:: استهلالية ::

ابعدي والله فقصه ياذا البنت السنعه





:: تحياوية ::

وعليتص الصلام (وجه بالع بلغم)




:: شي ماله اسم ::

الله يحيي بافي وماروكو والمهبوله

توّ ماتباركت غرفة السواق >> تبي المواضيع

عساكم تفجرون قنابلكم بالعافيه

ونحترق بها بالعافية


انتي شايفه شي غير اللي يطلع لي؟

ماغير ناسن تدخل وتطلع ولاتشوفين بعدهم أثر

أحس ان به تنبيه يقابل العضو قبل يدخل المنتدى

(ادخل باليمين وابلع لسانك ،، ولايقول لنا الطير انك كاتب شي)


حبايبي الأعضاء >> تدهن زبده

انهو لمن دواعي وناستنا الواجده أن نشوف حروفكم موتناثره على صفحات المنتدى

أبد ماعليكم إلا أن تنثرون وحنا وراكم نرتبها

بس انثروا الله ينثر دم ابليس

وترى المخزن قفلوه وارفعوا مفتاحه عني (وجه يستقطب الجمهور)




بافي لاتجلسين كل شوي تسحبيني خليني أكب مابخلجاتي

وربي مقهورة ودي أتوطى في بطن أحد

أزين لتس وخري




صار أولمبي



لو بنفعتس نفعت نفسي قبل ،، هذا أمي كل يوم تدعي لي بقلبها الحنون

تقول عساتس اللي يجي يضفتس ويخلصنا منتس

وأبوي كل ماشافني قال ياليتتس أكبر عيالي ويتنهد تنهيدة المحب لبنته

كلهم ودهم اني أعرست

بس أنا أعيي أبي أخلص دراستي ألين الماجستير >> هيّن


اذا تعرفين رقم خطابة ارسليه بالخاص





أتخيل بيتكم سرايا قدامه قينينه

والله ياابليس ذا عليه حركات غريبه مع البزارين

انتي يقول لتس انقزي من فوق

وأنا قده قال لي روحي للمطبخ وخذي سكين الفاكهة أم أسنان المتحرحشه

وتعالي اجلسي قدام أهلتس بالصالة وحرحشي رجلتس وقصيها >> وقسم بالله

انتي يمكن صغيره ماعليتس شرهه

أنا كنت في ثاني ابتدائي ،، المفروض اني خابره السكين وش تسوي

بس ربتس كريم

بركت على ماسهّل الله وانجرحت جرح يومين وماشفت له أثر

الظاهر علشاننا كنا أحباب الله في ذيك الفترة ماكان يقدر علينا ابليس وعياله

عسى الله يحبنا دوم >> رقعت ماكان سيأتي بعد الجمله اللي فوق



ومابعدها فهاوة المستشفيات

حليلتس بافي وانتي تنتظرينهم يقضون علشان ترجعين بيتكم

ذكرتيني بولد جيرانا اللي بعيدين

من كثر اصاباته المتكرره يالله لك الحمد ،، راح أبوه وسكن جنب المركز الصحي

وافتكوا منه أهله صار يرجع البيت وهو ملفوف وإلا ملزّق وخالص

الشاهد انه كان حريص مره على حضور اللعب

يقولون انه مره انتظرهم ألين ابتدوا يلفون يده

ويوم شافهم متوهقين فيها قام واستدرجهم بلفايفهم ألين باب المركز

علشان يشوف من اللي فاز







الله يرجتس يالخبلة

ودي شفرتها بس عندي سالفة تشبه لها فيها قلة أدب >> تبيها من الله

هذي أنا كنت مسويه تحليل ماهوب دم ولا شي سائل أصلا

شي أكبر بكثير

دخلت المستشفى ومن عند الباب الين المختبر وأنا ماسكه العلبة بيدي

ويوم وصلت خذاها ذاك الممرض وحقدت عليه ليه يمسكها بقفاز

أنا وش فيني علشان يقرف مني

وقال أبوي روحي يابنتي الحلوة انتي مع أمتس وانرزحي هناك عند الانتظار

قلت لااااا

لازم أشوف وش بيسوي في .......

قال أبوي اكلي ...... وروحي

رحت

وبعد فترة جا أبوي وقال يلا مشينا خلاص طلعت النتيجة

وماكنت مهتمة في النتيجة ولا طقيت لها خبر

مشى أبوي وأشوفه رايح صوب الباب

وأتمقل بيديه ومخباته ماشفت فيها شي

قلت هاه وين يبه؟؟

إلتفت علي بنظرة اللي وجع وش تبين

قلت له و ......ـتي

واستاسع صدري يوم شفت الابتسامة تعلو وجه أبوي

واستاسع صدري أكثر يوم قال الليلة وإلا بكره بتشوفينها

يع

الله يقطع ابليستس يابافي خربتيني >> الخراب مبطي





بافي

تعرفين أغنية راشد الماجد هذيك القديمة اللي يقول تفنن في طرق الحب؟

هذي كنت أغنيها كثير وأنا أتمشى في الحوش

وفي ذات يوم سمعتني اختي وتفاجأت بضحكة مدوّيه

قالت وش تقولييييييييييين؟

قلت : تفنن في ذروق الحوب

وبعد مااكتشفت اني خربت جو الأغنية

قلت لها : أثاريني من أغنيها أشوف الطيور يتخاطفون فوقي (وجه يلقط وجهه)







والله انتس ماتستحين

بس أهم شي الوحده تكون واثقة من اجابتها علشان تقنع بها الأبله

والتغشيش أحلى شي في الدنيا ،، لما تحظظين بوحده تلقطها وهي طايره

المصيبه لاجاتتس وحده كمخه ماتشوف ولا تسمع (وجه زكرته)




وبعيداً عن زكرته الله لايبلانا مابلاها >> بتجي تفضحتس

كنت في سادس ابتدائي

وخبرتس سادس يحسون أنفسهم أتيكيت وبرستيج في المدرسة

ذاك اليوم كانت الأبله تتكلم عن النخلة ومنتجاتها

قالت وش نسمّي الرطب أول مايطلع ويصير لونه أخضر

قلت لها بحكم الخبره النخلاويه : بسر

قالت لا

قالوا شي ثاني مدري وش

قالت لا

قلت بس هي يابنيه قوليها وصيري اشطر بنت في الدنيا

هي يقولونها اهل الحسا (خلاله) مدري اذا انتوا تعرفونها

هي اللي تجي خضرا يابسه

وأحيانا تلين شوي من فوق واللين فيها لونه أسود >> ياحلاة ريحتها

المشكله ان اللام فيها ثقيلة تنقال مثل صلالة

عادني خفت على برستيجي قدام البنات

قلت لها : خلاله >> على وزن حلاله

قالت : احلفي

وانهز البرستيج اللي كنت خايفه عليه

وصرت خلاله مثل ماصرتي يابافي فقصه





:: هوشة تجاّر ::

وش تبين يوم تعرضين جوجوتس للبيع

تراي مابعد بعت ميساء >> من شاف اسمها مااشتراها

تعالي نسوي صفقة وننزلهم سوا في السوق

ونضرب به سوق باربي

لبى نضاراته وعيونه المعصبه





مس فقصه

اني قايله انتس وحده مب أي وحده

اسلوب يجنن وفكرة رهيبه ماهيب غريبة على مختس الجوناني

صرت أنتظر القنبلتين عساهم في العجيل القارب

ماروكو ومهبوله لاتبطون يابعد من راحوا ولا جاوا



بافي تعالي أخمتس قبل تروحين



ويذ توارد الافكار >> يعني راحت عليتس الفكرة يادلوعة البيت

__________________
::

[عفواً يمكن مشاهدة الروابط للمسجلين فقط للتسجيل اضغط هنا]



[عفواً يمكن مشاهدة الروابط للمسجلين فقط للتسجيل اضغط هنا]

احفر بإصبعك على توقيعي أعلاه وتمتع

لاتفوتكم تواقيع Almlkah

وربي انها خققااآاآان






::

::