيرة الحزن

اقتباس:

حبر وحرف وش هي الصفه اللي اجتمعن عليها بنات حواء

الصفة ما راح اقوله الحين

بشوف الاتصالات اللي صارت مدبرة والا انه فعلا بنات حواء يحملن نفس الحس والشعور

ماصارت ننتظر .. وبعدين حجزك تم م م ;)

نسيت اقولكـ سفيرة الحجز ابيه [دبل] يعني زوجي

نفرين سديق

وبعدين انا بقولك شي ..

قولي يالله

شريحة البنات اللي تقول عنهن انهن يبون الرجل اللي مشقوقن جيبه
أقولك تراهن مايشكلن أزمه في الوقت الحاالي

تدرين عااد سفيرة فعلا ما يشكلن ازمة من ناحية الامور المادية لكن من ناحية العلاقة الزوجية يشكلن كوارث مهب ازمة واظن انه فيه مشاكل اسرية وفجوات كبيرة جدا في بعض الاسر بسبب استقلال المراءة بدخل مادي جيد غالبا يفوق دخل الزوج ..!!

إلا إذا كانت البنت ماهيب وجه زواج ومزوجينها أهلها أو تكون صغيره
أو تكون محرومه وعلى أساس ان البنت لا بغت شي قالوا انتظري الين يجي رجلك
يسويه لك .. وتتجمع كووومة أحلام مطلوب من الزوج انه يلبي كل رغبات هالبنت
اللي كانت تنتظره .. وعلى أثر ذلك تكون مشاكل كثيره .. كون الأهل مايقولون
للبنت يا بنيتي هذا رجلك اصبري عليه بالحلوه وبالمره وووووو من هالكلام اللي يصبر
البنت ولا تفكر ان هي إذا أعرست راح تملك الفانوس السحري ..

والله يا سفيرة انا افضل زوجة تصبر وتكابد مع زوجها على زوجة مستعلية على زوجها براتبها يكون وبالا عليها وعلى اسرتها ..!!

مشكلتنا أننا نحسب الزواج حل لمعظم مشاكلنا .. اللي تكون في مقدمتها
تلبية الرغبات والسفر والبيت والروحات والجيات ومطلوب من الزوج ان يكون
حنون ورومانسي وطيب وكريم ومايزعلها ووووووووو أشياء فوق مايستطيعه اي انسان
ومن المفروض اننا نتأكد من نقطه ان مافيه انسان كامل والكمال لله وحده
محتاجين ان ننظر للزواج بنظره واقعيه مو بنظره حالمه ونعتبر بأن الحياه على طول راح تكون حلوه .. وهي بالفعل راح تكون حلوه إذا انوجد الرضى والقناعه والصبر والثقه والاحترام وأخيرا الحب ..

كلام جدا جميل استاذة سفيرة ==>> تغيرت اللهجة

فعلا يجب ان ننظر الى الزواج بنظرة واقعية تتوائم وواقعنا وقدراتنا وامكاناتنا وتكويننا ,,
من مشاكلنا مع الزواج اننا اننا نحلم كثيرا ونبني القصور العاجية التي نتوقع ان نراها واقعا امامنا بمجرد ليلة الدخلة , من وجهة نظري ان احلامنا يجب ان تكبر بعد الزواج .

انا اقولك هالكلام ( من بعد ماشبعت هع ) وهذا مابعد اعرست ( بالعربي ياحظ من بياخذني ههههههه )
لا جد لسه ماتغديت ودايخه انا السبع دوخات ..

اجل ان شاء الله اذا تزوجتي اتوقع تصيري زي مدري وش اسمه اللي تجي بقناة الراي الدريعي او الدرع اللي تقول يا عيوووني ==>> ملياانه كلااام

لكن رغم بساطة موضوعك إلا اني لا استطيع ان أرمي إعتباراتنا جزافاً ..
لابد يكون هناك ميزان نقيس فيه الأمور .. بحيث لا أظلم الرجل ولا المرأه لأني واحده منهم ..

من قالكـ ان الموضوع بسيط لا يغركـ قل الكلمات والمثل يقول خير الكلام ما قل ودل مهب مثلكـ ماسكه السريع الرياض القصيم بالكلام

بهالشكل أكون ضمنت ولو الربع من نجاح حياه جديده .. وأتوقع أهم شي النظره
الوااااااقعيه ليس أكثر ... لأن الحلم ولا التمني مايوكل عيش على ماقال
إذا أنا أحط هدف في بالي لازم أصل له مهما كلفني الأمر .. حتى وإن خذلني شريك حياتي بصفه كنت اتمناها فيه ولا لقيتها .. لا بد إني أسعى إن هي تكون فيه
من غير ماأحسسه بالنقص أو بأسلوب الأمر يعني بمعنى ( أنت لازم تصير كذا )
وهذا أكبر غلط .. فيه اسلوب معين وتكتيك لكل شي .. وكل انسان وشطارته

عجبتني كلمة تكتيكـ بجد احسها رابكة مرررة ومعطية معنى متكامل ..
اللي يقرى كلامكـ يظن انكـ متزوجة لانه بصراحة كلامكـ فيه كثيرة خبرة ميدانية وانا بكل امانة عجبني اسهابكـ بالموضوع رغم انكـ جوعانة خااصة الجزء الاخير من تعقيبكـ

اخوي حبر وحرف ...
هقوتي ان الجوع يسوي اكثر من كذا ..
مشكور ياغلاها

ليتكـ دايم تكوني جوعاانة وامانة اي موضوع لي لا تردين عليه الا وانت ميته جوووع وحبذا لو يكون بنهار رمضان قبل الفطور بساعة

على العموم ما قول الا كثر خيركـ على هذه الاضافة الثرية والاكيد انها مفيدة واضفت للموضوع محاور جدا راقية ..!!

مساحات التقدير لكـ