الـزكـرتيه - عرض مشاركة واحدة

**شقرديه** · 05-20-2007, 07:50 PM

الله يجزاتس خير يانموله

ماعندتس تمارين لكرشة الساق>>ترى وربي يسمونها كذا

والله يامر علي أسبوع ملعون جد

من الكرف والكريف

دوام من الساعة ست ونص صباحا الى وحده ونص ظهرا

ومن الساعة ثلاث ونص عصرا الى العاشرة مساءا

يعني انواع الكرف وتفلة العافية

والله من ليلة اقوم من النوم من وجع رجولي

وأختي ذلتني بقطرة هالوميه والملح اللي تجيبها لي عشان انقع رجولي فيهن

وهذا الشي جعلني على يقين بما لايدع مجالا للشك

أننا شعب نفتقد للياقة>>على تراب ماجبتي شي جديد

أما هالتماريناللي انت جايبتها وش زينها وش حليلها

بس مافيه أمل اني اسويها

مب عجز بس عشان متهاوشني أمي اذا شافتني امارسها>>اقصد التمارين>>اجل وشي

لأني مرة قلتلها يمه بشتري مشد

ولا أخفيك سرا انها رمقتني بنظرة حادة وأحمد الله ان لم يكن بجانبها

ماثقل وزنه والا كان ماردتها الاّ يدها جعل يدياتها ماتعرض على النار

وقالت لي بملء فيها وش تشدين عظامتس

نموله أشكرك من أعماق أعماق قلبي على هالموضوع

الذي وأن دل على شيء فإنما يدل على حرصك واهتمامك

بكروش الشعب